헬라어 문장 검색 - ΣτραβόΓεογραπ́11́11́

(스트라본, 지리학, Book 11, chapter 11)

τῆσ δὲ Βακτρίασ μέρη μέν τινα τῇ Ἀρίᾳ παραβέβληται πρὸσ ἄρκτον, τὰ πολλὰ δ’ ὑπέρκειται πρὸσ ἑώ· πολλὴ δ’ ἐστὶ καὶ πάμφοροσ πλὴν ἐλαίου. τοσοῦτον δὲ ἴσχυσαν οἱ ἀποστήσαντεσ Ἕλληνεσ αὐτὴν διὰ τὴν ἀρετὴν τῆσ χώρασ ὥστε τῆσ τε Ἀριανῆσ ἐπεκράτουν καὶ τῶν Ἰνδῶν, ὥσ φησιν Ἀπολλόδωροσ ὁ Ἀρταμιτηνόσ, καὶ πλείω ἔθνη κατεστρέψαντο ἢ Ἀλέξανδροσ, καὶ μάλιστα Μένανδροσ εἴ γε καὶ τὸν Ὕπανιν διέβη πρὸσ ἐώ καὶ μέχρι τοῦ Ἰμάου προῆλθε τὰ μὲν αὐτὸσ τὰ δὲ Δημήτριοσ ὁ Εὐθυδήμου υἱὸσ τοῦ Βακτρίων βασιλέωσ· οὐ μόνον δὲ τὴν Παταληνὴν κατέσχον ἀλλὰ καὶ τῆσ ἄλλησ παραλίασ τήν τε Σαραόστου καλουμένην καὶ τὴν Σιγέρδιδοσ βασιλείαν. καθ’ ὅλου δέ φησιν ἐκεῖνοσ τῆσ συμπάσησ Ἀριανῆσ πρόσχημα εἶναι τὴν Βακτριανήν· καὶ δὴ καὶ μέχρι Σηρῶν καὶ Φρυνῶν ἐξέτεινον τὴν ἀρχήν. πόλεισ δ’ εἶχον τά τε Βάκτρα ἥνπερ καὶ Ζαριάσπαν καλοῦσιν, ἣν διαρρεῖ ὁμώνυμοσ ποταμὸσ ἐκβάλλων εἰσ τὸν Ὦξον, καὶ Ἄδραψα καὶ ἄλλασ πλείουσ·

τούτων δ’ ἦν καὶ ἡ Εὐκρατίδεια τοῦ ἄρξαντοσ ἐπώνυμοσ. οἱ δὲ κατασχόντεσ αὐτὴν Ἕλληνεσ καὶ εἰσ σατραπείασ διῃρήκασιν, ὧν τήν τε Ἀσπιώνου καὶ τὴν Ταπυρίαν ἀφῄρηντο Εὐκρατίδην οἱ Παρθυαῖοι. ἔσχον δὲ καὶ τὴν Σογδιανὴν ὑπερκειμένην πρὸσ ἑώ τῆσ Βακτριανῆσ μεταξὺ τοῦ τε Ὤξου ποταμοῦ, ὃσ ὁρίζει τήν τε τῶν Βακτρίων καὶ τὴν τῶν Σογδίων, καὶ τοῦ Ιἀξάρτου· οὗτοσ δὲ καὶ τοὺσ Σογδίουσ ὁρίζει καὶ τοὺσ νομάδασ. τὸ μὲν οὖν παλαιὸν οὐ πολὺ διέφερον τοῖσ βίοισ καὶ τοῖσ ἔθεσι τῶν νομάδων οἵ τε Σογδιανοὶ καὶ οἱ Βακτριανοί, μικρὸν δ’ ὅμωσ ἡμερώτερα ἦν τὰ τῶν Βακτριανῶν, ἀλλὰ καὶ περὶ τούτων οὐ τὰ βέλτιστα λέγουσιν οἱ περὶ Ὀνησίκριτον·

