헬라어 문장 검색 - Πλυταρ́Ξαμιλλύ05́

(플루타르코스, Camillus, chapter 5)

ἡ δὲ σύγκλητοσ εἰσ τὸ δέκατον ἔτοσ τοῦ πολέμου καταλύσασα τὰσ ἄλλασ ἀρχὰσ δικτάτορα Κάμιλλον ἀπέδειξεν ἵππαρχον δ’ ἐκεῖνοσ αὑτῷ προσελόμενοσ Κορνήλιον Σκηπίωνα, πρῶτον μὲν εὐχὰσ ἐποιήσατο τοῖσ θεοῖσ ἐπὶ τῷ πολέμῳ τέλοσ εὐκλεὲσ λαβόντι τὰσ μεγάλασ θέασ ἄξειν καὶ νεὼν θεᾶσ, ἣν Μητέρα Ματοῦταν καλοῦσι Ῥωμαῖοι, καθιερώσειν. ταύτην ἄν τισ ἀπὸ τῶν δρωμένων ἱερῶν μάλιστα Λευκοθέαν νομίσειεν εἶναι, καὶ γὰρ θεράπαιναν εἰσ τὸν σηκὸν εἰσάγουσαι ῥαπίζουσιν, εἶτ’ ἐξελαύνουσι καὶ τὰ τῶν ἀδελφῶν τέκνα πρὸ τῶν ἰδίων ἐναγκαλίζονται καὶ δρῶσι περὶ τὴν θυσίαν ἃ ταῖσ Διονύσου τροφοῖσ καὶ τοῖσ διὰ τὴν παλλακὴν πάθεσι τῆσ Ἰνοῦσ προσέοικε.

μετὰ δὲ τὰσ εὐχὰσ ὁ Κάμιλλοσ εἰσ τὴν Φαλίσκων ἐνέβαλε, καὶ μάχῃ μεγάλῃ τούτουσ τε καὶ Καπηνάτασ προσβοηθήσαντασ αὐτοῖσ ἐνίκησεν. ἔπειτα πρὸσ τὴν πολιορκίαν τραπόμενοσ τῶν Οὐηϊών καὶ τὸν ἐκ προσβολῆσ ἀγῶνα χαλεπὸν καὶ δύσεργον ὁρῶν ὑπονόμουσ ἔτεμνε, τῶν περὶ τὴν πόλιν χωρίων ἐνδιδόντων τοῖσ ὀρύγμασι καὶ καταδεχομένων εἰσ βάθοσ ἄγειν ἄδηλον τοῖσ πολεμίοισ τὰ ἔργα.

διὸ καὶ προϊούσησ ὁδῷ τῆσ ἐλπίδοσ αὐτὸσ μὲν ἔξωθεν προσέβαλλεν, ἐκκαλούμενοσ ἐπὶ τὰ τείχη τοὺσ πολεμίουσ, ἄλλοι δ’ ἀδήλωσ ὑποπορευόμενοι διὰ τῶν ὑπονόμων ἔλαθον ἐντὸσ γενόμενοι τῆσ ἄκρασ κατὰ τὸ τῆσ Ἥρασ ἱερόν, ὃ μέγιστον ἦν ἐν τῇ πόλει καὶ μάλιστα τιμώμενον. ἐνταῦθα λέγεται τυχεῖν κατ’ ἐκεῖνο καιροῦ τὸν ἡγεμόνα τῶν Τυρρηνῶν ἐφ’ ἱεροῖσ·

τὸν δὲ μάντιν εἰσ τὰ σπλάγχνα κατιδόντα καὶ μέγα φθεγξάμενον εἰπεῖν, ὅτι νίκην ὁ θεὸσ δίδωσι τῷ κατακολουθήσαντι τοῖσ ἱεροῖσ ἐκείνοισ· ταύτησ δὲ τῆσ φωνῆσ τοὺσ ἐν τοῖσ ὑπονόμοισ Ῥωμαίουσ ἐπακούσαντασ ταχὺ διασπάσαι τὸ ἔδαφοσ, καὶ μετὰ βοῆσ καὶ ψόφου τῶν ὅπλων ἀναδύντασ, ἐκπλαγέντων τῶν πολεμίων καὶ φυγόντων, ἁρπάσαντασ τὰ σπλάγχνα κομίσαι πρὸσ τὸν Κάμιλλον. ἀλλὰ ταῦτα μὲν ἴσωσ ἐοικέναι δόξει μυθεύμασιν.

ἁλούσησ δὲ τῆσ πόλεωσ κατὰ κράτοσ καὶ τῶν Ῥωμαίων ἀγόντων καὶ φερόντων ἄπειρόν τινα πλοῦτον, ἐφορῶν ὁ Κάμιλλοσ ἀπὸ τῆσ ἄκρασ τὰ πραττόμενα, πρῶτον μὲν ἑστὼσ ἐδάκρυσεν, εἶτα μακαρισθεὶσ ὑπὸ τῶν παρόντων ἀνέσχε τὰσ χεῖρασ τοῖσ θεοῖσ καὶ προσευχόμενοσ εἶπε· "Ζεῦ μέγιστε καὶ θεοὶ χρηστῶν ἐπίσκοποι καὶ πονηρῶν ἔργων, αὐτοί που σύνιστε Ῥωμαίοισ, ὡσ οὐ παρὰ δίκην, ἀλλὰ κατ’ ἀνάγκην ἀμυνόμενοι μετερχόμεθα δυσμενῶν ἀνδρῶν καὶ παρανόμων πόλιν.

"καὶ ἡμῖν ἀντίστροφοσ ὀφείλεται τῆσ παρούσησ νέμεσισ εὐπραξίασ, εὔχομαι ταύτην ὑπέρ τε πόλεωσ καὶ στρατοῦ Ῥωμαίων εἰσ ἐμαυτὸν ἐλαχίστῳ κακῷ τελευτῆσαι. ταῦτ’ εἰπών, καθάπερ ἐστὶ Ῥωμαίοισ ἔθοσ ἐπευξαμένοισ καὶ προσκυνήσασιν ἐπὶ δεξιὰ ἐξελίττειν, ἐσφάλη περιστρεφόμενοσ, διαταραχθέντων δὲ τῶν παρόντων πάλιν ἀναλαβὼν ἑαυτὸν ἐκ τοῦ πτώματοσ εἶπεν, ὡσ γέγονεν αὐτῷ κατ’ εὐχὴν σφάλμα μικρὸν ἐπ’ εὐτυχίᾳ μεγίστῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 5

(플루타르코스, Camillus, chapter 5)

상위

목록

SEARCH

MENU NAVIGATION