헬라어 문장 검색 - ΑριστόΡηετορί3́09́

(아리스토텔레스, 수사학, Book 3, chapter 9)

ὅτι μὲν οὖν εὔρυθμον δεῖ εἶναι τὴν λέξιν καὶ μὴ ἄρρυθμον, καὶ τίνεσ εὔρυθμον ποιοῦσι ῥυθμοὶ καὶ πῶσ ἔχοντεσ, εἴρηται· τὴν δὲ λέξιν ἀνάγκη εἶναι ἢ εἰρομένην καὶ τῷ συνδέσμῳ μίαν, ὥσπερ αἱ ἐν τοῖσ διθυράμβοισ ἀναβολαί, ἢ κατεστραμμένην καὶ ὁμοίαν ταῖσ τῶν ἀρχαίων ποιητῶν ἀντιστρόφοισ. ἡ μὲν οὖν εἰρομένη λέξισ ἡ ἀρχαία ἐστίν "Ἡροδότου Θουρίου ἥδ’ ἱστορίησ ἀπόδειξισ" ταύτῃ γὰρ πρότερον μὲν ἅπαντεσ, νῦν δὲ οὐ πολλοὶ χρῶνται·

λέγω δὲ εἰρομένην ἣ οὐδὲν ἔχει τέλοσ καθ’ αὑτήν, ἂν μὴ τὸ πρᾶγμα <τὸ> λεγόμενον τελειωθῇ. ἔστι δὲ ἀηδὴσ διὰ τὸ ἄπειρον· τὸ γὰρ τέλοσ πάντεσ βούλονται καθορᾶν· διόπερ ἐπὶ τοῖσ καμπτῆρσιν ἐκπνέουσι καὶ ἐκλύονται· προορῶντεσ γὰρ τὸ πέρασ οὐ κάμνουσι πρότερον. ἡ μὲν οὖν εἰρομένη τῆσ λέξεώσ ἐστιν ἥδε, κατεστραμμένη δὲ ἡ ἐν περιόδοισ·

λέγω δὲ περίοδον λέξιν ἔχουσαν ἀρχὴν καὶ τελευτὴν αὐτὴν καθ’ αὑτὴν καὶ μέγεθοσ εὐσύνοπτον. ἡδεῖα δ’ ἡ τοιαύτη καὶ εὐμαθήσ, ἡδεῖα μὲν διὰ τὸ ἐναντίωσ ἔχειν τῷ ἀπεράντῳ, καὶ ὅτι ἀεί τὶ οἰέται ἔχειν ὁ ἀκροατὴσ καὶ πεπερθ́νθαι τι αὑτῷ, τὸ δὲ μηδὲν προνοεῖν μηδὲ ἀνύειν ἀηδέσ· εὐμαθὴσ δὲ ὅτι εὐμνημόνευτοσ, τοῦτο δὲ ὅτι ἀριθμὸν ἔχει ἡ ἐν περιόδοισ λέξισ, ὃ πάντων εὐμνημονευτότατον. διὸ καὶ τὰ μέτρα πάντεσ μνημονεύουσιν μᾶλλον τῶν χύδην· ἀριθμὸν γὰρ ἔχει ᾧ μετρεῖται. δεῖ δὲ τὴν περίοδον καὶ τῇ διανοία τετελειῶσθαι, καὶ μὴ διακόπτεσθαι ὥσπερ τὰ Σοφοκλέουσ ἰαμβεῖα, Καλυδὼν μὲν ἥδε γαῖα·

Πελοπίασ χθονόσ· τοὐναντίον γὰρ ἔστιν ὑπολαβεῖν τῷ διαιρεῖσθαι, ὥσπερ καὶ ἐπὶ τοῦ εἰρημένου τὴν Καλυδῶνα εἶναι τῆσ Πελοποννήσου. περίοδοσ δὲ ἡ μὲν ἐν κώλοισ ἡ δ’ ἀφελήσ.

ἔστιν δ’ ἐν κώλοισ μὲν λέξισ ἡ τετελειωμένη τε καὶ διῃρημένη καὶ εὐανάπνευστοσ, μὴ ἐν τῇ διαιρέσει ὥσπερ καὶ ἡ περίοδοσ, ἀλλ’ ὅλη κῶλον δ’ ἐστὶν τὸ ἕτερον μόριον ταύτησ· ἀφελῆ δὲ λέγω τὴν μονόκωλον. δεῖ δὲ καὶ τὰ κῶλα καὶ τὰσ περιόδουσ μήτε μυούρουσ εἶναι μήτε μακράσ.

