헬라어 문장 검색 - Αρριαν́Αναβασί6́11́

(아리아노스, Anabasis, book 6, chapter 11)

Ἐν τούτῳ δὲ οἱ μὲν ἔκτεινον τοὺσ Ἰνδούσ, καὶ ἀπέκτεινάν γε πάντασ οὐδὲ γυναῖκα ἢ παῖδα ὑπελείποντο, οἱ δὲ ἐξέφερον τὸν βασιλέα ἐπὶ τῆσ ἀσπίδοσ κακῶσ ἔχοντα, οὔπω γιγνώσκοντεσ βιώσιμον ὄντα. τὸ δὲ βέλοσ ἐξελκύσαι ἐκ τοῦ τραύματοσ ἐπιτεμόντα τὴν πληγὴν οἱ μὲν Κριτόδημον ἀνέγραψαν, ἰατρὸν Κῶον, τὸ γένοσ τῶν Ἀσκληπιαδῶν, οἱ δὲ Περδίκκαν τὸν σωματοφύλακα, οὐ παρόντοσ ἐν τῷ δεινῷ ἰατροῦ, ἐγκελευσαμένου Ἀλεξάνδρου τῷ ξίφει ἐπιτεμεῖν τὴν πληγὴν καὶ κομίσασθαι τὸ βέλοσ. ἐν δὲ τῇ κομιδῇ φορὰ αἵματοσ πολλοῦ γίγνεται, ὥστε λειποψυχῆσαι αὖθισ Ἀλέξανδρον καὶ οὕτω σχεθῆναι αὐτῷ τὸ αἷμα ὑπὸ τῇ λειποψυχίᾳ.

πολλὰ δὲ καὶ ἄλλα ἀναγέγραπται τοῖσ ξυγγραφεῦσιν ὑπὲρ τοῦ παθήματοσ, καὶ ἡ φήμη παραδεξαμένη αὐτὰ κατὰ τοὺσ πρώτουσ ψευσαμένουσ ἔτι καὶ εἰσ ἡμᾶσ διασώζει, οὐδὲ ἀφήσει παραδιδοῦσα καὶ ἐφεξῆσ ἄλλοισ τὰ ψευδῆ, εἰ μὴ ὑπὸ τῆσδε τῆσ ξυγγραφῆσ παύσεται. Αὐτίκα ἐν Ὀξυδράκαισ τὸ πάθημα τοῦτο γενέσθαι Ἀλεξάνδρῳ ὁ πᾶσ λόγοσ κατέχει·

τὸ δὲ ἐν Μαλλοῖσ ἔθνει αὐτονόμῳ Ἰνδικῷ ξυνέβη, καὶ ἥ τε πόλισ Μαλλῶν ἦν καὶ οἱ βαλόντεσ Ἀλέξανδρον Μαλλοί, οἳ δὴ ἐγνώκεσαν μὲν ξυμμίξαντεσ τοῖσ Ὀξυδράκαισ οὕτω διαγωνίζεσθαι, ἔφθη δὲ διὰ τῆσ ἀνύδρου ἐπ̓ αὐτοὺσ ἐλάσασ πρίν τινα ὠφέλειαν αὐτοῖσ παρὰ τῶν Ὀξυδρακῶν γενέσθαι ἢ αὐτοὺσ ἐκείνοισ τι ἐπωφελῆσαι. ἐπεὶ καὶ τὴν τελευταίαν μάχην τὴν πρὸσ Δαρεῖον γενομένην, καθ̓ ἥντινα ἔφυγε Δαρεῖοσ οὐδὲ πρόσθεν ἔληξε τῆσ φυγῆσ πρὶν ξυλληφθῆναι ὑπὸ τῶν ἀμφὶ Βῆσσον καὶ προσάγοντοσ ἤδη Ἀλεξάνδρου ἀποθανεῖν, πρὸσ Ἀρβήλοισ γενέσθαι ὁ πᾶσ λόγοσ κατέχει, καθάπερ οὖν καὶ τὴν πρὸ ταύτησ ἐν Ἰσσῷ καὶ τὴν πρώτην ἱππομαχίαν πρὸσ Γρανίκῳ.

