헬라어 문장 검색 - Αρριαν́Αναβασί6́27́

(아리아노스, Anabasis, book 6, chapter 27)

Ὡσ δὲ ἀφίκετο ἐσ τῶν Γαδρωσίων τὰ βασίλεια, ἀναπαύει ἐνταῦθα τὴν στρατιάν. καὶ Ἀπολλοφάνην μὲν παύει τῆσ σατραπείασ, ὅτι οὐδενὸσ ἔγνω ἐπιμεληθέντα τῶν προεπηγγελμένων, Θόαντα δὲ σατραπεύειν τῶν ταύτῃ ἔταξε· τούτου δὲ νόσῳ τελευτήσαντοσ Σιβύρτιοσ τὴν σατραπείαν ἐκδέχεται· ὁ αὐτὸσ δὲ καὶ Καρμανίασ σατράπησ ἦν νεωστὶ ἐξ Ἀλεξάνδρου ταχθείσ· τότε δὲ τούτῳ μὲν Ἀραχωτῶν τε καὶ τῶν Γαδρωσίων ἄρχειν ἐδόθη, Καρμανίαν δὲ ἔσχε Τληπόλεμοσ ὁ Πυθοφάνουσ. ἤδη τε ἐπὶ Καρμανίασ προὐχώρει ὁ βασιλεὺσ καὶ ἀγγέλλεται αὐτῷ Φίλιππον τὸν σατράπην τῆσ Ἰνδῶν γῆσ ἐπιβουλευθέντα πρὸσ τῶν μισθοφόρων δόλῳ ἀποθανεῖν, τοὺσ δὲ ἀποκτείναντασ ὅτι οἱ σωματοφύλακεσ τοῦ Φιλίππου οἱ Μακεδόνεσ τοὺσ μὲν ἐν αὐτῷ τῷ ἔργῳ, τοὺσ δὲ καὶ ὕστερον λαβόντεσ ἀπέκτειναν.

ταῦτα δὲ ὡσ ἔγνω, ἐκπέμπει γράμματα ἐσ Ἰνδοὺσ παρὰ Εὔδαμόν τε καὶ Ταξίλην ἐπιμελεῖσθαι τῆσ χώρασ τῆσ πρόσθεν ὑπὸ Φιλίππῳ τεταγμένησ ἔστ̓ ἂν αὐτὸσ σατράπην ἐκπέμψῃ ἐπ̓ αὐτῆσ. Ἤδη δ̓ ἐσ Καρμανίαν ἥκοντοσ Ἀλεξάνδρου Κρατερὸσ ἀφικνεῖται, τήν τε ἄλλην στρατιὰν ἅμα οἷ ἄγων καὶ τοὺσ ἐλέφαντασ καὶ Ὀρδάνην τὸν ἀποστάντα καὶ νεωτερίσαντα συνειληφώσ.

ἐνταῦθα δὲ Στασάνωρ τε ὁ Ἀρείων καὶ ὁ Ζαραγγῶν σατράπησ ἧκεν καὶ ξὺν αὐτοῖσ Φαρισμάνησ ὁ Φραταφέρνου τοῦ Παρθυαίων καὶ Ὑρκανίων σατράπου παῖσ. ἧκον δὲ καὶ οἱ στρατηγοὶ οἱ ὑπολειφθέντεσ ἅμα Παρμενίωνι ἐπὶ τῆσ στρατιᾶσ τῆσ ἐν Μηδίᾳ, Κλέανδρόσ τε καὶ Σιτάλκησ καὶ Ἡράκων, τὴν πολλὴν τῆσ στρατιᾶσ καὶ οὗτοι ἄγοντεσ. τοὺσ μὲν δὴ ἀμφὶ Κλέανδρόν τε καὶ Σιτάλκην πολλὰ ἐπικαλούντων αὐτοῖσ τῶν τε ἐγχωρίων καὶ τῆσ στρατιᾶσ αὐτῆσ, ὡσ ἱερά τε πρὸσ αὐτῶν σεσυλημένα καὶ θήκασ παλαιὰσ κεκινημένασ καὶ ἄλλα ἄδικα ἔργα ἐσ τοὺσ ὑπηκόουσ τετολμημένα καὶ ἀτάσθαλα, ταῦτα ὡσ ἐξηγγέλθη, τοὺσ μὲν ἀπέκτεινεν, ὡσ καὶ τοῖσ ἄλλοισ δέοσ εἶναι, ὅσοι σατράπαι ἢ ὕπαρχοι ἢ νομάρχαι ἀπολείποιντο, τὰ ἴσα ἐκείνοισ πλημμελοῦντασ πείσεσθαι·

̔καὶ τοῦτο, εἴπερ τι ἄλλο, κατέσχεν ἐν κόσμῳ τὰ ἔθνη τὰ ἐξ Ἀλεξάνδρου δοριάλωτα ἢ ἑκόντα προσχωρήσαντα, τοσαῦτα μὲν πλήθει ὄντα, τόσον δὲ ἀλλήλων ἀφεστηκότα, ὅτι οὐκ ἐξῆν ὑπὸ τῇ Ἀλεξάνδρου βασιλείᾳ ἀδικεῖσθαι τοὺσ ἀρχομένουσ ὑπὸ τῶν ἀρχόντων·

̓ Ἡράκων δὲ τότε μὲν ἀφείθη τῆσ αἰτίασ· ὀλίγον δὲ ὕστερον ἐξελεγχθεὶσ πρὸσ ἀνδρῶν Σουσίων σεσυληκέναι τὸ ἐν Σούσοισ ἱερὸν καὶ οὗτοσ ἔδωκεν δίκην. οἱ δὲ σὺν Στασάνορι καὶ Φραταφέρνῃ πλῆθόσ τε ὑποζυγίων παῤ Ἀλέξανδρον ἄγοντεσ ἦλθον καὶ καμήλουσ πολλάσ, ὡσ ἔμαθον ὅτι τὴν ἐπὶ Γαδρωσίων ἄγει, εἰκάσαντεσ ὅτι τὰ αὐτὰ ἐκεῖνα πείσεται αὐτῷ ἡ στρατιὰ ἃ δὴ ἔπαθε·

καὶ οὖν καὶ ἐν καιρῷ μὲν καὶ οὗτοι ἀφίκοντο, ἐν καιρῷ δὲ αἱ κάμηλοί τε καὶ τὰ ὑποζύγια· διένειμε γὰρ ξύμπαντα Ἀλέξανδροσ τοῖσ μὲν ἡγεμόσι κατ̓ ἄνδρα, τοῖσ δὲ κατ̓ ἴλασ τε καὶ ἑκατοστύασ, τοῖσ δὲ κατὰ λόχουσ, ὅπωσ τὸ πλῆθοσ τῶν ὑποζυγίων τε καὶ καμήλων αὐτῷ ξυνέβαινεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 6, chapter 27

(아리아노스, Anabasis, book 6, chapter 27)

상위

목록

SEARCH

MENU NAVIGATION