Arrian, Anabasis, book 6, chapter 13 4:

Νέαρχοσ δὲ λέγει, ὅτι χαλεποὶ αὐτῷ τῶν φίλων ἐγένοντο ὅσοι ἐκάκιζον, ὅτι αὐτὸσ πρὸ τῆσ στρατιᾶσ κινδυνεύοι· οὐ γὰρ στρατηγοῦ ταῦτα, ἀλλὰ στρατιώτου εἶναι. καί μοι δοκεῖ ἄχθεσθαι Ἀλέξανδροσ τοῖσδε τοῖσ λόγοισ, ὅτι ἀληθεῖσ τε ὄντασ ἐγίγνωσκε καὶ αὑτὸν ὑπαίτιον τῇ ἐπιτιμήσει. καὶ ὅμωσ ὑπὸ μένουσ τε τοῦ ἐν ταῖσ μάχαισ καὶ τοῦ ἔρωτοσ τῆσ δόξησ, καθάπερ οἱ ἄλλησ τινὸσ ἡδονῆσ ἐξηττώμενοι, οὐ καρτερὸσ ἦν ἀπέχεσθαι τῶν κινδύνων.