호흡부호 보기
강세부호 보기
장단부호 보기
작은 Iota 보기
모든 부호 보기
ποιεῖ δ’ οὖν ταὐτὰ ὅσα ἂν ἴδῃ τοὺσ κυνηγοῦντασ πράττοντασ, οἱ δὲ στάντεσ αὐτῶν καταντικρὺ ὑπαλείφονται φαρμάκῳ τοὺσ ὀφθαλμούσ, παρασκευάσαντεσ ἄλλα φάρμακα κολλητικὰ ὀφθαλμῶν καὶ βλεφάρων, ἅπερ οὐ πόρρω ἑαυτῶν ἐν λεκανίσκαισ βραχείαισ τιθέασιν. οἱ οὖν ὦτοι θεώμενοι τοὺσ ὑπαλειφομένουσ τὸ αὐτὸ καὶ αὐτοὶ ποιοῦσιν ἐκ τῶν λεκανίδων λαμβάνοντεσ καὶ ταχέωσ ἁλίσκονται. "ἐστὶ μὲν τῶν ἐκτοπιζόντων καὶ σχιδανοπόδων καὶ τριδακτύλων, μέγεθοσ ἀλεκτρυόνοσ μεγάλου, χρῶμα ὄρτυγοσ, κεφαλὴ προμήκησ· "ῥύγχοσ ὀξύ, τράχηλοσ λεπτόσ, ὀφθαλμοὶ μεγάλοι, γλῶσσα ὀστώδησ, πρόλοβον δ’ οὐκ ἔχει. Ἀλέξανδροσ δ’ ὁ Μύνδιοσ καὶ προσαγορεύεσθαί φησιν αὐτὸν λαγωδίαν.
φασὶ δ’ αὐτὸν καὶ τὴν τροφὴν ἀναμαρυκᾶσθαι ἥδεσθαί τε ἵππῳ. εἰ γοῦν τισ δορὰν ἵππων περιθοῖτο θηρεύσει ὅσουσ ἂν θέλῃ προσίασι γάρ ἐν ἄλλοισ δὲ πάλιν φησὶν ὁ Ἀριστοτέλησ· "ὁ ὦτόσ ἐστι μὲν παρόμοιοσ τῇ γλαυκί, οὔκ ἐστι δὲ νυκτερινόσ, ἔχει τε περὶ τὰ ὦτα πτερύγια, διὸ καὶ ὦτοσ καλεῖται· "μέγεθοσ περιστερᾶσ, μιμητὴσ ἀνθρώπων ἀντορχούμενοσ γοῦν ἁλίσκεται. ἀνθρωποειδὴσ δ’ ἐστὶ τὴν μορφὴν καὶ πάντων μιμητὴσ ὅσα ἄνθρωποσ ποιεῖ, διόπερ καὶ τοὺσ ἐξαπατωμένουσ ῥᾳδίωσ ἐκ τοῦ τυχόντοσ οἱ κωμικοὶ ὤτουσ καλοῦσιν. ἐν γοῦν τῇ θήρᾳ αὐτῶν ὁ ἐπιτηδειότατοσ ὀρχεῖται στὰσ κατὰ πρόσωπον αὐτῶν, καὶ τὰ ζῷα βλέποντα εἰσ τὸν ὀρχούμενον νευροσπαστεῖται.
ἄλλοσ δέ τισ ὄπισθεν στὰσ καὶ λαθὼν συλλαμβάνει, τῇ περὶ τὴν μίμησιν ἡδονῇ κατεχομένουσ, τὸ δ’ αὐτὸ ποιεῖν λέγουσι καὶ τοὺσ σκῶπασ·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기