ἀλλὰ πρὸσ Γρανίκῳ μὲν ξυνέβη ἡ μάχη ἡ ἱππικὴ καὶ πρὸσ Ἰσσῷ ἡ αὖθισ πρὸσ Δαρεῖον μάχη, Ἄρβηλα δὲ τοῦ χώρου, ἐν ᾧ τὴν ἐσχάτην μάχην Δαρεῖόσ τε καὶ Ἀλέξανδροσ ἐμαχέσαντο, οἱ μὲν τὰ πλεῖστα ξυγγράψαντεσ λέγουσιν ὅτι ἑξακοσίουσ σταδίουσ ἀπέχει, οἱ δὲ τὰ ἐλάχιστα, ὅτι ἐσ πεντακοσίουσ.

ἀλλὰ ἐν Γαυγαμήλοισ γὰρ γενέσθαι τὴν μάχην πρὸσ ποταμῷ Βουμήλῳ λέγει Πτολεμαῖοσ καὶ Ἀριστόβουλοσ. πόλισ δὲ οὐκ ἦν τὰ Γαυγάμηλα, ἀλλὰ κώμη μεγάλη, οὐδὲ ὀνομαστὸσ ὁ χῶροσ οὐδὲ ἐσ ἀκοὴν ἡδὺ τὸ ὄνομα·

ἔνθεν δή μοι δοκεῖ πόλισ οὖσα τὰ Ἄρβηλα ἀπηνέγκατο τὴν δόξαν τῆσ μεγάλησ μάχησ. εἰ δὲ πρὸσ Ἀρβήλοισ χρὴ οἰέσθαι γενέσθαι τὸ ἔργον ἐκεῖνο ἐσ τοσόνδε Ἀρβήλων ἀπέχον, καὶ τὴν ἐν Σαλαμῖνι γενομένην ναυμαχίαν πρὸσ ἰσθμῷ τῷ Κορινθίων ἔξεστι λέγειν ὅτι ἐγένετο, καὶ τὴν ἐπ̓ Ἀρτεμισίῳ τῆσ Εὐβοίασ πρὸσ Αἰγίνῃ ἢ Σουνίῳ. Καὶ μὴν ὑπὲρ τῶν ὑπερασπισάντων ἐν τῷ κινδύνῳ Ἀλεξάνδρου, Πευκέσταν μὲν γενέσθαι ξύμπαντεσ ὁμολογοῦσιν, ὑπὲρ Λεοννάτου δὲ οὐκέτι ξυμφέρονται οὐδὲ ὑπὲρ Ἀβρέου τοῦ διμοιρίτου.

καὶ οἱ μὲν ξύλῳ πληγέντα κατὰ τοῦ κράνουσ Ἀλέξανδρον καὶ ἰλιγγιάσαντα πεσεῖν, αὖθισ δὲ ἀναστάντα βληθῆναι βέλει διὰ τοῦ θώρακοσ ἐσ τὸ στῆθοσ· Πτολεμαῖοσ δὲ ὁ Λάγου ταύτην μόνην τὴν πληγὴν πληγῆναι λέγει τὴν ἐσ τὸ στῆθοσ. τὸ δὲ δὴ μέγιστον πλημμέλημα τῶν ξυγγραψάντων τὰ ἀμφὶ Ἀλέξανδρον ἐκεῖνο τίθεμαι ἔγωγε.

Πτολεμαῖον γὰρ τὸν Λάγου ἔστιν οἳ ἀνέγραψαν ξυναναβῆναί τε Ἀλεξάνδρῳ κατὰ τὴν κλίμακα ὁμοῦ Πευκέστᾳ καὶ ὑπερασπίσαι κειμένου, καὶ ἐπὶ τῷδε Σωτῆρα ἐπικληθῆναι τὸν Πτολεμαῖον· καίτοι αὐτὸσ Πτολεμαῖοσ ἀναγέγραφεν οὐδὲ παραγενέσθαι τούτῳ τῷ ἔργῳ, ἀλλὰ στρατιᾶσ γὰρ αὐτὸσ ἡγούμενοσ ἄλλασ μάχεσθαι μάχασ καὶ πρὸσ ἄλλουσ βαρβάρουσ. ταῦτα μὲν δὴ ἐν ἐκβολῇ τοῦ λόγου ἀναγεγράφθω μοι, ὡσ μὴ ἀταλαίπωρον γίγνεσθαι τοῖσ ἔπειτα ἀνθρώποισ τὴν ὑπὲρ τῶν τηλικούτων ἔργων τε καὶ παθημάτων ἀφήγησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 11

(아리아노스, Anabasis, book 6, chapter 11)

상위

목록

SEARCH

MENU NAVIGATION