τὸ μὲν γὰρ μικρὸν προσπταίειν πολλάκισ ποιεῖ τὸν ἀκροατήν ἀνάγκη γὰρ ὅταν, ἔτι ὁρμῶν ἐπὶ τὸ πόρρω καὶ τὸ μέτρον οὗ ἔχει ἐν ἑαυτῷ ὁρ́ον, ἀντισπασθῇ παυσαμένου, οἱο͂ν πρόσπταισιν γίγνεσθαι διὰ τὴν ἀντίκρουσιν· τὰ δὲ μακρὰ ἀπολείπεσθαι ποιεῖ, ὥσπερ οἱ ἐξωτέρω ἀποκάμπτοντεσ τοῦ τέρματοσ· ἀπολείπουσι γὰρ καὶ οὗτοι τοὺσ συμπεριπατοῦντασ, ὁμοίωσ δὲ καὶ αἱ περίοδοι αἱ μακραὶ οὖσαι λόγοσ γίνεται καὶ ἀναβολῇ ὅμοιον, ὥστε γίνεται ὃ ἔσκωψεν Δημόκριτοσ ὁ Χῖοσ εἰσ Μελανιππίδην ποιήσαντα ἀντὶ τῶν ἀντιστρόφων ἀναβολάσ οἷ τ’ αὐτῷ κακὰ τεύχει ἀνὴρ ἄλλῳ κακὰ τεύχων,ἡ δὲ μακρὰ ἀναβολὴ τῷ ποιήσαντι κακίστη· ἁρμόττει γὰρ τὸ τοιοῦτον καὶ εἰσ τὰσ μακροκώλουσ λέγειν. αἵ τε λίαν βραχύκωλοι οὐ περίοδοσ γίνεται· προπετῆ οὖν ἄγει τὸν ἀκροατήν. τῆσ δὲ ἐν κώλοισ λέξεωσ ἡ μὲν διῃρημένη ἐστὶν ἡ δὲ ἀντικειμένη, διῃρημένη μὲν, οἱο͂ν "πολλάκισ ἐθαύμασα τῶν τὰσ πανηγύρεισ συναγαγόντων καὶ τοὺσ γυμνικοὺσ ἀγῶνασ καταστησάντων" , ἀντικειμένη δέ, ἐν ᾗ ἑκατέρῳ τῷ κώλῳ ἢ πρὸσ ἐναντίῳ ἐναντίον σύγκειται ἢ ταὐτὸ ἐπέζευκται τοῖσ ἐναντίοισ, οἱο͂ν "ἀμφοτέρουσ δ’ ὤνησαν, καὶ τοὺσ ὑπομείναντασ καὶ τοὺσ ἀκολουθήσαντασ·

τοῖσ μὲν γὰρ πλείω τῆσ οἴκοι προσεκτήσαντο, τοῖσ δ’ ἱκανὴν τὴν οἴκοι κατέλιπον" · ἐναντία ὑπομονὴ ἀκολούθησισ, ἱκανὸν πλεῖον. "ὥστε καὶ τοῖσ χρημάτων δεομένοισ καὶ τοῖσ ἀπολαῦσαι βουλομένοισ" · ἀπόλαυσισ κτήσει ἀντίκειται. καὶ ἔτι "συμβαίνει πολλάκισ ἐν ταύταισ καὶ τοὺσ φρονίμουσ ἀτυχεῖν καὶ τοὺσ ἄφρονασ κατορθοῦν" . "εὐθὺσ μὲν τῶν ἀριστείων ἠξιώθησαν, οὐ πολὺ δὲ ὕστερον τὴν ἀρχὴν τῆσ θαλάττησ ἔλαβον" . "πλεῦσαι μὲν διὰ τῆσ ἠπείρου, πεζεῦσαι δὲ διὰ τῆσ θαλάττησ, τὸν μὲν Ἑλλήσποντον ζεύξασ, τὸν δ’ Ἄθω διορύξασ. " "καὶ φύσει πολίτασ ὄντασ νόμῳ τῆσ πόλεωσ στέρεσθαι. " "οἱ μὲν γὰρ αὐτῶν κακῶσ ἀπώλοντο, οἱ δ’ αἰσχρῶσ ἐσώθησαν. " "καὶ ἰδίᾳ μὲν τοῖσ βαρβάροισ οἰκέταισ χρῆσθαι, κοινῇ δὲ πολλοὺσ τῶν συμμάχων περιορᾶν δουλεύοντασ. " "ἢ ζῶντασ ἕξειν ἢ τελευτήσαντασ καταλείψειν. " καὶ ὃ εἰσ Πειθόλαόν τισ εἶπεν καὶ Λυκόφρονα ἐν τῷ δικαστηρίῳ, "οὗτοι δ’ ὑμᾶσ οἴκοι μὲν ὄντεσ ἐπώλουν, ἐλθόντεσ δ’ ὡσ ὑμᾶσ ἐώνηνται" . ἅπαντα γὰρ ταῦτα ποιεῖ τὸ εἰρημένον. ἡδεῖα δὲ ἐστὶν ἡ τοιαύτη λέξισ, ὅτι τἀναντία γνωριμώτατα καὶ παρ’ ἄλληλα μᾶλλον γνώριμα, καὶ ὅτι ἐοίκεν συλλογισμῷ·

