헬라어 문장 검색 - Πλυταρ́Αριστιδ́01́

(플루타르코스, Ἀριστείδης, chapter 1)

Ἀριστείδησ ὁ Λυσιμάχου φυλῆσ μὲν ἦν Ἀντιοχίδοσ, τῶν δὲ δήμων Ἀλωπεκῆθεν. περὶ δ’ οὐσίασ αὐτοῦ λόγοι διάφοροι γεγόνασιν, οἱ μὲν ὡσ ἐν πενίᾳ συντόνῳ καταβιώσαντοσ καὶ μετὰ τὴν τελευτὴν ἀπολιπόντοσ θυγατέρασ δύο πολὺν χρόνον ἀνεκδότουσ δι’ ἀπορίαν γενομένασ· πρὸσ δὲ τοῦτον τὸν λόγον ὑπὸ πολλῶν εἰρημένον ἀντιτασσόμενοσ ὁ Φαληρεὺσ Δημήτριοσ ἐν τῷ Σωκράτει χωρίον Φαληροῖ φησι γινώσκειν Ἀριστείδου γενόμενον, ἐν ᾧ τέθαπται, καὶ τεκμήρια τῆσ περὶ τὸν οἶκον εὐπορίασ ἓν μὲν ἡγεῖται τὴν ἐπώνυμον ἀρχήν, ἣν ἦρχεν ὁ τῷ κυάμῳ λαχὼν ἐκ τῶν γενῶν τῶν τὰ μέγιστα τιμήματα κεκτημένων, οὓσ πεντακοσιομεδίμνουσ προσηγόρευον, ἕτερον δὲ τὸν ἐξοστρακισμόν·

οὐδενὶ γὰρ τῶν πενήτων, ἀλλὰ τοῖσ ἐξ οἴκων τε μεγάλων καὶ διὰ γένουσ ὄγκον ἐπιφθόνων ὄστρακον ἐπιφέρεσθαι·

τρίτον δὲ καὶ τελευταῖον, ὅτι νίκησ ἀναθήματα χορηγικοὺσ τρίποδασ ἐν Διονύσου καταλέλοιπεν, οἳ καὶ καθ’ ἡμᾶσ ἐδείκνυντο τοιαύτην ἐπιγραφὴν διασώζοντεσ· "Ἀντιοχὶσ ἐνίκα, Ἀριστείδησ ἐχορήγει, Ἀρχέστρατοσ ἐδίδασκε. τουτὶ μὲν οὖν, καίπερ εἶναι δοκοῦν μέγιστον, ἀσθενέστατόν ἐστι.

καὶ γὰρ Ἐπαμεινώνδασ, ὃν πάντεσ ἄνθρωποι γινώσκουσιν ἐν πενίᾳ καὶ τραφέντα πολλῇ καὶ βιώσαντα, καὶ Πλάτων ὁ φιλόσοφοσ οὐκ ἀφιλοτίμουσ ἀνεδέξαντο χορηγίασ, ὁ μὲν αὐληταῖσ ἀνδράσιν, ὁ δὲ παισὶ κυκλίοισ χορηγήσασ, τούτῳ μὲν Δίωνοσ τοῦ Συρακουσίου τὴν δαπάνην παρέχοντοσ, Ἐπαμεινώνδᾳ δὲ τῶν περὶ Πελοπίδαν. οὐ γὰρ ἔστι τοῖσ ἀγαθοῖσ ἀκήρυκτοσ καὶ ἄσπονδοσ πρὸσ τὰσ παρὰ τῶν φίλων δωρεὰσ πόλεμοσ, ἀλλὰ τὰσ εἰσ ἀπόθεσιν καὶ πλεονεξίαν ἀγεννεῖσ ἡγούμενοι καὶ ταπεινάσ, ὅσαι φιλοτιμίασ τινὸσ ἀκερδοῦσ ἔχονται καὶ λαμπρότητοσ οὐκ ἀπωθοῦνται.

Παναίτιοσ μέντοι περὶ τοῦ τρίποδοσ ἀποφαίνει τὸν Δημήτριον ὁμωνυμίᾳ διεψευσμένον· ἀπὸ γὰρ τῶν Μηδικῶν εἰσ τὴν τελευτὴν τοῦ Πελοποννησιακοῦ πολέμου δύο μόνουσ Ἀριστείδασ χορηγοὺσ ἀναγράφεσθαι νικῶντασ, ὧν οὐδέτερον εἶναι τῷ Λυσιμάχου τὸν αὐτόν, ἀλλὰ τὸν μὲν Ξενοφίλου πατρόσ, τὸν δὲ χρόνῳ πολλῷ νεώτερον, ὡσ ἐλέγχει τὰ γράμματα τῆσ μετ’ Εὐκλείδην ὄντα γραμματικῆσ καὶ προσγεγραμμένοσ ὁ Ἀρχέστρατοσ, ὃν ἐν τοῖσ Μηδικοῖσ οὐδείσ, ἐν δὲ τοῖσ Πελοποννησιακοῖσ συχνοὶ χορῶν διδάσκαλον ἀναγράφουσι.

τὸ μὲν οὖν τοῦ Παναιτίου βέλτιον ἐπισκεπτέον ὅπωσ ἔχει.

τῷ δ’ ὀστράκῳ πᾶσ ὁ διὰ δόξαν ἢ γένοσ ἢ λόγου δύναμιν ὑπὲρ τοὺσ πολλοὺσ νομιζόμενοσ ὑπέπιπτεν· ὅπου καὶ Δάμων ὁ Περικλέουσ διδάσκαλοσ, ὅτι τὸ φρονεῖν ἐδόκει τισ εἶναι περιττόσ, ἐξωστρακίσθη. καὶ μὴν ἄρξαι γε τὸν Ἀριστείδην ὁ Ἰδομενεὺσ οὐ κυαμευτόν, ἀλλ’ ἑλομένων Ἀθηναίων φησίν.

εἰ δὲ καὶ μετὰ τὴν ἐν Πλαταιαῖσ μάχην ἦρξεν, ὡσ αὐτὸσ ὁ Δημήτριοσ γέγραφε, καὶ πάνυ πιθανόν ἐστιν ἐπὶ δόξῃ τοσαύτῃ καὶ κατορθώμασι τηλικούτοισ ἀξιωθῆναι δι’ ἀρετὴν ἧσ διὰ πλοῦτον ἐτύγχανον οἱ λαγχάνοντεσ. ἀλλὰ γὰρ ὁ μὲν Δημήτριοσ οὐ μόνον Ἀριστείδην, ἀλλὰ καὶ Σωκράτην δῆλόσ ἐστι τῆσ πενίασ ἐξελέσθαι φιλοτιμούμενοσ ὡσ μεγάλου κακοῦ·

καὶ γὰρ ἐκείνῳ φησὶν οὐ μόνον τὴν οἰκίαν ὑπάρχειν, ἀλλὰ καὶ μνᾶσ ἑβδομήκοντα τοκιζομένασ ὑπὸ Κρίτωνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 1

(플루타르코스, Ἀριστείδης, chapter 1)

상위

목록

SEARCH

MENU NAVIGATION