헬라어 문장 검색 - Πλυταρ́Διον́09́

(플루타르코스, Dion, chapter 9)

αἰτίαν δέ τούτου τὴν ἀπαιδευσίαν εἶναι νομίζων ἐμβαλεῖν αὐτὸν εἰσ διατριβὰσ ἐλευθερίουσ ἐφιλοτιμεῖτο καὶ γεῦσαι λόγων καὶ μαθημάτων ἠθοποιῶν, ὡσ ἀρετήν τε παύσαιτο δεδιὼσ καὶ τοῖσ καλοῖσ χαίρειν ἐθισθείη. φύσει γὰρ οὐ γεγόνει τῶν φαυλοτάτων τυράννων ὁ Διονύσιοσ, ἀλλ’ ὁ πατὴρ, δεδοικώσ μὴ φρονήματοσ μεταλαβὼν καὶ συγγενόμενοσ νοῦν ἔχουσιν ἀνθρώποισ ἐπιβουλεύσειεν αὐτῷ καὶ παρέλοιτο τὴν ἀρχήν, ἐφρούρει κατάκλειστον οἴκοι, δι’ ἐρημίαν ὁμιλίασ ἑτέρασ καὶ ἀπειρίᾳ πραγμάτων, ὥσ φασιν, ἁμάξια καὶ λυχνίασ καὶ δίφρουσ ξυλίνουσ καὶ τραπέζασ τεκταινόμενον, οὕτω γὰρ ἦν ἄπιστοσ καὶ πρὸσ ἅπαντασ ἀνθρώπουσ ὕποπτοσ καὶ προβεβλημένοσ διὰ φόβον ὁ πρεσβύτεροσ Διονύσιοσ ὥστε μηδὲ τῆσ κεφαλῆσ τὰσ τρίχασ ἀφελεῖν κουρικαῖσ μαχαίραισ, ἀλλὰ τῶν πλαστῶν τισ ἐπιφοιτῶν ἄνθρακι τὴν κόμην περιέκαιεν.

εἰσῄει δὲ πρὸσ αὐτὸν εἰσ τὸ δωμάτιον οὔτε ἀδελφὸσ οὔθ’ υἱὸσ ὡσ ἔτυχεν ἠμφιεσμένοσ, ἀλλ’ ἔδει πρὶν εἰσελθεῖν ἀποδύντα τὴν ἑαυτοῦ στολὴν ἕκαστον ἑτέραν ἀναλαβεῖν, ὁραθέντα γυμνὸν ὑπὸ τῶν φυλαττόντων.

ἐπεὶ δὲ Λεπτίνησ ὁ ἀδελφὸσ αὐτῷ ποτε χωρίου φύσιν ἐξηγούμενοσ λαβὼν λόγχην παρά τινοσ τῶν δορυφόρων ὑπέγραψε τὸν τόπον, ἐκείνῳ μὲν ἰσχυρῶσ ἐχαλέπηνε, τὸν δέ δόντα τὴν λόγχην ἀπέκτεινεν.

ἔλεγε δέ τοὺσ φίλουσ φυλάττεσθαι νοῦν ἔχοντασ εἰδὼσ καὶ βουλομένουσ μᾶλλον τυραννεῖν ἢ τυραννεῖσθαι. καὶ Μαρσύαν δέ τινα τῶν προηγμένων ὑπ’ αὐτοῦ καὶ τεταγμένων ἐφ’ ἡγεμονίασ ἀνεῖλε δόξαντα κατὰ, τοὺσ ὕπνουσ σφάττειν αὐτόν, ὡσ ἀπ’ ἐννοίασ μεθημερινῆσ καὶ διαλογισμοῦ τῆσ ὄψεωσ ταύτησ εἰσ τὸν ὕπνον αὐτῷ παραγενομένησ.

ὁ μὲν δὴ Πλάτωνι θυμωθείσ ὅτι μὴ πάντων αὐτὸν ἀνθρώπων ἀνδρειότατον ὄντα ἀπέφηνεν, οὕτω περίφοβον καὶ τοσούτων ὑπὸ δειλίασ κακῶν μεστὴν εἶχε τὴν ψυχήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 9

(플루타르코스, Dion, chapter 9)

상위

목록

SEARCH

MENU NAVIGATION