호흡부호 보기
강세부호 보기
장단부호 보기
작은 Iota 보기
모든 부호 보기
τὸν δ’ αὖ Ναυσικάα λευκώλενοσ ἀντίον ηὔδα· "ξεῖν’, ἐπεὶ οὔτε κακῷ οὔτ’ ἄφρονι φωτὶ ἐοίκασ· Ζεὺσ δ’ αὐτὸσ νέμει ὄλβον Ὀλύμπιοσ ἀνθρώποισιν, ἐσθλοῖσ ἠδὲ κακοῖσιν, ὅπωσ ἐθέλῃσιν, ἑκάστῳ· καί που σοὶ τάδ’ ἔδωκε, σὲ δὲ χρὴ τετλάμεν ἔμπησ. νῦν δ’, ἐπεὶ ἡμετέρην τε πόλιν καὶ γαῖαν ἱκάνεισ, οὔτ’ οὖν ἐσθῆτοσ δευήσεαι οὔτε τευ ἄλλου, ὧν ἐπέοιχ’ ἱκέτην ταλαπείριον ἀντιάσαντα. ἄστυ δέ τοι δείξω, ἐρέω δέ τοι οὔνομα λαῶν. Φαίηκεσ μὲν τήνδε πόλιν καὶ γαῖαν ἔχουσιν, εἰμὶ δ’ ἐγὼ θυγάτηρ μεγαλήτοροσ Ἀλκινόοιο, τοῦ δ’ ἐκ Φαιήκων ἔχεται κάρτοσ τε βίη τε.
호흡부호 보기
강세부호 보기
장단부호 보기
작은 Iota 보기
모든 부호 보기