헬라어 문장 검색 - ΠολψβίΗιστορί11́002́

(폴리비오스, Histories, book 11, ii. res italiae)

Ἀλλὰ πολὺ ῥᾳδιεστέραν καὶ συντομωτέραν συνέβη γενέσθαι τὴν Ἀσδρούβου παρουσίαν εἰσ Ἰταλίαν. ‐ Διόπερ ὡσ οὐδέποτε μᾶλλον ὀρθὴ καὶ περίφοβοσ ἡ τῶν Ῥωμαίων πόλισ ἐγεγόνει, καραδοκοῦσα τὸ συμβησόμενον. τῶν δὲ πραγμάτων οὐκέτι διδόντων ἀναστροφὴν διὰ τὸ θεωρεῖν τοὺσ πολεμίουσ ἐκτεταγμένουσ καὶ προσάγοντασ, ἠναγκάζετο παρατάττειν τοὺσ Ἴβηρασ καὶ τοὺσ μετ’ αὐτοῦ γεγονότασ Γαλάτασ.

προθέμενοσ δὲ τὰ θηρία τὸν ἀριθμὸν ὄντα δέκα, καὶ τὸ βάθοσ αὐξήσασ τῶν τάξεων, καὶ ποιήσασ ἐν βραχεῖ χώρῳ τὴν ὅλην δύναμιν, πρὸσ δὲ τούτοισ μέσον αὑτὸν θεὶσ τῆσ παρατάξεωσ κατὰ τὴν τῶν θηρίων προστασίαν, ἐποιεῖτο τὴν ἔφοδον ἐπὶ τὰ λαιὰ τῶν πολεμίων, προδιειληφὼσ ὅτι δεῖ κατὰ τὸν παρόντα κίνδυνον νικᾶν ἢ θνήσκειν.

ὁ μὲν οὖν Λίβιοσ ἀντεπῄει τοῖσ πολεμίοισ σοβαρῶσ καὶ συμβαλὼν ταῖσ αὑτοῦ δυνάμεσιν ἐμάχετο γενναίωσ·

ὁ δὲ Κλαύδιοσ ἐπὶ τοῦ δεξιοῦ κέρατοσ τεταγμένοσ προάγειν μὲν εἰσ τοὔμπροσθεν καὶ περικερᾶν τοὺσ ὑπεναντίουσ οὐκ ἐδύνατο διὰ τὰσ προκειμένασ δυσχωρίασ, αἷσ πεπιστευκὼσ Ἀσδρούβασ ἐποιήσατο τὴν ἐπὶ τὰ λαιὰ τῶν πολεμίων ἔφοδον.

ἀπόρωσ δὲ διακείμενοσ ἐπὶ τῷ μηδὲν πράττειν, ὑπ’ αὐτοῦ τοῦ συμβαίνοντοσ ἔμαθεν ὃ δέον ἦν πράττειν.

διὸ καὶ παραδεξάμενοσ ἀπὸ τῶν δεξιῶν τοὺσ αὑτοῦ στρατιώτασ κατὰ τὸν ὄπισθεν τόπον τῆσ μάχησ, καὶ τὸ λαιὸν ὑπεράρασ τῆσ ἰδίασ παρεμβολῆσ, προσέβαλε κατὰ κέρασ τοῖσ Καρχηδονίοισ ἐπὶ τὰ θηρία.

καὶ μέχρι μὲν [οὖν] τούτων ἀμφίδοξοσ ἦν ἡ νίκη.

οἵ τε γὰρ ἄνδρεσ ἐφαμίλλωσ ἐκινδύνευον ἀμφότεροι διὰ τὸ μήτε τοῖσ Ῥωμαίοισ ἐλπίδα καταλείπεσθαι σωτηρίασ, εἰ σφαλεῖεν, μήτε τοῖσ Ἴβηρσι καὶ Καρχηδονίοισ· τά τε θηρία κοινὴν ἀμφοῖν παρείχοντο τὴν χρείαν ἐν τῇ μάχῃ· μέσα γὰρ ἀπειλημμένα καὶ συνακοντιζόμενα διετάραττε καὶ τὰσ τῶν Ῥωμαίων καὶ τὰσ τῶν Ἰβήρων τάξεισ.

ἅμα δὲ τῷ τοὺσ περὶ τὸν Κλαύδιον προσπεσεῖν κατ’ οὐρὰν τοῖσ πολεμίοισ ἄνισοσ ἦν ἡ μάχη, τῶν μὲν κατὰ πρόσωπον, τῶν δὲ κατὰ νώτου τοῖσ Ἴβηρσι προσκειμένων.

ἐξ οὗ καὶ συνέβη τοὺσ πλείστουσ τῶν Ἰβήρων ἐν αὐτῷ τῷ τῆσ μάχησ καιρῷ κατακοπῆναι.

τῶν δὲ θηρίων τὰ μὲν ἓξ ἅμα τοῖσ ἀνδράσιν ἔπεσε, τὰ δὲ τέτταρα διωσάμενα τὰσ τάξεισ ὕστερον ἑάλω μεμονωμένα καὶ ψιλὰ τῶν Ἰνδῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, ii. res italiae

(폴리비오스, Histories, book 11, ii. res italiae)

상위

목록

SEARCH

MENU NAVIGATION