Arrian, Anabasis, book 6, chapter 18 4:

οὐκ ἔχοντι δὲ αὐτῷ ἡγεμόνα τοῦ πλοῦ, ὅτι πεφεύγεσαν οἱ ταύτῃ Ἰνδοί, ἀπορώτερα τὰ τοῦ κατάπλου ἦν· χειμών τε ἐπιγίγνεται ἐσ τὴν ὑστεραίαν ἀπὸ τῆσ ἀναγωγῆσ καὶ ὁ ἄνεμοσ τῷ ῥόῳ πνέων ὑπεναντίοσ κοῖλόν τε ἐποίει τὸν ποταμὸν καὶ τὰ σκάφη διέσειεν, ὥστε ἐπόνησαν αὐτῷ αἱ πλεῖσται τῶν νεῶν, τῶν δὲ τριακοντόρων ἔστιν αἳ καὶ πάντῃ διελύθησαν. ἔφθησαν δὲ ἐποκείλαντεσ αὐτὰσ πρὶν παντάπασιν διαπεσεῖν ἐν τῷ ὕδατι.