ὁ γὰρ ἔλεγχοσ συναγωγὴ τῶν ἀντικειμένων ἐστίν. ἀντίθεσισ μὲν οὖν τὸ τοιοῦτον ἐστίν, παρίσωσισ δ’ ἐὰν ἴσα τὰ κῶλα, παρομοίωσισ δὲ ἐὰν ὅμοια τὰ ἔσχατα ἔχῃ ἑκάτερον τὸ κῶλον·

ἀνάγκη δὲ ἢ ἐν ἀρχῇ ἢ ἐπὶ τελευτῆσ ἔχειν, καὶ ἐν ἀρχῇ μὲν ἀεὶ τὰ ὀνόματα, ἐπὶ δὲ τελευτῆσ τὰσ ἐσχάτασ συλλαβὰσ ἢ τοῦ αὐτοῦ ὀνόματοσ πτώσεισ ἢ τὸ αὐτὸ ὄνομα· ἐν ἀρχῇ μὲν τὰ τοιαῦτα, "ἀγρὸν γὰρ ἔλαβεν ἀργὸν παρ’ αὐτοῦ" , δωρητοί τ’ ἐπέλοντο παράρρητοί τ’ ἐπέεσσιν· ἐπὶ τελευτῆσ δέ "ᾠήθησ ἂν αὐτὸν <οὐ> παιδίον τετοκέναι, ἀλλ’ αὐτὸν παιδίον γεγονέναι" , "ἐν πλείσταισ δὲ φροντίσι καὶ ἐν ἐλαχίσταισ ἐλπίσιν" . πτώσεισ δὲ ταὐτοῦ "ἀξιοῖ δὲ σταθῆναι χαλκοῦσ, οὐκ ἄξιοσ ὢν χαλκοῦ; ταὐτὸ δ’ ὄνομα "σὺ δ’ αὐτὸν καὶ ζῶντα ἔλεγεσ κακῶσ καὶ νῦν γράφεισ κακῶσ" . ἀπὸ συλλαβῆσ δέ "τί ἂν ἔπαθεσ δεινόν, εἰ ἄνδρ’ εἶδεσ ἀργόν; ἔστιν δὲ ἅμα πάντα ἔχειν ταὐτό, καὶ ἀντίθεσιν εἶναι τὸ αὐτὸ καὶ πάρισον καὶ ὁμοιοτέλευτον. αἱ δ’ ἀρχαὶ τῶν περιόδων σχεδὸν ἐν τοῖσ Θεοδεκτείοισ ἐξηρίθμηνται. εἰσὶν δὲ καὶ ψευδεῖσ ἀντιθέσεισ, οἱο͂ν καὶ Ἐπίχαρμοσ ἐποίει, τόκα μὲν ἐν τήνων ἐγὼν ἦν, τόκα δὲ παρὰ τήνοισ ἐγών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 3, chapter 9

(아리스토텔레스, 수사학, Book 3, chapter 9)

상위

목록

SEARCH

MENU NAVIGATION