τοὺσ γὰρ ἀπειρηκότασ διὰ γῆρασ ἢ νόσον ζῶντασ παραβάλλεσθαι τρεφομένοισ κυσὶν ἐπίτηδεσ πρὸσ τοῦτο, οὓσ ἐνταφιαστὰσ καλεῖσθαι τῇ πατρῴᾳ γλώττῃ, καὶ ὁρᾶσθαι τὰ μὲν ἔξω τείχουσ τῆσ μητροπόλεωσ τῶν Βάκτρων καθαρά, τῶν δ’ ἐντὸσ τὸ πλέον ὀστέων πλῆρεσ ἀνθρωπίνων· καταλῦσαι δὲ τὸν νόμον Ἀλέξανδρον. τοιαῦτα δέ πωσ καὶ τὰ περὶ τοὺσ Κασπίουσ ἱστοροῦσι· τοὺσ γὰρ γονέασ, ἐπειδὰν ὑπὲρ ἑβδομήκοντα ἔτη γεγονότεσ τυγχάνωσιν, ἐγκλεισθέντασ λιμοκτονεῖσθαι. τοῦτο μὲν οὖν ἀνεκτότερον καὶ τῷ Κείων νόμῳ παραπλήσιον καίπερ ὂν σκυθικόν, πολὺ μέντοι σκυθικώτερον τὸ τῶν Βακτριανῶν. καὶ δὴ διαπορεῖν ἄξιον ἦν, ἡνίκα Ἀλέξανδροσ τοιαῦτα κατελάμβανε τἀνταῦθα, τί χρὴ εἰπεῖν τὰ ἐπὶ τῶν πρώτων Περσῶν καὶ τῶν ἔτι πρότερον ἡγεμόνων ὁποῖα εἰκὸσ ἦν παρ’ αὐτοῖσ νενομίσθαι. φασὶ δ’ οὖν ὀκτὼ πόλεισ τὸν Ἀλέξανδρον ἔν τε τῇ Βακτριανῇ καὶ τῇ Σογδιανῇ κτίσαι, τινὰσ δὲ κατασκάψαι, ὧν Καριάτασ μὲν τῆσ Βακτριανῆσ, ἐν ᾗ Καλλισθένησ συνελήφθη καὶ παρεδόθη φυλακῆ, Μαράκανδα δὲ τῆσ Σογδιανῆσ καὶ τὰ Κῦρα, ἔσχατον ὂν Κύρου κτίσμα ἐπὶ τῷ Ιἀξάρτῃ ποταμῷ κείμενον, ὅπερ ἦν ὁρ́ιον τῆσ Περσῶν ἀρχῆσ·

κατασκάψαι δὲ τὸ κτίσμα τοῦτο καίπερ ὄντα φιλόκυρον διὰ τὰσ πυκνὰσ ἀποστάσεισ· ἑλεῖν δὲ καὶ πέτρασ ἐρυμνὰσ σφόδρα ἐκ προδοσίασ τήν τε ἐν τῇ Βακτριανῇ τὴν Σισιμίθρου ἐν ᾗ εἶχεν Ὀξυάρτησ τὴν θυγατέρα Ῥωξάνην, καὶ τὴν ἐν τῇ Σογδιανῇ τὴν τοῦ Ὤξου, οἱ δ’ Ἀριαμάζου φασί. τὴν μὲν οὖν Σισιμίθρου πεντεκαίδεκα σταδίων ἱστοροῦσι τὸ ὕψοσ, ὀγδοήκοντα δὲ τὸν κύκλον, ἄνω δ’ ἐπίπεδον καὶ εὔγεων ὅσον πεντακοσίουσ ἄνδρασ τρέφειν δυναμένην, ἐν ᾗ καὶ ξενίασ τυχεῖν πολυτελοῦσ καὶ γάμουσ ἀγαγεῖν Ῥωξάνησ τῆσ Ὀξυάρτου θυγατρὸσ τὸν Ἀλέξανδρον· τὴν δὲ τῆσ Σογδιανῆσ διπλασίαν τὸ ὕψοσ φασί. περὶ τούτουσ δὲ τοὺσ τόπουσ καὶ τὸ τῶν Βραγχιδῶν ἄστυ ἀνελεῖν, οὓσ Ξέρξην μὲν ἱδρῦσαι αὐτόθι συναπάραντασ αὐτῷ ἑκόντασ ἐκ τῆσ οἰκείασ διὰ τὸ παραδοῦναι τὰ χρήματα τοῦ θεοῦ τὰ ἐν Διδύμοισ καὶ τοὺσ θησαυρούσ, ἐκεῖνον δ’ ἀνελεῖν μυσαττόμενον τὴν ἱεροσυλίαν καὶ τὴν προδοσίαν. τὸν δὲ διὰ τῆσ Σογδιανῆσ ῥέοντα ποταμὸν καλεῖ Πολυτίμητον Ἀριστόβουλοσ, τῶν Μακεδόνων τοὔνομα θεμένων, καθάπερ καὶ ἄλλα πολλὰ τὰ μὲν καινὰ ἔθεσαν τὰ δὲ παρωνόμασαν·

