헬라어 문장 검색 - Αρριαν́Αναβασί6́22́

(아리아노스, Anabasis, book 6, chapter 22)

Αὐτὸσ δὲ ἀναλαβὼν αὖθισ τῶν ὑπασπιστῶν καὶ τῶν Ἀγριάνων τοὺσ ἡμίσεασ καὶ τὸ ἄγημα τῶν ἱππέων καὶ τοὺσ ἱπποτοξότασ προῄει ὡσ ἐπὶ τὰ ὁρ́ια τῶν τε Γαδρωσῶν καὶ Ὠρειτῶν, ἵναπερ στενή τε ἡ πάροδοσ αὐτῷ εἶναι ἐξηγγέλλετο καὶ οἱ Ὠρεῖται τοῖσ Γαδρωσοῖσ ξυντεταγμένοι πρὸ τῶν στενῶν στρατοπεδεύειν, ὡσ εἴρξοντεσ τῆσ παρόδου Ἀλέξανδρον. καὶ ἦσαν μὲν ταύτῃ τεταγμένοι, ὡσ δὲ προάγων ἤδη ἐξηγγέλλετο, οἱ μὲν πολλοὶ ἔφυγον ἐκ τῶν στενῶν λιπόντεσ τὴν φυλακήν, οἱ δὲ ἡγεμόνεσ τῶν Ὠρειτῶν ἀφίκοντο παῤ αὐτὸν σφᾶσ τε αὐτοὺσ καὶ τὸ ἔθνοσ ἐνδιδόντεσ.

τούτοισ μὲν δὴ προστάττει ξυγκαλέσαντασ τὸ πλῆθοσ τῶν Ὠρειτῶν πέμπειν ἐπὶ τὰ σφέτερα ἤθη, ὡσ δεινὸν οὐδὲν πεισομένουσ· σατράπην δὲ καὶ τούτοισ ἐπιτάσσει Ἀπολλοφάνην· καὶ ξὺν τούτῳ ἀπολείπει Λεοννάτον τὸν σωματοφύλακα ἐν Ὤροισ, ἔχοντα τούσ τε Ἀγριᾶνασ ξύμπαντασ καὶ τῶν τοξοτῶν ἔστιν οὓσ καὶ τῶν ἱππέων καὶ ἄλλουσ πεζούσ τε καὶ ἱππέασ Ἕλληνασ μισθοφόρουσ, τό τε ναυτικὸν ὑπομένειν ἔστ̓ ἂν περιπλεύσῃ τὴν χώραν καὶ τὴν πόλιν ξυνοικίζειν καὶ τὰ κατὰ τοὺσ Ὠρείτασ κοσμεῖν, ὅπωσ μᾶλλόν τι προσέχοιεν τῷ σατράπῃ τὸν νοῦν.

αὐτὸσ δὲ ξὺν τῇ στρατιᾷ τῇ πολλῇ, καὶ γὰρ καὶ Ἡφαιστίων ἀφίκετο ἄγων αὐτῷ τοὺσ ὑπολειφθέντασ, προὐχώρει ὡσ ἐπὶ Γαδρωσοὺσ ἔρημον τὴν πολλήν. Καὶ ἐν τῇ ἐρήμῳ ταύτῃ λέγει Ἀριστόβουλοσ σμύρνησ πολλὰ δένδρα πεφυκέναι μείζονα ἢ κατὰ τὴν ἄλλην σμύρναν, καὶ τοὺσ Φοίνικασ τοὺσ κατ̓ ἐμπορ[ε]ίαν τῇ στρατιᾷ ξυνεπομένουσ ξυλλέγοντασ τὸ δάκρυον τῆσ σμύρνησ ̔πολὺ γὰρ εἶναι, οἱᾶ δὴ ἐκ μεγάλων τε τῶν πρέμνων καὶ οὔπω πρόσθεν ξυλλελεγμένον̓ ἐμπλήσαντασ τὰ ὑποζύγια ἄγειν.

ἔχειν δὲ τὴν ἔρημον ταύτην καὶ νάρδου ῥίζαν πολλήν τε καὶ εὐόδμον καὶ ταύτην ξυλλέγειν τοὺσ Φοίνικασ·

πολὺ δὲ εἶναι αὐτῆσ τὸ καταπατούμενον πρὸσ τῆσ στρατιᾶσ, καὶ ἀπὸ τοῦ πατουμένου ὀδμὴν ἡδεῖαν κατέχειν ἐπὶ πολὺ τῆσ χώρασ. τοσόνδε εἶναι τὸ πλῆθοσ· εἶναι δὲ καὶ ἄλλα δένδρα ἐν τῇ ἐρήμῳ, τὸ μέν τι δάφνῃ ἐοικὸσ τὸ φύλλον, καὶ τοῦτο ἐν τοῖσ προσκλυζομένοισ τῇ θαλάσσῃ χωρίοισ πεφυκέναι·

καὶ ἀπολείπεσθαι μὲν τὰ δένδρα πρὸσ τῆσ ἀμπώτεωσ ἐπὶ ξηροῦ, ἐπελθόντοσ δὲ τοῦ ὕδατοσ ἐν τῇ θαλάσσῃ πεφυκότα φαίνεσθαι· τῶν δὲ καὶ ἀεὶ τὰσ ῥίζασ τῇ θαλάσσῃ ἐπικλύζεσθαι, ὅσα ἐν κοίλοισ χωρίοισ ἐπεφύκει, ἔνθενπερ οὐχ ὑπενόστει τὸ ὕδωρ, καὶ ὅμωσ οὐ διαφθείρεσθαι τὸ δένδρον πρὸσ τῆσ θαλάσσησ. εἶναι δὲ τὰ δένδρα ταύτῃ πήχεων καὶ τριάκοντα ἔστιν ἃ αὐτῶν, τυχεῖν τε ἀνθοῦντα ἐκείνῃ τῇ ὡρ́ᾳ, καὶ τὸ ἄνθοσ εἶναι τῷ λευκῷ μάλιστα ἰῴ προσφερέσ, τὴν ὀδμὴν δὲ πολύ τι ὑπερφέρον.

καὶ ἄλλον εἶναι καυλὸν ἐκ γῆσ πεφυκότα ἀκάνθησ, καὶ τούτῳ ἐπεῖναι ἰσχυρὰν τὴν ἄκανθαν, ὥστε ἤδη τινῶν καὶ παριππευόντων ἐμπλακεῖσαν τῇ ἐσθῆτι κατασπάσαι ἀπὸ τοῦ ἵππου μᾶλλόν τι τὸν ἱππέα ἢ αὐτὴν ἀποσχισθῆναι ἀπὸ τοῦ καυλοῦ. καὶ τῶν λαγῶν λέγεται ὅτι παραθεόντων εἴχοντο ἐν ταῖσ θριξὶν αἱ ἄκανθαι καὶ ὅτι οὕτωσ ἡλίσκοντο οἱ λαγῶ, καθάπερ ὑπὸ ἰξοῦ αἱ ὄρνιθεσ ἢ τοῖσ ἀγκίστροισ οἱ ἰχθύεσ, σιδήρῳ δὲ ὅτι διακοπῆναι οὐ χαλεπὴ ἦν·

καὶ ὀπὸν ὅτι ἀνίει πολὺν ὁ καυλὸσ τῆσ ἀκάνθησ τεμνομένησ, ἔτι πλείονα ἢ αἱ συκαῖ τοῦ ἦροσ καὶ δριμύτερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 22

(아리아노스, Anabasis, book 6, chapter 22)

상위

목록

SEARCH

MENU NAVIGATION