헬라어 문장 검색 - Αρριαν́Αναβασί6́18́

(아리아노스, Anabasis, book 6, chapter 18)

Αὐτὸσ δὲ Ἡφαιστίωνι προστάξασ τειχίζειν ἐν τοῖσ Πατάλοισ ἄκραν ἀποπέμπει ἐσ τὴν ἄνυδρον τῆσ πλησίον γῆσ φρέατά τε ὀρύξοντασ καὶ οἰκήσιμον τὴν χώραν κατασκευάσοντασ. καὶ τούτοισ ἐπέθεντο τῶν προσχώρων τινὲσ βαρβάρων, καὶ ἔστι μὲν οὓσ διέφθειραν αὐτῶν ἄφνω προσπεσόντεσ, πολλοὺσ δὲ καὶ σφῶν ἀποβαλόντεσ ἔφυγον ἐσ τὴν ἔρημον, ὥστε ἐπιτελεσθῆναι τοῖσ ἐκπεμφθεῖσι τὰ ἔργα προσγενομένησ αὐτοῖσ καὶ ἄλλησ στρατιᾶσ, ἣν Ἀλέξανδροσ πυθόμενοσ τῶν βαρβάρων τὴν ἐπίθεσιν ἐστάλκει μεθέξοντασ τοῦ ἔργου. Περὶ δὲ τοῖσ Πατάλοισ σχίζεται τοῦ Ἰνδοῦ τὸ ὕδωρ ἐσ δύο ποταμοὺσ μεγάλουσ, καὶ οὗτοι ἀμφότεροι σώζουσι τοῦ Ἰνδοῦ τὸ ὄνομα ἔστε ἐπὶ τὴν θάλασσαν.

ἐνταῦθα ναύσταθμόν τε καὶ νεωσοίκουσ ἐποίει Ἀλέξανδροσ· ὡσ δὲ προὐκεχωρήκει αὐτῷ τὰ ἔργα, ὁ δὲ καταπλεῖν ἐπενόει ἔστε ἐπὶ τὴν ἐκβολὴν τοῦ ἐν δεξιᾷ ῥέοντοσ ποταμοῦ ἐσ τὴν θάλασσαν. Λεοννάτον μὲν δὴ δοὺσ αὐτῷ τῶν τε ἱππέων ἐσ χιλίουσ καὶ τῶν ὁπλιτῶν τε καὶ ψιλῶν ἐσ ὀκτακισχιλίουσ κατὰ τὴν νῆσον τὰ Πάταλα ἐκπέμπει ἀντιπαράγειν τῷ στόλῳ, αὐτὸσ δὲ τὰσ μάλιστα τῶν νεῶν ταχυναυτούσασ ἀναλαβὼν ὅσαι τε ἡμιόλιαι καὶ τὰσ τριακοντόρουσ πάσασ καὶ τῶν κερκούρων ἔστιν οὓσ ἔπλει κατὰ τὸν ποταμὸν τὸν ἐν δεξιᾷ.

οὐκ ἔχοντι δὲ αὐτῷ ἡγεμόνα τοῦ πλοῦ, ὅτι πεφεύγεσαν οἱ ταύτῃ Ἰνδοί, ἀπορώτερα τὰ τοῦ κατάπλου ἦν·

χειμών τε ἐπιγίγνεται ἐσ τὴν ὑστεραίαν ἀπὸ τῆσ ἀναγωγῆσ καὶ ὁ ἄνεμοσ τῷ ῥόῳ πνέων ὑπεναντίοσ κοῖλόν τε ἐποίει τὸν ποταμὸν καὶ τὰ σκάφη διέσειεν, ὥστε ἐπόνησαν αὐτῷ αἱ πλεῖσται τῶν νεῶν, τῶν δὲ τριακοντόρων ἔστιν αἳ καὶ πάντῃ διελύθησαν. ἔφθησαν δὲ ἐποκείλαντεσ αὐτὰσ πρὶν παντάπασιν διαπεσεῖν ἐν τῷ ὕδατι. ἕτεραι οὖν ξυνεπήγνυντο.

καὶ τῶν ψιλῶν τοὺσ κουφοτάτουσ ἐκπέμψασ ἐσ τὴν προσωτέρω τῆσ ὄχθησ χώραν ξυλλαμβάνει τινὰσ τῶν Ἰνδῶν, καὶ οὗτοι τὸ ἀπὸ τοῦδε ἐξηγοῦντο αὐτῷ τὸν πόρον. ὡσ δὲ ἧκον ἵναπερ ἀναχεῖται ἐσ εὖροσ ὁ ποταμόσ, ὡσ καὶ διακοσίουσ ταύτῃ σταδίουσ ἐπέχειν ᾗπερ εὐρύτατοσ αὐτὸσ αὑτοῦ ἦν, τό τε πνεῦμα κατῄει μέγα ἀπὸ τῆσ ἔξω θαλάσσησ καὶ αἱ κῶπαι ἐν κλύδωνι χαλεπῶσ ἀνεφέροντο, ξυμφεύγουσιν αὖ ἐσ διώρυχα, ἐσ ἥντινα οἱ ἡγεμόνεσ αὐτῷ καθηγήσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 18

(아리아노스, Anabasis, book 6, chapter 18)

상위

목록

SEARCH

MENU NAVIGATION