헬라어 문장 검색 - Αρριαν́Αναβασί6́04́

(아리아노스, Anabasis, book 6, chapter 4)

Οὕτω δὴ πλέων τρίτῃ ἡμέρᾳ κατέσχεν, ἵναπερ Ἡφαιστίωνί τε καὶ Κρατερῷ κατὰ τὸ αὐτὸ στρατοπεδεύειν ἐπὶ ταῖσ ἀντιπέρασ ὄχθαισ παρήγγελτο. μείνασ δὲ ἐνταῦθα ἡμέρασ δύο, ὡσ καὶ Φίλιπποσ αὐτῷ ξὺν τῇ λοιπῇ στρατιᾷ ἀφίκετο, τοῦτον μὲν ἐπὶ τὸν Ἀκεσίνην ποταμὸν ἐκπέμπει ξὺν οἷσ ἔχων ἧκε, τάξασ παρὰ τοῦ Ἀκεσίνου ποταμοῦ τὴν ὄχθην πορεύεσθαι· τοὺσ δὲ ἀμφὶ Κρατερόν τε καὶ Ἡφαιστίωνα αὖθισ ἐκπέμπει, παραγγείλασ ὅπωσ χρὴ τὴν πορείαν ποιεῖσθαι. αὐτὸσ δὲ ἔπλει κατὰ τὸν Ὑδάσπην ποταμὸν οὐδαμοῦ μείονα ἐν τῷ κατάπλῳ εἴκοσι σταδίων τὸ εὖροσ.

προσορμιζόμενοσ δὲ ὅπῃ τύχοι ταῖσ ὄχθαισ τοὺσ προσοικοῦντασ τῷ Ὑδάσπῃ Ἰνδοὺσ τοὺσ μὲν ἐνδιδόντασ σφᾶσ ὁμολογίαισ παρελάμβανεν, ἤδη δέ τινασ καὶ ἐσ ἀλκὴν χωρήσαντασ βίᾳ κατεστρέψατο. αὐτὸσ δὲ ὡσ ἐπὶ τὴν Μαλλῶν τε καὶ Ὀξυδρακῶν γῆν σπουδῇ ἔπλει, πλείστουσ τε καὶ μαχιμωτάτουσ τῶν ταύτῃ Ἰνδῶν πυνθανόμενοσ καὶ ὅτι ἐξηγγέλλοντο αὐτῷ παῖδασ μὲν καὶ γυναῖκασ ἀποτεθεῖσθαι εἰσ τὰσ ὀχυρωτάτασ τῶν πόλεων, αὐτοὶ δὲ ἐγνωκέναι διὰ μάχησ ἰέναι πρὸσ αὐτόν.

ἐφ̓ ὅτῳ δὴ καὶ σπουδῇ πλείονι ἐποιεῖτο τὸν πλοῦν, ὅπωσ μὴ καθεστηκόσιν αὐτοῖσ, ἀλλὰ ἐν τῷ ἐνδεεῖ τε ἔτι τῆσ παρασκευῆσ καὶ τεταραγμένῳ προσφέρηται. ἔνθεν δὲ ὡρμήθη τὸ δεύτερον, [καὶ] πέμπτῃ ἡμέρᾳ ἀφίκετο ἐπὶ τὴν ξυμβολὴν τοῦ τε Ὑδάσπου καὶ τοῦ Ἀκεσίνου.

ἵνα δὲ ξυμβάλλουσιν οἱ ποταμοὶ οὗτοι, στενότατοσ εἷσ ποταμὸσ ἐκ τοῖν δυοῖν γίγνεται καὶ τὸ ῥεῦμα αὐτῷ ὀξὺ ἐπὶ τῇ στενότητι καὶ δῖναι ἄτοποι ὑποστρέφοντοσ τοῦ ῥοῦ, καὶ τὸ ὕδωρ κυμαίνεταί τε καὶ καχλάζει ἐπὶ μέγα, ὡσ καὶ πόρρω ἔτι ὄντων ἐξακούεσθαι τὸν κτύπον τοῦ κύματοσ. καὶ ἦν μὲν προεξηγγελμένα ταῦτα Ἀλεξάνδρῳ ἐκ τῶν ἐγχωρίων καὶ ἐξ Ἀλεξάνδρου τῇ στρατιᾷ·

ὅμωσ δὲ ἐπειδὴ ἐπέλαζεν αὐτῷ ταῖσ ξυμβολαῖσ ὁ στρατόσ, ἐσ τοσόνδε ὁ ἀπὸ τοῦ ῥοῦ κτύποσ κατεῖχεν, ὥστε ἐπέστησαν τὰσ εἰρεσίασ οἱ ναῦται, οὐκ ἐκ παραγγέλματοσ, ἀλλὰ τῶν τε κελευστῶν ὑπὸ θαύματοσ ἐκσιωπησάντων καὶ αὐτοὶ μετέωροι πρὸσ τὸν κτύπον γενόμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 6, chapter 4

(아리아노스, Anabasis, book 6, chapter 4)

상위

목록

SEARCH

MENU NAVIGATION