헬라어 문장 검색 - Πλυταρ́Διον́11́

(플루타르코스, Dion, chapter 11)

ταῦτα πολλάκισ τοῦ Δίωνοσ παραινοῦντοσ, καὶ τῶν λόγων τοῦ Πλάτωνοσ ἔστιν οὕστινασ ὑποσπείροντοσ, ἔσχεν ἔρωσ τὸν Διονύσιον ὀξὺσ καὶ περιμανὴσ τῶν τε λόγων καὶ τῆσ συνουσίασ τοῦ Πλάτωνοσ. εὐθὺσ οὖν Ἀθήναζε πολλὰ μὲν ἐφοίτα γράμματα παρὰ τοῦ Διονυσίου, πολλαὶ δ’ ἐπισκήψεισ παρὰ τοῦ Δίωνοσ, ἄλλαι δ’ ἐξ Ἰταλίασ παρὰ τῶν Πυθαγορικῶν, διακελευομένων παραγενέσθαι καὶ νέασ ψυχῆσ ἐξουσίᾳ μεγάλῃ καὶ δυνάμει περιφερομένησ ἐπιλαβέσθαι καὶ κατασχεῖν ἐμβριθεστέροισ λογισμοῖσ. Πλάτων μὲν οὖν, ὥσ φησιν αὐτόσ, ἑαυτὸν αἰσχυνθεὶσ μάλιστα, μὴ δόξειε λόγοσ εἶναί μόνον, ἔργου δ’ ἑκὼν οὐδενὸσ ἂν ἅψασθαι, καὶ προσδοκήσασ δι’ ἑνὸσ ἀνδρὸσ ὥσπερ ἡγεμονικοῦ μέρουσ ἐκκαθαρθέντοσ ὅλην ἰατρεύσειν Σικελίαν νοσοῦσαν, ὑπήκουσεν.

οἱ δὲ τῷ Δίωνι πολεμοῦντεσ φοβούμενοι τὴν τοῦ Διονυσίου μεταβολήν ἔπεισαν αὐτὸν ἀπὸ τῆσ φυγῆσ μεταπέμπεσθαι Φίλιστον, ἄνδρα καὶ πεπαιδευμένον περὶ λόγουσ καὶ τυραννικῶν ἠθῶν ἐμπειρότατον, ὡσ ἀντίταγμα πρὸσ Πλάτωνα καὶ φιλοσοφίαν ἐκεῖνον ἕξοντεσ. ὁ γὰρ δὴ Φίλιστοσ ἐξ ἀρχῆσ τε τῇ τυραννίδι καθισταμένῃ προθυμότατον ἑαυτὸν παρέσχε, καὶ τὴν ἄκραν διεφύλαξε φρουραρχῶν ἐπὶ πολὺν χρόνον.

ἦν δὲ λόγοσ ὡσ καὶ τῇ μητρὶ πλησιάζοι τοῦ πρεσβυτέρου Διονυσίου, τοῦ τυράννου μὴ παντάπασιν ἀγνοοῦντοσ. ἐπεὶ δὲ Λεπτίνησ, ἐκ γυναικὸσ ἣν διαφθείρασ ἑτέρῳ συνοικοῦσαν ἔσχε γενομένων αὐτῷ δυεῖν θυγατέρων, τὴν ἑτέραν ἔδωκε Φιλίστῳ μηδὲ φράσασ πρὸσ Διονύσιον, ὀργισθεὶσ ἐκεῖνοσ τὴν μὲν γυναῖκα τοῦ Λεπτίνου δήσασ ἐν πέδαισ καθεῖρξε, τὸν δὲ Φίλιστον ἐξήλασε Σικελίασ, φυγόντα παρὰ ξένουσ τινὰσ εἰσ τὸν Ἀδρίαν, ὅπου καὶ δοκεῖ τὰ πλεῖστα συνθεῖναι τῆσ ἱστορίασ σχολάζων. οὐ γὰρ ἐπανῆλθε τοῦ πρεσβυτέρου ζῶντοσ, ἀλλὰ μετὰ τὴν ἐκείνου τελευτήν, ὥσπερ εἴρηται, κατήγαγεν αὐτὸν ὁ πρὸσ Δίωνα τῶν ἄλλων φθόνοσ, ὡσ αὐτοῖσ τε μᾶλλον ἐπιτήδειον ὄντα καὶ τῇ τυραννίδι βεβαιότερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 11

(플루타르코스, Dion, chapter 11)

상위

목록

SEARCH

MENU NAVIGATION