헬라어 문장 검색 - Αρριαν́Αναβασί6́13́

(아리아노스, Anabasis, book 6, chapter 13)

Καὶ ταῦτα ἐννοήσασ Ἀλέξανδροσ, μή τι νεωτερισθείη ἐν τῇ στρατιᾷ, ὅτε πρῶτον ἠδυνήθη κομίζεται ἐπὶ τοῦ ποταμοῦ τοῦ Ὑδραώτου τὰσ ὄχθασ· καὶ πλέων κατὰ τὸν ποταμόν ἡ̓͂ν γὰρ τὸ στρατόπεδον ἐπὶ ταῖσ ξυμβολαῖσ τοῦ τε Ὑδραώτου καὶ τοῦ Ἀκεσίνου, ἵνα Ἡφαιστίων τε ἐπὶ τῆσ στρατιᾶσ ἦν καὶ Νέαρχοσ τὸ ναυτικὸν αὐτῷ εἶχεν̓, ὡσ [δὲ] ἐπέλαζεν ἡ ναῦσ ἤδη τῷ στρατοπέδῳ τὸν βασιλέα φέρουσα, κελεύει δὴ ἀφελεῖν τὴν σκηνὴν ἀπὸ τῆσ πρύμνησ, ὡσ καταφανὴσ εἶναι πᾶσιν. οἱ δὲ ἔτι ἠπίστουν, ὡσ νεκροῦ δῆθεν κομιζομένου Ἀλεξάνδρου, πρίν γε δὴ προσχούσησ τῆσ νεὼσ τῇ ὄχθῃ ὁ μὲν τὴν χεῖρα ἀνέτεινεν ἐσ τὸ πλῆθοσ·

οἱ δὲ ἀνεβόησαν, ἐσ τὸν οὐρανὸν ἀνασχόντεσ τὰσ χεῖρασ, οἱ δὲ πρὸσ αὐτὸν Αλέξανδρον· πολλοῖσ δὲ καὶ δάκρυα ἐπὶ τῷ ἀνελπίστῳ προεχύθη ἀκούσια. καὶ οἱ μὲν τῶν ὑπασπιστῶν κλίνην προσέφερον αὐτῷ ἐκκομιζομένῳ ἐκ τῆσ νεώσ, ὁ δὲ τὸν ἵππον προσαγαγεῖν ἐκέλευσεν. ὡσ δὲ ἐπιβὰσ τοῦ ἵππου ὤφθη αὖθισ, κρότῳ δὴ πολλῷ ἐπεκτύπησεν ἡ στρατιὰ πᾶσα, ἐπήχησαν δὲ αἵ τε ὄχθαι καὶ αἱ πλησίον αὐτῶν νάπαι.

προσάγων δὲ ἤδη τῇ σκηνῇ καταβαίνει ἀπὸ τοῦ ἵππου, ὥστε καὶ βαδίζων ὀφθῆναι. οἱ δὲ ἐπέλαζον ἄλλοσ ἄλλοθεν, οἱ μὲν χειρῶν, οἱ δὲ γονάτων, οἱ δὲ τῆσ ἐσθῆτοσ αὐτῆσ ἁπτόμενοι, οἱ δὲ καὶ ἰδεῖν ἐγγύθεν καί τι καὶ ἐπευφημήσαντεσ ἀπελθεῖν· οἱ δὲ ταινίαισ ἔβαλλον, οἱ δὲ ἄνθεσιν, ὅσα ἐν τῷ τότε ἡ Ἰνδῶν γῆ παρεῖχε. Νέαρχοσ δὲ λέγει, ὅτι χαλεποὶ αὐτῷ τῶν φίλων ἐγένοντο ὅσοι ἐκάκιζον, ὅτι αὐτὸσ πρὸ τῆσ στρατιᾶσ κινδυνεύοι·

οὐ γὰρ στρατηγοῦ ταῦτα, ἀλλὰ στρατιώτου εἶναι. καί μοι δοκεῖ ἄχθεσθαι Ἀλέξανδροσ τοῖσδε τοῖσ λόγοισ, ὅτι ἀληθεῖσ τε ὄντασ ἐγίγνωσκε καὶ αὑτὸν ὑπαίτιον τῇ ἐπιτιμήσει. καὶ ὅμωσ ὑπὸ μένουσ τε τοῦ ἐν ταῖσ μάχαισ καὶ τοῦ ἔρωτοσ τῆσ δόξησ, καθάπερ οἱ ἄλλησ τινὸσ ἡδονῆσ ἐξηττώμενοι, οὐ καρτερὸσ ἦν ἀπέχεσθαι τῶν κινδύνων. ἄνθρωπον δέ τινα πρεσβύτερον λέγει Βοιώτιον, τὸ δὲ ὄνομα τοῦ ἀνθρώπου οὐ λέγει, ὡσ ἀχθόμενόν τε πρὸσ τὰσ ἐπιτιμήσεισ τῶν φίλων κατέμαθεν Ἀλέξανδρον καὶ ἐσκυθρωπακότα, προσελθόντα τοῦτον βοιωτιάζοντα ἅμα τῇ φωνῇ ταῦτα φάναι·

ὦ Ἀλέξανδρε, ἀνδρῶν τὰ ἔργα· καί τι καὶ ἰαμβεῖον ὑπειπεῖν, τὸν δὲ νοῦν εἶναι τοῦ ἰαμβείου ὅτι τῷ τι δρῶντι καὶ παθεῖν ἐστιν ὀφειλόμενον. καὶ τοῦτον ἔν τε τῷ παραυτίκα εὐδοκιμῆσαι καὶ ἐπιτηδειότερον ἐσ τὸ ἔπειτα Ἀλεξάνδρῳ γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 13

(아리아노스, Anabasis, book 6, chapter 13)

상위

목록

SEARCH

MENU NAVIGATION