헬라어 문장 검색 - Αρριαν́Αναβασί6́14́

(아리아노스, Anabasis, book 6, chapter 14)

Ἐν τούτῳ δὲ ἀφίκοντο παρὰ Ἀλέξανδρον τῶν Μαλλῶν τῶν ὑπολειπομένων πρέσβεισ ἐνδιδόντεσ τὸ ἔθνοσ, καὶ παρὰ Ὀξυδρακῶν οἵ τε ἡγεμόνεσ τῶν πόλεων καὶ οἱ νομάρχαι αὐτοὶ καὶ ἄλλοι ἅμα τούτοισ ἑκατὸν καὶ πεντήκοντα οἱ γνωριμώτατοι αὐτοκράτορεσ περὶ σπονδῶν δῶρά τε ὅσα μέγιστα παῤ Ἰνδοῖσ κομίζοντεσ καὶ τὸ ἔθνοσ καὶ οὗτοι ἐνδιδόντεσ. συγγνωστὰ δὲ ἁμαρτεῖν ἔφασαν οὐ πάλαι παῤ αὐτὸν πρεσβευσάμενοι·

ἐπιθυμεῖν γάρ, ὥσπερ τινὲσ ἄλλοι, ἔτι μᾶλλον αὐτοὶ ἐλευθερίασ τε καὶ αὐτόνομοι εἶναι, ἥντινα ἐλευθερίαν ἐξ ὅτου Διόνυσοσ ἐσ Ἰνδοὺσ ἧκε σώαν σφίσιν εἶναι ἐσ Ἀλέξανδρον· εἰ δὲ Ἀλεξάνδρῳ δοκοῦν ἐστιν, ὅτι καὶ Ἀλέξανδρον ἀπὸ θεοῦ γενέσθαι λόγοσ κατέχει, σατράπην τε ἀναδέξεσθαι, ὅντινα τάττοι Ἀλέξανδροσ, καὶ φόρουσ ἀποίσειν τοὺσ Ἀλεξάνδρῳ δόξαντασ· διδόναι δὲ καὶ ὁμήρουσ ἐθέλειν ὅσουσ ἂν αἰτῇ Ἀλέξανδροσ. ὁ δὲ χιλίουσ ᾔτησε τοὺσ κρατιστεύοντασ τοῦ ἔθνουσ, οὕσ, εἰ μὲν βούλοιτο, ἀντὶ ὁμήρων καθέξειν, εἰ δὲ μή, ξυστρατεύοντασ ἕξειν ἔστ̓ ἂν διαπολεμηθῇ αὐτῷ πρὸσ τοὺσ ἄλλουσ Ἰνδούσ.

οἱ δὲ τούσ τε χιλίουσ ἔπεμψαν, τοὺσ κρατίστουσ καὶ μεγίστουσ σφῶν ἐπιλεξάμενοι, καὶ ἁρ́ματα πεντακόσια οὐκ αἰτηθέντεσ καὶ τοὺσ ἀμβάτασ τῶν ἁρμάτων. Ἀλέξανδροσ δὲ σατράπην μὲν τούτοισ τε καὶ τῶν Μαλλῶν τοῖσ ἔτι σωζομένοισ ἐπέταξε Φίλιππον· τοὺσ ὁμήρουσ δὲ αὐτοῖσ ἀφῆκεν, τὰ δὲ ἁρ́ματα ἔλαβεν. Ὡσ δὲ ταῦτα αὐτῷ κεκόσμητο καὶ πλοῖα ἐπὶ τῇ διατριβῇ τῇ ἐκ τοῦ τραύματοσ πολλὰ προσενεναυπήγητο, ἀναβιβάσασ ἐσ τὰσ ναῦσ τῶν μὲν ἑταίρων ἱππέασ ἑπτακοσίουσ καὶ χιλίουσ, τῶν ψιλῶν δὲ ὅσουσπερ καὶ πρότερον, πεζοὺσ δὲ ἐσ μυρίουσ, ὀλίγον μέν τι τῷ Ὑδραώτῃ ποταμῷ κατέπλευσεν, ὡσ δὲ συνέμιξεν ὁ Ὑδραώτησ τῷ Ἀκεσίνῃ, ὅτι ὁ Ἀκεσίνησ κρατεῖ τοῦ Ὑδραώτου [ἐν] τῇ ἐπωνυμίᾳ, κατὰ τὸν Ἀκεσίνην αὖ ἔπλει, ἔστε ἐπὶ τὴν ξυμβολὴν τοῦ Ἀκεσίνου καὶ τοῦ Ἰνδοῦ ἧκεν.

τέσσαρεσ γὰρ οὗτοι μεγάλοι ποταμοὶ καὶ ναυσίποροι οἱ τέσσαρεσ εἰσ τὸν Ἰνδὸν ποταμὸν τὸ ὕδωρ ξυμβάλλουσιν, οὐ ξὺν τῇ σφετέρᾳ ἕκαστοσ ἐπωνυμίᾳ, ἀλλὰ ὁ Ὑδάσπησ μὲν ἐσ τὸν Ἀκεσίνην ἐμβάλλει, ἐμβαλὼν δὲ τὸ πᾶν ὕδωρ Ἀκεσίνην παρέχεται καλούμενον·

αὖθισ δὲ ὁ Ἀκεσίνησ οὗτοσ ξυμβάλλει τῷ Ὑδραώτῃ, καὶ παραλαβὼν τοῦτον ἔτι Ἀκεσίνησ ἐστί· καὶ τὸν Ὕφασιν ἐπὶ τούτῳ ὁ Ἀκεσίνησ παραλαβὼν τῷ αὑτοῦ δὴ ὀνόματι ἐσ τὸν Ἰνδὸν ἐμβάλλει· ξυμβαλὼν δὲ ξυγχωρεῖ δὴ τῷ Ἰνδῷ. ἔνθεν δὴ ὁ Ἰνδὸσ πρὶν ἐσ τὸ Δέλτα σχισθῆναι οὐκ ἀπιστῶ ὅτι καὶ ἐσ ἑκατὸν σταδίουσ ἔρχεται καὶ ὑπὲρ τοὺσ ἑκατὸν τυχὸν, ἵναπερ λιμνάζει μᾶλλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 6, chapter 14

(아리아노스, Anabasis, book 6, chapter 14)

상위

목록

SEARCH

MENU NAVIGATION