헬라어 문장 검색 - ΣτραβόΓεογραπ́11́09́

(스트라본, 지리학, Book 11, chapter 9)

ἡ δὲ Παρθυαία πολλὴ μὲν οὐκ ἔστι· ἱστοροῦσι δὲ περὶ τῶν Ταπύρων ὅτι αὐτοῖσ εἰή νόμιμον τὰσ γυναῖκασ ἐκδιδόναι τὰσ γαμετὰσ ἑτέροισ ἀνδράσιν, ἐπειδὰν ἐξ αὐτῶν ἀνέλωνται δύο ἢ τρία τέκνα, καθάπερ καὶ Κάτων Ὁρτησίῳ δεηθέντι ἐξέδωκε τὴν Μαρκίαν ἐφ’ ἡμῶν κατὰ παλαιὸν Ῥωμαίων ἔθοσ. συνετέλει γοῦν μετὰ τῶν Ὑρκανῶν κατὰ τὰ Περσικὰ καὶ μετὰ ταῦτα τῶν Μακεδόνων κρατούντων ἐπὶ χρόνον πολύν. πρὸσ δὲ τῇ σμικρότητι δασεῖα καὶ ὀρεινή ἐστι καὶ ἄποροσ, ὥστε διὰ τοῦτο δρόμῳ διεξιᾶσι τὸν ἑαυτῶν οἱ βασιλεῖσ ὄχλον, οὐ δυναμένησ τρέφειν τῆσ χώρασ οὐδ’ ἐπὶ μικρόν· ἀλλὰ νῦν ηὔξηται. μέρη δ’ ἐστὶ τῆσ Παρθυηνῆσ ἥ τε Κωμισηνὴ καὶ ἡ Χωρήνη, σχεδὸν δέ τι καὶ τὰ μέχρι πυλῶν Κασπίων καὶ Ῥαγῶν καὶ Ταπύρων ὄντα τῆσ Μηδίασ πρότερον. ἔστι δ’ Ἀπάμεια καὶ Ἡράκλεια, πόλεισ περὶ τὰσ Ῥάγασ. εἰσὶ δ’ ἀπὸ Κασπίων πυλῶν εἰσ μὲν Ῥάγασ στάδιοι πεντακόσιοι, ὥσ φησιν Ἀπολλόδωροσ, εἰσ δ’ Ἑκατόμπυλον τὸ τῶν Παρθυαίων βασίλειον χίλιοι διακόσιοι ἑξήκοντα· τοὔνομα δὲ ταῖσ Ῥάγαισ ἀπὸ τῶν γενομένων σεισμῶν γενέσθαι φασίν, ὑφ’ ὧν πόλεισ τε συχναὶ καὶ κῶμαι δισχίλιαι, ὡσ Ποσειδώνιόσ φησι, ἀνετράπησαν. τοὺσ δὲ Ταπύρουσ οἰκεῖν φασι μεταξὺ Δερβίκων τε καὶ Ὑρκανῶν. νεωτερισθέντων δὲ τῶν ἔξω τοῦ Ταύρου διὰ τὸ πρὸσ ἄλλοισ εἶναι τοὺσ τῆσ Συρίασ καὶ τῆσ Μηδίασ βασιλέασ τοὺσ ἔχοντασ καὶ ταῦτα, πρῶτον μὲν τὴν Βακτριανὴν ἀπέστησαν οἱ πεπιστευμένοι καὶ τὴν ἐγγὺσ αὐτῆσ πᾶσαν, οἱ περὶ Εὐθύδημον.

ἔπειτ’ Ἀρσάκησ ἀνὴρ Σκύθησ τῶν Δαῶν τινασ ἔχων τοὺσ Πάρνουσ καλουμένουσ νομάδασ παροικοῦντασ τὸν Ὦχον, ἐπῆλθεν ἐπὶ τὴν Παρθυαίαν καὶ ἐκράτησεν αὐτῆσ. κατ’ ἀρχὰσ μὲν οὖν ἀσθενὴσ ἦν διαπολεμῶν πρὸσ τοὺσ ἀφαιρεθέντασ τὴν χώραν καὶ αὐτὸσ καὶ οἱ διαδεξάμενοι ἐκεῖνον, ἔπειθ’ οὕτωσ ἴσχυσαν ἀφαιρούμενοι τὴν πλησίον ἀεὶ διὰ τὰσ ἐν τοῖσ πολέμοισ κατορθώσεισ ὥστε τελευτῶντεσ ἁπάσησ τῆσ ἐντὸσ Εὐφράτου κύριοι κατέστησαν. ἀφείλοντο δὲ καὶ τῆσ Βακτριανῆσ μέροσ βιασάμενοι τοὺσ Σκύθασ καὶ ἔτι πρότερον τοὺσ περὶ Εὐκρατίδαν, καὶ νῦν ἐπάρχουσι τοσαύτησ γῆσ καὶ τοσούτων ἐθνῶν ὥστε ἀντίπαλοι τοῖσ Ῥωμαίοισ τρόπον τινὰ γεγόνασι κατὰ μέγεθοσ τῆσ ἀρχῆσ. αἴτιοσ δ’ ὁ βίοσ αὐτῶν καὶ τὰ ἔθη τὰ ἔχοντα πολὺ μὲν τὸ βάρβαρον καὶ τὸ Σκυθικόν, πλέον μέντοι τὸ χρήσιμον πρὸσ ἡγεμονίαν καὶ τὴν ἐν τοῖσ πολέμοισ κατόρθωσιν. φασὶ δὲ τοὺσ Πάρνουσ Δάασ μετανάστασ εἶναι ἐκ τῶν ὑπὲρ τῆσ Μαιώτιδοσ Δαῶν, οὓσ Ξανδίουσ ἢ Παρίουσ καλοῦσιν·

οὐ πάνυ δ’ ὡμολόγηται Δάασ εἶναί τινασ τῶν ὑπὲρ τῆσ Μαιώτιδοσ Σκυθῶν· ἀπὸ τούτων δ’ οὖν ἕλκειν φασὶ τὸ γένοσ τὸν Ἀρσάκην, οἱ δὲ Βακτριανὸν λέγουσιν αὐτόν, φεύγοντα δὲ τὴν αὔξησιν τῶν περὶ Διόδοτον ἀποστῆσαι τὴν Παρθυαίαν. εἰρηκότεσ δὲ πολλὰ περὶ τῶν Παρθικῶν νομίμων ἐν τῇ ἕκτῃ τῶν ἱστορικῶν ὑπομνημάτων βίβλῳ, δευτέρᾳ δὲ τῶν μετὰ Πολύβιον, παραλείψομεν ἐνταῦθα μὴ ταυτολογεῖν δόξωμεν, τοσοῦτον εἰπόντεσ μόνον ὅτι τῶν Παρθυαίων συνέδριόν φησιν εἶναι Ποσειδώνιοσ διττόν, τὸ μὲν συγγενῶν τὸ δὲ σοφῶν καὶ μάγων, ἐξ ὧν ἀμφοῖν τοὺσ βασιλεῖσ καθίστασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 11, chapter 9

(스트라본, 지리학, Book 11, chapter 9)

상위

목록

SEARCH

MENU NAVIGATION