헬라어 문장 검색 - ΑριστόΡηετορί3́04́

(아리스토텔레스, 수사학, Book 3, chapter 4)

ἔστιν δὲ καὶ ἡ εἰκὼν μεταφορά· διαφέρει γὰρ μικρόν· ὅταν μὲν γὰρ εἴπῃ τὸν Ἀχιλλέα ὡσ δὲ λέων ἐπόρουσεν, εἰκών ἐστιν, ὅταν δὲ "λέων ἐπόρουσε" , μεταφορά· διὰ γὰρ τὸ ἄμφω ἀνδρείουσ εἶναι, προσηγόρευσεν μετενέγκασ λέοντα τὸν Ἀχιλλέα. χρήσιμον δὲ ἡ εἰκὼν καὶ ἐν λόγῳ, ὀλιγάκισ δέ·

ποιητικὸν γάρ. οἰστέαι δὲ ὥσπερ αἱ μεταφοραί· μεταφοραὶ γάρ εἰσι, διαφέρουσαι τῷ εἰρημένῳ. εἰσὶν δ’ εἰκόνεσ οἱο͂ν ἣν Ἀνδροτίων εἰσ Ἰδριέα, ὅτι ὅμοιοσ τοῖσ ἐκ τῶν δεσμῶν κυνιδίοισ·

ἐκεῖνά τε γὰρ προσπίπτοντα δάκνειν, καὶ Ἰδριέα λυθέντα ἐκ τῶν δεσμῶν εἶναι χαλεπόν. καὶ ὡσ Θεοδάμασ εἴκαζεν Ἀρχίδαμον Εὐξένῳ γεωμετρεῖν οὐκ ἐπισταμένῳ ἐν τῷ ἀνάλογόν <ἐστιν>· ἔσται γὰρ καὶ ὁ Εὔξενοσ Ἀρχίδαμοσ γεωμετρικόσ. καὶ τὸ ἐν τῇ Πολιτείᾳ τῇ Πλάτωνοσ, ὅτι οἱ τοὺσ τεθνεῶτασ σκυλεύοντεσ ἐοίκασι τοῖσ κυνιδίοισ ἃ τοὺσ λίθουσ δάκνει, τοῦ βάλλοντοσ οὐχ ἁπτόμενα, καὶ ἡ εἰσ τὸν δῆμον, ὅτι ὅμοιοσ ναυκλήρῳ ἰσχυρῷ μὲν ὑποκώφῳ δέ, καὶ ἡ εἰσ τὰ μέτρα τῶν ποιητῶν, ὅτι ἐοίκε τοῖσ ἄνευ κάλλουσ ὡραίοισ· οἱ μὲν γὰρ ἀπανθήσαντεσ, τὰ δὲ διαλυθέντα οὐχ ὅμοια φαίνεται. καὶ ἡ Περικλέουσ εἰσ Σαμίουσ, ἐοικέναι αὐτοὺσ τοῖσ παιδίοισ ἃ τὸν ψωμὸν δέχεται μέν, κλαίοντα δέ, καὶ εἰσ Βοιωτούσ, ὅτι ὅμοιοι τοῖσ πρίνοισ· τούσ τε γὰρ πρίνουσ ὑφ’ αὑτῶν κατακόπτεσθαι, καὶ τοὺσ Βοιωτοὺσ πρὸσ ἀλλήλουσ μαχομένουσ. καὶ ὃ Δημοσθένησ <εἰσ> τὸν δῆμον, ὅτι ὅμοιόσ ἐστιν τοῖσ ἐν τοῖσ πλοίοισ ναυτιῶσιν. καὶ ὡσ Δημοκράτησ εἴκασεν τοὺσ ῥήτορασ ταῖσ τίτθαισ αἳ τὸ ψώμισμα καταπίνουσαι τῷ σιάλῳ τὰ παιδία παραλείφουσιν. καὶ ὡσ Ἀντισθένησ Κηφισόδοτον τὸν λεπτὸν λιβανωτῷ εἴκασεν, ὅτι ἀπολλύμενοσ εὐφραίνει. πάσασ δὲ ταύτασ καὶ ὡσ εἰκόνασ καὶ ὡσ μεταφορὰσ ἔξεστι λέγειν, ὥστε ὅσαι ἂν εὐδοκιμῶσιν ὡσ μεταφοραὶ λεχθεῖσαι, δῆλον ὅτι αὗται καὶ εἰκόνεσ ἔσονται, καὶ αἱ εἰκόνεσ μεταφοραὶ λόγου δεόμεναι. ἀεὶ δὲ δεῖ τὴν μεταφορὰν τὴν ἐκ τοῦ ἀνάλογον ἀνταποδιδόναι καὶ ἐπὶ θάτερα καὶ ἐπὶ τῶν ὁμογενῶν, οἱο͂ν εἰ ἡ φιάλη ἀσπὶσ Διονύσου, καὶ τὴν ἀσπίδα ἁρμόττει λέγεσθαι φιάλην Ἄρεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 3, chapter 4

(아리스토텔레스, 수사학, Book 3, chapter 4)

상위

목록

SEARCH

MENU NAVIGATION