헬라어 문장 검색 - Αρριαν́Αναβασί6́05́

(아리아노스, Anabasis, book 6, chapter 5)

Ὡσ δὲ οὐ πόρρω τῶν ξυμβολῶν ἦσαν, ἐνταῦθα δὴ οἱ κυβερνῆται παραγγέλλουσιν ὡσ βιαιοτάτῃ εἰρεσίᾳ χρωμένουσ ἐξελαύνειν ἐκ τῶν στενῶν, τοῦ μὴ ἐμπιπτούσασ τὰσ ναῦσ ἐσ τὰσ δίνασ ἀναστρέφεσθαι πρὸσ αὐτῶν, ἀλλὰ κρατεῖν γὰρ τῇ εἰρεσίᾳ τῶν ἐπιστροφῶν τοῦ ὕδατοσ. τὰ μὲν δὴ στρογγύλα πλοῖα ὅσα καὶ ἔτυχεν αὐτῶν περιστραφέντα πρὸσ τοῦ ῥοῦ, οὐδέν τι παθόντα ἐν τῇ ἐπιστροφῇ ὅτι μὴ ταράξαντα τοὺσ ἐμπλέοντασ, κατέστη ἐσ εὐθύ, πρὸσ αὐτοῦ τοῦ ῥοῦ ὀρθωθέντα·

αἱ δὲ μακραὶ νῆεσ οὐχ ὡσαύτωσ ἀπαθεῖσ ἀπῆλθον ἐν τῇ ἐπιστροφῇ, οὔτε μετέωροι ἐπὶ τοῦ ἐπικαχλάζοντοσ κύματοσ ὡσαύτωσ οὖσαι, ὅσαι τε δίκροτοι αὐτῶν τὰσ κάτω κώπασ οὐκ ἐπὶ πολὺ ἔξω ἔχουσαι τοῦ ὕδατοσ· καὶ αἱ κῶπαι δὲ αὐτοῖσ πλαγίοισ ἐν ταῖσ δίναισ γενομένοισ συνετρίβοντο, ὅσων γε ἐγκατελήφθησαν ὑπὸ τοῦ ὕδατοσ οὐ φθασάντων αὐτὰσ μετεωρίσαι, ὡσ πολλὰσ μὲν πονῆσαι τῶν νεῶν, δύο δὲ δὴ περιπεσούσασ ἀλλήλαισ αὐτάσ τε διαφθαρῆναι καὶ τῶν ἐμπλεόντων ἐν αὐταῖσ πολλούσ.

ὡσ δὲ ἐσ πλάτοσ ἤδη ὁ ποταμὸσ διέσχεν, ἐνταῦθα δὴ ὅ τε ῥοῦσ οὐκέτι ὡσαύτωσ χαλεπὸσ ἦν καὶ αἱ δῖναι οὐχ ὁμοίᾳ τῇ βίᾳ ἐπέστρεφον. προσορμίσασ οὖν τῇ ἐν δεξιᾷ ὄχθῃ Ἀλέξανδροσ τὸν στρατόν, ἵνα σκέπη τε ἦν τοῦ ῥοῦ καὶ προσβολὴ ταῖσ ναυσὶν καί τισ καὶ ἄκρα τοῦ ποταμοῦ ἐπιτηδείωσ ἀνεῖχεν ἐσ τῶν ναυαγίων τε τὴν ξυναγωγὴν καὶ εἴ τινεσ ἐπ̓ αὐτῶν ζῶντεσ ἔτι ἐφέροντο, τούτουσ τε διέσωσε καὶ ἐπισκευάσασ τὰσ πεπονηκυίασ τῶν νεῶν Νέαρχον μὲν καταπλεῖν κελεύει ἔστ̓ ἂν ἀφίκηται ἐπὶ τὰ ὁρ́ια τοῦ Μαλλῶν ἔθνουσ, αὐτὸσ δὲ τῶν βαρβάρων τῶν οὐ προσχωρούντων καταδρομὴν τῆσ χώρασ ποιησάμενοσ καὶ κωλύσασ ἐπικουρῆσαι αὐτοὺσ τοῖσ Μαλλοῖσ, οὕτω δὴ αὖθισ ξυνέμιξε τῷ ναυτικῷ.

Καὶ ἐνταῦθα Ἡφαιστίων τε αὐτῷ καὶ Κρατερὸσ καὶ Φίλιπποσ ξὺν τοῖσ ἀμφ̓ αὐτοὺσ ὁμοῦ ἤδη ἦσαν.

ὁ δὲ τοὺσ μὲν ἐλέφαντασ καὶ τὴν Πολυπέρχοντοσ τάξιν καὶ τοὺσ ἱπποτοξότασ καὶ Φίλιππον ξὺν τῇ ἀμφ̓ αὐτὸν στρατιᾷ διαβιβάσασ τὸν Ὑδάσπην ποταμὸν Κρατερῷ ἄγειν προσέταξε· Νέαρχον δὲ ξὺν τῷ ναυτικῷ πέμπει τρισὶν ἡμέραισ τὴν στρατιὰν κελεύσασ φθάνειν κατὰ τὸν πλοῦν. τὸν δὲ ἄλλον στρατὸν τριχῇ διένειμε·

καὶ Ἡφαιστίωνα μὲν πέντε ἡμέραισ προϊέναι ἔταξεν, ὡσ εἴ τινεσ τοὺσ ξὺν αὐτῷ τεταγμένουσ φεύγοντεσ ἐσ τὸ πρόσω κατὰ σπουδὴν ἰοιέν, τοῖσ ἀμφὶ Ἡφαιστίωνα ἐμπίπτοντεσ ἁλίσκωνται· Πτολεμαῖον δὲ τὸν Λάγου δοὺσ καὶ τούτῳ τῆσ στρατιᾶσ μέροσ τρισὶν ἡμέραισ ὑπολειπόμενον ἕπεσθαι ἐκέλευσεν, ὡσ ὅσοι τὸ ἔμπαλιν ὑποστρέφοιεν αὐτὸν φεύγοντεσ, οὗτοι δὲ ἐσ τοὺσ ἀμφὶ τὸν Πτολεμαῖον ἐμπίπτοιεν. ἐπὰν δὲ ἀφίκωνται ἐσ τὰσ ξυμβολὰσ τοῦ τε Ἀκεσίνου καὶ τοῦ Ὑδραώτου ποταμοῦ, ἐνταῦθα δὴ τούσ τε φθάνοντασ ὑπομένειν ἐκέλευσεν, ἔστ̓ ἂν ἥκῃ αὐτόσ, καὶ τοὺσ ἀμφὶ Κρατερὸν καὶ Πτολεμαῖον αὐτῷ ξυμβαλεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 5

(아리아노스, Anabasis, book 6, chapter 5)

상위

목록

SEARCH

MENU NAVIGATION