Arrian, Anabasis, book 6, chapter 14 4:

Ὡσ δὲ ταῦτα αὐτῷ κεκόσμητο καὶ πλοῖα ἐπὶ τῇ διατριβῇ τῇ ἐκ τοῦ τραύματοσ πολλὰ προσενεναυπήγητο, ἀναβιβάσασ ἐσ τὰσ ναῦσ τῶν μὲν ἑταίρων ἱππέασ ἑπτακοσίουσ καὶ χιλίουσ, τῶν ψιλῶν δὲ ὅσουσπερ καὶ πρότερον, πεζοὺσ δὲ ἐσ μυρίουσ, ὀλίγον μέν τι τῷ Ὑδραώτῃ ποταμῷ κατέπλευσεν, ὡσ δὲ συνέμιξεν ὁ Ὑδραώτησ τῷ Ἀκεσίνῃ, ὅτι ὁ Ἀκεσίνησ κρατεῖ τοῦ Ὑδραώτου [ἐν] τῇ ἐπωνυμίᾳ, κατὰ τὸν Ἀκεσίνην αὖ ἔπλει, ἔστε ἐπὶ τὴν ξυμβολὴν τοῦ Ἀκεσίνου καὶ τοῦ Ἰνδοῦ ἧκεν.