호흡부호 보기
강세부호 보기
장단부호 보기
작은 Iota 보기
모든 부호 보기
Ἀλέξανδροσ δέ, ἐπειδὴ παρεσκευάσθησαν αὐτῷ ἐπὶ τοῦ Ὑδάσπου ταῖσ ὄχθαισ πολλαὶ μὲν τριακόντοροι καὶ ἡμιόλιαι, πολλὰ δὲ καὶ ἱππαγωγὰ πλοῖα καὶ ἄλλα ὅσα ἐσ παρακομιδὴν στρατιᾶσ ποταμῷ εὔπορα, ἔγνω καταπλεῖν πρότερον μέν γε ἐν τῷ Ἰνδῷ ποταμῷ κροκοδείλουσκατὰ τὸν Ὑδάσπην ὡσ ἐπὶ τὴν μεγάλην θάλασσαν. ὡσ τὸν Νεῖλον ἐνθένδε ποθὲν ἐξ Ἰνδῶν ἀνίσχοντα καὶ δἰ ἐρήμου πολλῆσ γῆσ ῥέοντα καὶ ταύτῃ ἀπολλύοντα τὸν Ἰνδὸν τὸ ὄνομα, ἔπειτα, ὁπόθεν ἄρχεται διὰ τῆσ οἰκουμένησ χώρασ ῥεῖν, Νεῖλον ἤδη πρὸσ Αἰθιόπων τε τῶν ταύτῃ καὶ Αἰγυπτίων καλούμενον ἤ, ὡσ Ὅμηροσ ἐποίησεν, ἐπώνυμον τῆσ Αἰγύπτου Αἴγυπτον, οὕτω δὴ ἐσδιδόναι ἐσ τὴν ἐντὸσ θάλασσαν.
καὶ δὴ καὶ πρὸσ Ὀλυμπιάδα γράφοντα ὑπὲρ τῶν Ἰνδῶν τῆσ γῆσ ἄλλα τε γράψαι καὶ ὅτι δοκοίη αὑτῷ ἐξευρηκέναι τοῦ Νείλου τὰσ πηγάσ, μικροῖσ δή τισι καὶ φαύλοισ ὑπὲρ τῶν τηλικούτων τεκμαιρόμενον.
ἐπεὶ μέντοι ἀτρεκέστερον ἐξήλεγξε τὰ ἀμφὶ τῷ ποταμῷ τῷ Ἰνδῷ, οὕτω δὴ μαθεῖν παρὰ τῶν ἐπιχωρίων τὸν μὲν Ὑδάσπην τῷ Ἀκεσίνῃ, τὸν Ἀκεσίνην δὲ τῷ Ἰνδῷ τό τε ὕδωρ ξυμβάλλοντασ καὶ τῷ ὀνόματι ξυγχωροῦντασ, τὸν Ἰνδὸν δὲ ἐκδιδόντα ἤδη ἐσ τὴν μεγάλην θάλασσαν, δίστομον τὸν Ἰνδὸν ὄντα, οὐδέν τι αὐτῷ προσῆκον τῆσ γῆσ τῆσ Αἰγυπτίασ·
τηνικαῦτα δὲ τῆσ ἐπιστολῆσ τῆσ πρὸσ τὴν μητέρα τοῦτο τὸ ἀμφὶ τῷ Νείλῳ γραφὲν ἀφελεῖν. καὶ τὸν κατάπλουν τὸν κατὰ τοὺσ ποταμοὺσ ἔστε ἐπὶ τὴν μεγάλην θάλασσαν ἐπινοοῦντα παρασκευασθῆναί οἱ ἐπὶ τῷδε κελεῦσαι τὰσ ναῦσ.
αἱ δὲ ὑπηρεσίαι αὐτῷ ἐσ τὰσ ναῦσ ξυνεπληρώθησαν ἐκ τῶν ξυνεπομένων τῇ στρατιᾷ Φοινίκων καὶ Κυπρίων καὶ Καρῶν καὶ Αἰγυπτίων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기