Strabo, Geography, Book 11, chapter 6 2:

(스트라본, 지리학, Book 11, chapter 6 2:)

ἡ δὲ δευτέρα μερὶσ ἄρχεται μὲν ἀπὸ τῆσ Κασπίασ θαλάττησ, εἰσ ἣν κατέπαυεν ἡ προτέρα· καλεῖται δ’ ἡ αὐτὴ θάλαττα καὶ Ὑρκανία. δεῖ δὲ περὶ τῆσ θαλάττησ εἰπεῖν πρότερον ταύτησ καὶ τῶν προσοίκων ἐθνῶν. ἔστι δ’ ὁ κόλποσ ἀνέχων ἐκ τοῦ ὠκεανοῦ πρὸσ μεσημβρίαν κατ’ ἀρχὰσ μὲν ἱκανῶσ στενόσ, ἐνδοτέρω δὲ πλατύνεται προϊών, καὶ μάλιστα κατὰ τὸν μυχὸν ἐπὶ σταδίουσ που καὶ πεντακισχιλίουσ· ὁ δ’ εἴσπλουσ μέχρι τοῦ μυχοῦ μικρῷ πλειόνων ἂν εἰή συνάπτων πωσ ἤδη τῇ ἀοικήτῳ. φησὶ δ’ Ἐρατοσθένησ τὸν ὑπὸ τῶν Ἑλλήνων γνωριζόμενον περίπλουν τῆσ θαλάττησ ταύτησ τὸν μὲν παρὰ τοὺσ Ἀλβανοὺσ καὶ τοὺσ Καδουσίουσ εἶναι πεντακισχιλίων καὶ τετρακοσίων, τὸν δὲ παρὰ τὴν Ἀναριακῶν καὶ Μάρδων καὶ Ὑρκανῶν μέχρι τοῦ στόματοσ τοῦ Ὤξου ποταμοῦ τετρακισχιλίων καὶ ὀκτακοσίων· ἔνθεν δ’ ἐπὶ τοῦ Ιἀξάρτου δισχιλίων τετρακοσίων. δεῖ δὲ περὶ τῶν ἐν τῇ μερίδι ταύτῃ καὶ τοῖσ ἐπὶ τοσοῦτον ἐκτετοπισμένοισ ἁπλούστερον ἀκούειν, καὶ μάλιστα περὶ τῶν διαστημάτων.

일치하는 문장이 없습니다.

SEARCH

MENU NAVIGATION