ἄρδοντα δὲ τὴν χώραν ἐκπίπτειν εἰσ ἔρημον καὶ ἀμμώδη γῆν καταπίνεσθαί τε εἰσ τὴν ἄμμον, ὡσ καὶ τὸν Ἄριον τὸν δι’ Ἀρίων ῥέοντα. τοῦ δὲ Ὤχου ποταμοῦ πλησίον ὀρύττοντασ εὑρεῖν ἐλαίου πηγὴν λέγουσιν· εἰκὸσ δέ, ὥσπερ νιτρώδη τινὰ καὶ στύφοντα ὑγρὰ καὶ ἀσφαλτώδη καὶ θειώδη διαρρεῖ τὴν γῆν, οὕτω καὶ λιπαρὰ εὑρίσκεσθαι, τὸ δὲ σπάνιον ποιεῖ τὴν παραδοξίαν. ῥεῖν δὲ τὸν Ὦχον οἱ μὲν διὰ τῆσ Βακτριανῆσ φασιν οἱ δὲ παρ’ αὐτήν, καὶ οἱ μὲν ἕτερον τοῦ Ὤξου μέχρι τῶν ἐκβολῶν νοτιώτερον ἐκείνου, ἀμφοτέρων δ’ ἐν τῇ Ὑρκανίᾳ τὰσ εἰσ τὴν θάλατταν ὑπάρχειν ἐκρύσεισ, οἱ δὲ κατ’ ἀρχὰσ μὲν ἕτερον συμβάλλειν δ’ εἰσ ἓν τὸ τοῦ Ὤξου ῥεῖθρον, πολλαχοῦ καὶ ἓξ καὶ ἑπτὰ σταδίων ἔχοντα τὸ πλάτοσ. ὁ μέντοι Ιἀξάρτησ ἀπ’ ἀρχῆσ μέχρι τέλουσ ἕτερόσ ἐστι τοῦ Ὤξου, καὶ εἰσ μὲν τὴν αὐτὴν τελευτῶν θάλατταν, αἱ δ’ ἐμβολαὶ διέχουσιν ἀλλήλων, ὥσ φησι Πατροκλῆσ, παρασάγγασ ὡσ ὀγδοήκοντα· τὸν δὲ παρασάγγην τὸν περσικὸν οἱ μὲν ἑξήκοντα σταδίων φασίν, οἱ δὲ τριάκοντα ἢ τετταράκοντα. ἀναπλεόντων δ’ ἡμῶν τὸν Νεῖλον ἄλλοτ’ ἄλλοισ μέτροισ χρώμενοι τὰσ σχοίνουσ ὠνόμαζον ἀπὸ πόλεωσ ἐπὶ πόλιν, ὥστε τὸν αὐτὸν τῶν σχοίνων ἀριθμὸν ἀλλαχοῦ μὲν μείζω παρέχειν πλοῦν ἀλλαχοῦ δὲ βραχύτερον· οὕτωσ ἐξ ἀρχῆσ παραδεδομένον καὶ φυλαττόμενον μέχρι νῦν. μέχρι μὲν δὴ τῆσ Σογδιανῆσ πρὸσ ἀνίσχοντα ἥλιον ἰόντι ἀπὸ τῆσ Ὑρκανίασ γνώριμα ὑπῆρξε τὰ ἔθνη καὶ τοῖσ Πέρσαισ πρότερον τὰ εἴσω τοῦ Ταύρου καὶ τοῖσ Μακεδόσι μετὰ ταῦτα καὶ τοῖσ Παρθυαίοισ.

τὰ δ’ ἐπέκεινα ἐπ’ εὐθείασ ὅτι μὲν Σκυθικά ἐστιν, ἐκ τῆσ ὁμοειδείασ εἰκάζεται, στρατεῖαι δ’ οὐ γεγόνασιν ἐπ’ αὐτοὺσ ἡμῖν γνώριμοι, καθάπερ οὐδὲ ἐπὶ τοὺσ βορειοτάτουσ τῶν νομάδων, ἐφ’ οὓσ ἐπεχείρησε μὲν ὁ Ἀλέξανδροσ ἄγειν στρατείαν, ὅτε τὸν Βῆσσον μετῄει καὶ τὸν Σπιταμένην, ζωγρίᾳ δ’ ἀναχθέντοσ τοῦ Βήσσου, τοῦ δὲ Σπιταμένουσ ὑπὸ τῶν βαρβάρων διαφθαρέντοσ, ἐπαύσατο τῆσ ἐπιχειρήσεωσ. οὐχ ὁμολογοῦσι δ’ ὅτι περιέπλευσάν τινεσ ἀπὸ τῆσ Ἰνδικῆσ ἐπὶ τὴν Ὑρκανίαν· ὅτι δὲ δυνατόν, Πατροκλῆσ εἴρηκε. λέγεται δὲ διότι τοῦ Ταύρου τὸ τελευταῖον, ὃ καλοῦσιν Ἴμαιον, τῇ Ἰνδικῇ θαλάττῃ ξυνάπτον, οὐδὲν οὔτε προὔχει πρὸσ ἑώ τῆσ Ἰνδικῆσ μᾶλλον οὔτ’ εἰσέχει·

