호흡부호 보기
강세부호 보기
장단부호 보기
작은 Iota 보기
모든 부호 보기
ἐπὶ τούτοισ ὁ μάγειροσ ἔφη· λέξω τοίνυν κἀγὼ οὐκ ἀρχαίαν ἐπίνοιαν, ἀλλ’ εὑρ́εσιν ἐμὴν ἵνα μὴ ὁ αὐλητὴσ πληγὰσ λάβῃ·
ὁ γὰρ Εὔβουλοσ ἐν Λάκωσιν ἢ Λήδᾳ ἔφη· ἀλλ’ ἠκούσαμεν καὶ τοῦτο, νὴ τὴν Ἑστίαν, οἴκοι ποθ’ ὡσ ὅσ1’ ἂν ὁ μάγειροσ ἐξαμάρτῃ, τύπτεται, ὥσ φασιν, αὑλητὴσ παρ’ ὑμῖν.
Φιλύλλιὸσ τε ἢ ὁ ποιήσασ τὰσ Πόλεισ φησίν ὅ τι ἂν τύχῃ μάγειροσ ἀδικήσασ, τὸν αὐλητὴν λαβεῖν πληγάσ περὶ ἡμιόπτου καὶ ἡμιέφθου καὶ ἀσφάκτου γεμιστοῦ χοίρου. καὶ ἐπέδειξεν.
ἔπειτα ἀπορρεύσαντοσ τοῦ πολλοῦ αἵματοσ πάντα τὰ ἐντοσθίδια μετὰ τῆσ ἐξαιρέσεωσ εἴρηται γὰρ καὶ ἐξαίρεσισ, ὦ στωμυλῆθραι δαιταλεῖσ διακλύσασ ἐπιμελῶσ οἴνῳ πολλάκισ ἐκρέμασα ἐκ ποδῶν.
εἶτα πάλιν οἴνῳ διέβρεξα καὶ προεψήσασ μετὰ πολλοῦ πιπέρεωσ τὰ προειρημένα χναυμάτια ἔβυσα διὰ τοῦ στόματοσ, πολλὸν ἐπιχέασ ζωμὸν εὖ πάνυ πεποιημένον. καὶ μετὰ ταῦτα περιέπλασα τοῦ χοίρου τὴν ἡμίσειαν, ὡσ ὁρᾶτε, ἀλφίτοισ πολλοῖσ κριθῆσ· ἀναδεύσασ αὐτὰ οἴνῳ καὶ ἐλαίῳ.
ἔπειτ’ ἐνέθηκα κριβάνῳ ὑποθεὶσ τράπεζαν χαλκῆν ἐστάθευσά τε τῷ πυρί, ὡσ μήτε κατακαῦσαι μήτ’ ὠμὸν ἀφελεῖν. καὶ τῆσ φορίνησ ἤδη γενομένησ κραμβαλέασ εἴκασα καὶ τἄλλο μέροσ ἡψῆσθαι ἀποβαλών τ’ αὐτοῦ τὰ ἄλφιτα οὕτω φέρων ὑμῖν παρέθηκα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기