헬라어 문장 검색 - Αρριαν́Αναβασί6́07́

(아리아노스, Anabasis, book 6, chapter 7)

καὶ τὴν νύκτα διελθὼν πολλὴν ὁδὸν ἅμα ἡμέρᾳ ἀφίκετο πρὸσ τὸν Ὑδραώτην ποταμόν. ἔνθα δὴ τῶν Μαλλῶν τοὺσ μὲν πολλοὺσ διαβεβηκότασ ἤδη ἔμαθεν, τοῖσ δὲ καὶ διαβαίνουσιν ἐπιγενόμενοσ περὶ αὐτὸν τὸν πόρον πολλοὺσ αὐτῶν διέφθειρε. καὶ αὐτὸσ ὡσ εἶχε ξυνδιαβὰσ κατὰ τὸν αὐτὸν πόρον διώκων εἴχετο τῶν φθασάντων ἐσ τὴν ἀποχώρησιν.

καὶ πολλοὺσ μὲν ἀπέκτεινεν αὐτῶν, τοὺσ δὲ καὶ ζῶντασ ἔλαβεν, οἱ πλείουσ δὲ κατέφυγον ἔσ τι χωρίον ὀχυρὸν καὶ τετειχισμένον. Ἀλέξανδροσ δέ, ὡσ οἱ πεζοὶ ἀφίκοντο αὐτῷ, ἀποστέλλει ἐπὶ τούτουσ Πείθωνα τήν τε αὑτοῦ τάξιν ἔχοντα καὶ τῶν ἱππέων δύο ἱππαρχίασ. καὶ οὗτοι δὴ ἐξ ἐφόδου προσβαλόντεσ λαμβάνουσι τὸ χωρίον καὶ τοὺσ καταπεφευγότασ ἐσ αὐτὸ ἠνδραπόδισαν, ὅσοι γε μὴ ἐν τῇ προσβολῇ διεφθάρησαν.

ταῦτα δὲ οἱ ἀμφὶ τὸν Πείθωνα διαπραξάμενοι ἐπανῆλθον αὖθισ ἐσ τὸ στρατόπεδον. Αὐτὸσ δὲ Ἀλέξανδροσ ὡσ ἐπὶ τῶν Βραχμάνων τινὰ πόλιν ἦγεν, ὅτι καὶ ἐσ ταύτην ξυμπεφευγέναι τινὰσ τῶν Μαλλῶν ἔμαθεν.

ὡσ δὲ ἀφίκετο πρὸσ αὐτήν, ἐπῆγε τῷ τείχει πάντοθεν πυκνὴν τὴν φάλαγγα. οἱ δὲ ὑπορυσσόμενα τὰ τείχη ἰδόντεσ καὶ ἐκ τῶν βελῶν ἀναστελλόμενοι τὰ μὲν τείχη καὶ οὗτοι ἐκλείπουσιν, ἐσ δὲ τὴν ἄκραν ξυμφυγόντεσ ἐκεῖθεν ἠμύνοντο· ξυνεισπεσόντων δὲ αὐτοῖσ ὀλίγων Μακεδόνων μεταβαλλόμενοι καὶ ξυστραφέντεσ τοὺσ μὲν ἐξέωσαν αὐτῶν, ἀπέκτειναν δὲ ἐν τῇ ὑποστροφῇ ἐσ πέντε καὶ εἴκοσι. καὶ ἐν τούτῳ Ἀλέξανδροσ τάσ τε κλίμακασ πάντοθεν κελεύει προστιθέναι τῇ ἄκρᾳ καὶ ὑπορύττειν τὸ τεῖχοσ.

ὡσ δὲ πύργοσ τε ἔπεσεν ὑπορυσσόμενοσ καὶ τοῦ μεταπυργίου τι παραρραγὲν ἐπιμαχωτέραν ταύτῃ ἐποίησε τὴν ἄκραν, πρῶτοσ Ἀλέξανδροσ ἐπιβὰσ τοῦ τείχουσ ὤφθη ἔχων τὸ τεῖχοσ. καὶ τοῦτον ἰδόντεσ οἱ ἄλλοι Μακεδόνεσ αἰσχυνθέντεσ ἄλλοσ ἄλλῃ ἀνῄεσαν.

εἴχετό τε ἤδη ἡ ἄκρα, καὶ τῶν Ἰνδῶν οἱ μὲν τὰσ οἰκίασ ἐνεπίμπρασαν καὶ ἐν αὐταῖσ ἐγκαταλαμβανόμενοι ἀπέθνησκον, οἱ πολλοὶ δὲ μαχόμενοι αὐτῶν. ἀπέθανον δὲ οἱ πάντεσ ἐσ πεντακισχιλίουσ, ζῶντεσ δὲ δἰ ἀνδρείαν ὀλίγοι ἐλήφθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 7

(아리아노스, Anabasis, book 6, chapter 7)

상위

목록

SEARCH

MENU NAVIGATION