παριόντι δ’ εἰσ τὸ βόρειον πλευρὸν ἀεί τι τοῦ μήκουσ ὑφαιρεῖ καὶ τοῦ πλάτουσ ἡ θάλαττα, ὥστ’ ἀποφαίνειν μύουρον πρὸσ ἑώ τὴν νῦν ὑπογραφομένην μερίδα τῆσ Ἀσίασ, ἣν ὁ Ταῦροσ ἀπολαμβάνει πρὸσ τὸν ὠκεανὸν τὸν πληροῦντα τὸ Κάσπιον πέλαγοσ. μῆκοσ δ’ ἐστὶ ταύτησ τῆσ μερίδοσ τὸ μέγιστον ἀπὸ τῆσ Ὑρκανίασ θαλάττησ ἐπὶ τὸν ὠκεανὸν τὸν κατὰ τὸ Ἴμαιον τρισμυρίων που σταδίων, παρὰ τὴν ὀρεινὴν τοῦ Ταύρου τῆσ πορείασ οὔσησ, πλάτοσ δ’ ἔλαττον τῶν μυρίων. εἴρηται γὰρ ὅτι περὶ τετρακισμυρίουσ σταδίουσ ἐστὶ τὸ ἀπὸ τοῦ Ἰσσικοῦ κόλπου μέχρι τῆσ ἑῴασ θαλάττησ τῆσ κατὰ Ἰνδούσ, ἐπὶ δ’ Ἰσσὸν ἀπὸ τῶν ἑσπερίων ἄκρων τῶν κατὰ στήλασ ἄλλοι τρισμύριοι· ἔστι δὲ ὁ μυχὸσ τοῦ Ἰσσικοῦ κόλπου μικρὸν ἢ οὐδὲν Ἀμισοῦ ἑωθινώτεροσ, τὸ δὲ ἀπὸ Ἀμισοῦ ἐπὶ τὴν Ὑρκανίαν γῆν περὶ μυρίουσ ἐστὶ σταδίουσ, παράλληλον ὂν τῷ ἀπὸ τοῦ Ἰσσοῦ λεχθέντι ἐπὶ τοὺσ Ἰνδούσ. λείπεται δὴ τὸ λεχθὲν μῆκοσ ἐπὶ τὴν ἑώ τῆσ περιωδευμένησ νυνὶ μερίδοσ οἱ τρισμύριοι στάδιοι. πάλιν δὲ τοῦ πλάτουσ τοῦ μεγίστου τῆσ οἰκουμένησ ὄντοσ περὶ τρισμυρίουσ σταδίουσ, χλαμυδοειδοῦσ οὔσησ, τὸ διάστημα τοῦτο ἐγγὺσ ἂν εἰή τοῦ μεσημβρινοῦ τοῦ διὰ τῆσ Ὑρκανίασ θαλάττησ γραφομένου καὶ τῆσ Περσικῆσ, εἴπερ ἐστὶ τὸ μῆκοσ τῆσ οἰκουμένησ ἑπτὰ μυριάδεσ· εἰ οὖν ἀπὸ τῆσ Ὑρκανίασ ἐπὶ Ἀρτεμίταν τὴν ἐν τῇ Βαβυλωνίᾳ στάδιοί εἰσιν ὀκτακισχίλιοι, καθάπερ εἴρηκεν Ἀπολλόδωροσ ὁ ἐκ τῆσ Ἀρτεμίτασ, ἐκεῖθεν δ’ ἐπὶ τὸ στόμα τῆσ κατὰ Πέρσασ θαλάττησ ἄλλο τοσοῦτόν ἐστι, καὶ πάλιν τοσοῦτον ἢ μικρὸν ἀπολεῖπον εἰσ τὰ ἀνταίροντα τοῖσ ἄκροισ τῆσ Αἰθιοπίασ, λοιπὸν ἂν εἰή τοῦ πλάτουσ τῆσ οἰκουμένησ τοῦ λεχθέντοσ ἀπὸ τοῦ μυχοῦ τῆσ Ὑρκανίασ θαλάττησ ἐπὶ τοῦ στόματοσ αὐτῆσ ὅσον εἰρήκαμεν. μυούρου δ’ ὄντοσ τοῦ τμήματοσ τούτου τῆσ γῆσ ἐπὶ τὰ πρὸσ ἑώ μέρη, γίνοιτ’ ἂν τὸ σχῆμα προσόμοιον μαγειρικῇ κοπίδι, τοῦ μὲν ὄρουσ ἐπ’ εὐθείασ ὄντοσ καὶ νοουμένου κατὰ τὴν ἀκμὴν τῆσ κοπίδοσ, τῆσ δ’ ἀπὸ τοῦ στόματοσ τοῦ Ὑρκανίου παραλίασ ἐπὶ Τάμαρον κατὰ θάτερον πλευρὸν εἰσ περιφερῆ καὶ μύουρον γραμμὴν ἀπολῆγον. ἐπιμνηστέον δὲ καὶ τῶν παραδόξων ἐνίων ἃ θρυλοῦσι περὶ τῶν τελέωσ βαρβάρων, οἱο͂ν τῶν περὶ τὸν Καύκασον καὶ τὴν ἄλλην ὀρεινήν.

