헬라어 문장 검색 - Αρριαν́Αναβασί6́23́

(아리아노스, Anabasis, book 6, chapter 23)

χαλεπὴν καὶ ἄπορον τῶν ἐπιτηδείων, τῶν τε ἄλλων καὶ ὕδωρ πολλαχοῦ τῇ στρατιᾷ οὐκ ἦν· ἀλλὰ νύκτωρ ἠναγκάζοντο γῆν πολλὴν πορεύεσθαι καὶ προσωτέρω ἀπὸ θαλάσσησ, ἐπεὶ αὐτῷ γε ἐν σπουδῇ ἦν ἐλθεῖν τὰ παρὰ τὴν θάλασσαν τῆσ χώρασ καὶ λιμένασ τε ἰδεῖν τοὺσ ὄντασ καὶ ὅσα γε ἐν παρόδῳ δυνατὰ γένοιτο τῷ ναυτικῷ παρασκευάσαι, ἢ φρέατα ὀρύξαντασ ἢ ἀγορᾶσ που ἢ ὁρ́μου ἐπιμεληθέντασ. ἀλλὰ ἦν γὰρ ἔρημα παντάπασιν τὰ πρὸσ τῇ θαλάσσῃ τῆσ Γαδρωσῶν γῆσ, ὁ δὲ Θόαντα τὸν Μανδροδώρου καταπέμπει ἐπὶ θάλασσαν ξὺν ὀλίγοισ ἱππεῦσιν, κατασκεψόμενον εἴ πού τισ ὁρ́μοσ ὢν τυγχάνει ταύτῃ ἢ ὕδωρ οὐ πόρρω ἀπὸ θαλάσσησ ἤ τι ἄλλο τῶν ἐπιτηδείων.

καὶ οὗτοσ ἐπανελθὼν ἀπήγγειλεν ἁλιέασ τινὰσ καταλαβεῖν ἐπὶ τοῦ αἰγιαλοῦ ἐν καλύβαισ πνιγηραῖσ·

πεποιῆσθαι δὲ τὰσ καλύβασ ξυνθέντασ τὰσ κόγχασ· στέγην δὲ εἶναι αὐταῖσ τὰσ ἀκάνθασ τῶν ἰχθύων· καὶ τούτουσ τοὺσ ἁλιέασ ὕδατι ὀλίγῳ διαχρῆσθαι χαλεπῶσ διαμωμένουσ τὸν κάχληκα, καὶ οὐδὲ τούτῳ πάντῃ γλυκεῖ τῷ ὕδατι. Ὡσ δὲ ἀφίκετο Ἀλέξανδροσ ἐσ χῶρόν τινα τῆσ Γαδρωσίασ ἵνα ἀφθονώτεροσ ἦν σῖτοσ, διανέμει ἐσ τὰ ὑποζύγια τὸν καταληφθέντα καὶ τοῦτον σημηνάμενοσ τῇ ἑαυτοῦ σφραγῖδι κατακομίζεσθαι κελεύει ὡσ ἐπὶ θάλασσαν.

ἐν ᾧ δὲ ᾔει ὡσ ἐπὶ τὸν σταθμόν, ἔνθενπερ ἐγγυτάτω ἦν ἡ θάλασσα, ἐν τούτῳ ὀλίγα φροντίσαντεσ οἱ στρατιῶται τῆσ σφραγῖδοσ αὐτοί τε οἱ φύλακεσ τῷ σίτῳ ἐχρήσαντο καὶ ὅσοι μάλιστα λιμῷ ἐπιέζοντο καὶ τούτοισ μετέδωκαν. ἐσ τοσόνδε γὰρ πρὸσ τοῦ κακοῦ ἐνικῶντο, ὡσ τὸν πρόδηλον καὶ παρόντα ἤδη ὄλεθρον τοῦ ἀφανοῦσ τε καὶ πρόσω ἔτι ὄντοσ ἐκ τοῦ βασιλέωσ κινδύνου ξὺν λογισμῷ ἔδοξέ σφισιν ἔμπροσθεν ποιήσασθαι.

καὶ Ἀλέξανδροσ καταμαθὼν τὴν ἀνάγκην ξυνέγνω τοῖσ πράξασιν. αὐτὸσ δέ, ὅσα ἐκ τῆσ χώρασ ἐπιδραμὼν ξυναγαγεῖν ἠδυνήθη εἰσ ἐπισιτισμὸν τῇ στρατιᾷ τῇ περιπλεούσῃ ξὺν τῷ στόλῳ, ταῦτα κομίσοντα πέμπει Κρηθέα τὸν Καλλατιανόν. καὶ τοῖσ ἐγχωρίοισ προσετάχθη ἐκ τῶν ἄνω τόπων σῖτόν τε ὅσον δυνατοὶ ἦσαν κατακομίσαι ἀλέσαντασ καὶ τὰσ βαλάνουσ τὰσ τῶν φοινίκων καὶ πρόβατα ἐσ ἀγορὰν τῷ στρατῷ.

καὶ ἐσ ἄλλον αὖ τόπον Τήλεφον κατέπεμψε τῶν ἑταίρων σὺν σίτῳ οὐ πολλῷ ἀληλεσμένῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 23

(아리아노스, Anabasis, book 6, chapter 23)

상위

목록

SEARCH

MENU NAVIGATION