Arrian, Anabasis, book 6, chapter 14 2:

συγγνωστὰ δὲ ἁμαρτεῖν ἔφασαν οὐ πάλαι παῤ αὐτὸν πρεσβευσάμενοι· ἐπιθυμεῖν γάρ, ὥσπερ τινὲσ ἄλλοι, ἔτι μᾶλλον αὐτοὶ ἐλευθερίασ τε καὶ αὐτόνομοι εἶναι, ἥντινα ἐλευθερίαν ἐξ ὅτου Διόνυσοσ ἐσ Ἰνδοὺσ ἧκε σώαν σφίσιν εἶναι ἐσ Ἀλέξανδρον· εἰ δὲ Ἀλεξάνδρῳ δοκοῦν ἐστιν, ὅτι καὶ Ἀλέξανδρον ἀπὸ θεοῦ γενέσθαι λόγοσ κατέχει, σατράπην τε ἀναδέξεσθαι, ὅντινα τάττοι Ἀλέξανδροσ, καὶ φόρουσ ἀποίσειν τοὺσ Ἀλεξάνδρῳ δόξαντασ· διδόναι δὲ καὶ ὁμήρουσ ἐθέλειν ὅσουσ ἂν αἰτῇ Ἀλέξανδροσ.