헬라어 문장 검색 - Πλυταρ́Δεανιμά24́

(플루타르코스, De animae procreatione in Timaeo, section 14)

τοιαύτασ δὲ δυνάμεισ τῶν ἐκκειμένων ἀριθμῶν ἐχόντων, ἴδιον τῷ τελευταίῳ συμβέβηκε, τῷ κζ’, τὸ τοῖσ πρὸ αὐτοῦ συντιθέμενον ἴσον εἶναι πᾶσιν, ἔστι δὲ καὶ περιοδικὸσ σελήνησ. καὶ τῶν ἐμμελῶν διαστημάτων οἱ Πυθαγορικοὶ τὸν τόνον ἐν τούτῳ τῷ ἀριθμῷ τάττουσι διὸ καὶ τὰ τρισκαίδεκα λεῖμμα καλοῦσιν ἀπολείπει γὰρ μονάδι τοῦ ἡμίσεοσ.

ὅτι δ’ οὗτοι καὶ τοὺσ τῶν συμφωνιῶν λόγουσ περιέχουσι, ῥᾴδιον καταμαθεῖν.

καὶ γὰρ διπλάσιοσ λόγοσ ἐστὶν ὁ τῶν δύο πρὸσ τὸ ἓν ἐν ᾧ τὸ διὰ πασῶν, καὶ ἡμιόλιοσ ὁ πρὸσ τὰ δύο τῶν τριῶν ἐν ᾧ τὸ διὰ πέντε, καὶ ἐπίτριτοσ ὁ πρὸσ; τρία τῶν τεσσάρων ἐν ᾧ τὸ διὰ τεσσάρων, καὶ τριπλάσιοσ ὁ πρὸσ τὰ τρία τῶν ἐννέα ἐν ᾧ τὸ διὰ πασῶν καὶ διὰ πέντε, καὶ τετραπλάσιοσ ὁ πρὸσ τὰ δύο τῶν η’ ἐν ᾧ τὸ δὶσ διὰ πασῶν·

ἔνεστι δὲ καὶ ἐπόγδοοσ ὁ πρὸσ τὰ ὀκτὼ τῶν ἐννέα ἐν ᾧ τὸ τονιαῖον.

ἂν τοίνυν ἡ μονὰσ ἐπίκοινοσ οὖσα καὶ τοῖσ ἀρτίοισ συναριθμῆται καὶ τοῖσ περιττοῖσ, ὁ μὲν ἄπασ ἀριθμὸσ τὸ τῆσ δεκάδοσ παρέχεται πλῆθοσ· οἱ γὰρ ἀπὸ μονάδοσ μέχρι τῶν δέκα συντιθέμενοι πεντεκαίδεκα, τρίγωνον ἀπὸ πεντάδοσ· ὁ δὲ περιττὸσ τὸν τεσσαράκοντα κατὰ σύνθεσιν μὲν ἐκ τῶν δεκατριῶν καὶ τῶν κζ’ γεννώμενον, οἷσ τὰ μελῳδούμενα μετροῦσιν εὐσήμωσ οἱ μαθηματικοὶ διαστήματα, τὸ μὲν δίεσιν τὸ δὲ τόνον καλοῦντεσ·

κατὰ τὸν πολλαπλασιασμὸν δὲ τῇ τῆσ τετρακτύοσ δυνάμει γιγνόμενον τῶν γὰρ πρώτων τεσσάρων καθ’ αὑτὸν ἑκάστου τετράκισ λαμβανομένου γίγνεται τέσσαρα καὶ η’ καὶ ιβ’ καὶ ισ’ ·

ταῦτα τὸν μ’ συντίθησι, περιέχοντα τοὺσ τῶν συμφωνιῶν λόγουσ·

ἐπίτριτα τῶν δεκαδύο ἐστὶν τῶν δ’ ὀκτὼ διπλάσια, τῶν δὲ τεσσάρων τετραπλάσια·

τὰ δὲ ιβ’ τῶν ὀκτὼ ἡμιόλια, τῶν δὲ τεσσάρων τριπλάσια οὗτοι δ’ οἱ λόγοι τὸ διὰ τεσσάρων καὶ τὸ διὰ πέντε καὶ τὸ διὰ πασῶν καὶ τὸ δὶσ διὰ πασῶν περιέχουσιν.

ἴσοσ γε μήν ἐστιν ὁ τῶν τεσσαράκοντα δυσὶ τετραγώνοισ καὶ δυσὶ κύβοισ ὁμοῦ λαμβανομένοισ· τὸ γὰρ ἓν καὶ τὰ τέσσαρα καὶ τὰ ὀκτὼ καὶ τὰ κζ’ κύβοι καὶ τετράγωνοι μ’ γίγνονται συντεθέντεσ.

ὥστε πολὺ τῆσ Πυθαγορικῆσ τὴν Πλατωνικὴν τετρακτὺν ποικιλωτέραν εἶναι τῇ διαθέσει καὶ τελειοτέραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De animae procreatione in Timaeo, section 14

(플루타르코스, De animae procreatione in Timaeo, section 14)

상위

목록

SEARCH

MENU NAVIGATION