Arrian, Anabasis, book 6, chapter 8 6:

οἱ δὲ ἰδόντεσ ἐν μέσῳ τοῦ ποταμοῦ ὄντα ἤδη Ἀλέξανδρον κατὰ σπουδὴν μέν, ξυντεταγμένοι δὲ ὅμωσ ἀπεχώρουν ἀπὸ τῆσ ὄχθησ· καὶ Ἀλέξανδροσ ξὺν μόνῃ τῇ ἵππῳ εἵπετο. ὡσ δὲ κατεῖδον ἱππέασ μόνουσ, ἐπιστρέψαντεσ οἱ Ἰνδοὶ καρτερῶσ ἐμάχοντο πλῆθοσ ὄντεσ ἐσ πέντε μυριάδασ. καὶ Ἀλέξανδροσ ὡσ τήν τε φάλαγγα αὐτῶν πυκνὴν κατεῖδε καὶ αὐτῷ οἱ πεζοὶ ἀπῆσαν, προσβολὰσ μὲν ἐποιεῖτο ἐσ κύκλουσ παριππεύων, ἐσ χεῖρασ δὲ οὐκ ᾔει τοῖσ Ἰνδοῖσ.