τοῖσ μὲν γὰρ νόμιμον εἶναί φασι τὸ τοῦ Εὐριπίδου τὸν φύντα θρηνεῖν εἰσ ὅσ’ ἔρχεται κακά, τὸν δ’ αὖ θανόντα καὶ πόνων πεπαυμένον χαίροντασ εὐφημοῦντασ ἐκπέμπειν δόμων. ἑτέροισ δὲ μηδένα ἀποκτείνειν τῶν ἐξαμαρτόντων τὰ μέγιστα, ἀλλ’ ἐξορίζειν μόνον μετὰ τῶν τέκνων, ὑπεναντίωσ τοῖσ Δέρβιξι· καὶ γὰρ ἐπὶ μικροῖσ οὗτοι σφάττουσι. σέβονται δὲ γῆν οἱ Δέρβικεσ· θύουσι δ’ οὐδὲν θῆλυ οὐδὲ ἐσθίουσι· τοὺσ δὲ ὑπὲρ ἑβδομήκοντα ἔτη γεγονότασ σφάττουσιν, ἀναλίσκουσι δὲ τὰσ σάρκασ οἱ ἄγχιστα γένουσ· τὰσ δὲ γραίασ ἀπάγχουσιν, εἶτα θάπτουσι· τοὺσ δὲ ἐντὸσ ἑβδομήκοντα ἐτῶν ἀποθανόντασ οὐκ ἐσθίουσιν ἀλλὰ θάπτουσι. Σίγιννοι δὲ τἆλλα μὲν περσίζουσιν, ἱππαρίοισ δὲ χρῶνται μικροῖσ δασέσιν, ἅπερ ἱππότην ὀχεῖν μὲν οὐ δύναται, τέθριππα δὲ ζευγνύουσιν· ἡνιοχοῦσι δὲ γυναῖκεσ ἐκ παίδων ἠσκημέναι, ἡ δ’ ἄριστα ἡνιοχοῦσα συνοικεῖ ᾧ βούλεται· τινὰσ δ’ ἐπιτηδεύειν φασὶν ὅπωσ ὡσ μακροκεφαλώτατοι φανοῦνται καὶ προπεπτωκότεσ τοῖσ μετώποισ ὥσθ’ ὑπερκύπτειν τῶν γενείων. Ταπύρων δ’ ἔστι καὶ τὸ τοὺσ μὲν ἄνδρασ μελανειμονεῖν καὶ μακροκομεῖν, τὰσ δὲ γυναῖκασ λευχειμονεῖν καὶ βραχυκομεῖν. καὶ ὁ ἀνδρειότατοσ κριθεὶσ γαμεῖ ἣν βούλεται. Κάσπιοι δὲ τοὺσ ὑπὲρ ἑβδομήκοντα ἔτη λιμοκτονήσαντεσ εἰσ τὴν ἐρημίαν ἐκτιθέασιν, ἄπωθεν δὲ σκοπεύοντεσ ἐὰν μὲν ὑπ’ ὀρνίθων κατασπωμένουσ ἀπὸ τῆσ κλίνησ ἴδωσιν, εὐδαιμονίζουσιν, ἐὰν δὲ ὑπὸ θηρίων ἢ κυνῶν, ἧττον, ἐὰν δ’ ὑπὸ μηδενόσ, κακοδαιμονίζουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 11, chapter 11

(스트라본, 지리학, Book 11, chapter 11)

상위

목록

SEARCH

MENU NAVIGATION