헬라어 문장 검색 - Αρριαν́Αναβασί6́08́

(아리아노스, Anabasis, book 6, chapter 8)

Μείνασ δὲ αὐτοῦ μίαν ἡμέραν καὶ ἀναπαύσασ τὴν στρατιὰν τῇ ὑστεραίᾳ προὐχώρει ὡσ ἐπὶ τοὺσ ἄλλουσ Μαλλούσ. καὶ τὰσ μὲν πόλεισ ἐκλελοιπότασ καταλαμβάνει, αὐτοὺσ δὲ ἔμαθεν ὅτι πεφευγότεσ εἰε͂ν ἐσ τὴν ἔρημον. καὶ ἐνταῦθα αὖθισ μίαν ἡμέραν ἀναπαύσασ τὴν στρατιὰν ἐσ τὴν ἐπιοῦσαν Πείθωνα μὲν καὶ Δημήτριον τὸν ἱππάρχην πρὸσ τὸν ποταμὸν ὀπίσω ἀπέπεμψεν, ὧν τε αὐτοὶ ἡγοῦντο ἄγοντασ καὶ πρὸσ τούτοισ ψιλῶν τάξεισ δοὺσ αὐτοῖσ ὅσαι ἱκαναὶ πρὸσ τὸ ἔργον.

προσέταξε δὲ παρὰ τῇ ὄχθῃ τοῦ ποταμοῦ ἰόντασ, εἴ τισι περιτυγχάνοιεν τῶν ἐσ τὰσ ὕλασ ξυμπεφευγότων, αἳ δὴ πολλαὶ πρὸσ τῇ ὄχθῃ τοῦ ποταμοῦ ἦσαν, τούτουσ κτείνειν, ὅσοι μὴ ἐθελονταὶ σφᾶσ ἐνδιδοῖεν.

καὶ πολλοὺσ καταλαβόντεσ ἐν ταῖσ ὕλαισ οἱ ἀμφὶ Πείθωνά τε καὶ Δημήτριον ἀπέκτειναν. Αὐτὸσ δὲ ἦγεν ἐπὶ τὴν μεγίστην τῶν Μαλλῶν πόλιν, ἵνα καὶ ἐκ τῶν ἄλλων πόλεων πολλοὺσ ξυμπεφευγέναι αὐτῷ ἐξηγγέλλετο.

ἀλλὰ καὶ ταύτην ἐξέλιπον οἱ Ἰνδοὶ ὡσ προσάγοντα Ἀλέξανδρον ἔμαθον. διαβάντεσ δὲ τὸν Ὑδραώτην ποταμὸν ἐπὶ τοῖσ ὄχθαισ αὐτοῦ, ὅτι ὑψηλαὶ αἱ ὄχθαι ἦσαν, παρατεταγμένοι ἔμενον, ὡσ εἴρξοντεσ τοῦ πόρου Ἀλέξανδρον. καὶ ταῦτα ὡσ ἤκουσεν, ἀναλαβὼν τὴν ἵππον τὴν ἅμα αὐτῷ πᾶσαν ᾔει ὡσ ἐπὶ τὸν Ὑδραώτην, ἵναπερ παρατετάχθαι τοὺσ Μαλλοὺσ ἐξηγγέλλετο.

οἱ δὲ πεζοὶ ἕπεσθαι αὐτῷ ἐτάχθησαν. ὡσ δὲ ἀφίκετό τε ἐπ̓ αὐτὸν καὶ ἐν τῷ πέραν τοὺσ πολεμίουσ τεταγμένουσ κατεῖδεν, ὡσ εἶχεν ἐκ τῆσ ὁδοῦ ἐμβάλλει ἐσ τὸν πόρον ξὺν τῇ ἵππῳ μόνῃ. οἱ δὲ ἰδόντεσ ἐν μέσῳ τοῦ ποταμοῦ ὄντα ἤδη Ἀλέξανδρον κατὰ σπουδὴν μέν, ξυντεταγμένοι δὲ ὅμωσ ἀπεχώρουν ἀπὸ τῆσ ὄχθησ·

καὶ Ἀλέξανδροσ ξὺν μόνῃ τῇ ἵππῳ εἵπετο. ὡσ δὲ κατεῖδον ἱππέασ μόνουσ, ἐπιστρέψαντεσ οἱ Ἰνδοὶ καρτερῶσ ἐμάχοντο πλῆθοσ ὄντεσ ἐσ πέντε μυριάδασ. καὶ Ἀλέξανδροσ ὡσ τήν τε φάλαγγα αὐτῶν πυκνὴν κατεῖδε καὶ αὐτῷ οἱ πεζοὶ ἀπῆσαν, προσβολὰσ μὲν ἐποιεῖτο ἐσ κύκλουσ παριππεύων, ἐσ χεῖρασ δὲ οὐκ ᾔει τοῖσ Ἰνδοῖσ. καὶ ἐν τούτῳ παραγίγνονται αὐτῷ οἵ τε Ἀγριᾶνεσ καὶ ἄλλαι τάξεισ τῶν ψιλῶν, ἃσ δὴ ἐπιλέκτουσ ἅμα οἷ ἦγε, καὶ οἱ τοξόται·

οὐ πόρρω δὲ οὐδὲ ἡ φάλαγξ ἐφαίνετο τῶν πεζῶν. καὶ οἱ Ἰνδοὶ ὁμοῦ σφισι πάντων τῶν δεινῶν προσκειμένων ἀποστρέψαντεσ ἤδη προτροπάδην ἔφευγον ἐσ πόλιν ὀχυρωτάτην τῶν πλησίον. καὶ Ἀλέξανδροσ ἑπόμενόσ τε αὐτοῖσ πολλοὺσ ἔκτεινε καὶ ὡσ ἐσ τὴν πόλιν οἱ διαφυμγόντεσ κατειλήθησαν, πρῶτα μὲν τοῖσ ἱππεῦσιν ἐξ ἐφόδου ἐκυκλώσατο τὴν πόλιν·

ὡσ δὲ οἱ πεζοὶ αὐτῷ παρῆσαν, ταύτῃ μὲν τῇ ἡμέρᾳ περιστρατοπεδεύει ἐν κύκλῳ τοῦ τείχουσ, ὅτι οὐ πολύ τε τῆσ ἡμέρασ ὑπελείπετο ἐσ τὴν προσβολὴν καὶ ἡ στρατιὰ αὐτῷ ὑπό τε πορείασ μακρᾶσ οἱ πεζοὶ καὶ ὑπὸ διώξεωσ συνεχοῦσ οἱ ἵπποι καὶ οὐχ ἥκιστα κατὰ τὸν πόρον τοῦ ποταμοῦ τεταλαιπωρήκεσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 8

(아리아노스, Anabasis, book 6, chapter 8)

상위

목록

SEARCH

MENU NAVIGATION