헬라어 문장 검색 - ΣτραβόΓεογραπ́11́03́

(스트라본, 지리학, Book 11, chapter 3)

καὶ δὴ ἥ γε Ἰβηρία κατοικεῖται καλῶσ τὸ πλέον πόλεσί τε καὶ ἐποικίοισ, ὥστε καὶ κεραμωτὰσ εἶναι στέγασ καὶ ἀρχιτεκτονικὴν τὴν τῶν οἰκήσεων κατασκευὴν καὶ ἀγορὰσ καὶ τἆλλα κοινά. τῆσ δὲ χώρασ τὰ μὲν κύκλῳ τοῖσ Καυκασίοισ ὄρεσι περιέχεται·

προπεπτώκασι γάρ, ὡσ εἶπον, ἀγκῶνεσ ἐπὶ τὴν μεσημβρίαν εὔκαρποι, περιλαμβάνοντεσ τὴν σύμπασαν Ἰβηρίαν καὶ συνάπτοντεσ πρόσ τε τὴν Ἀρμενίαν καὶ τὴν Κολχίδα· ἐν μέσῳ δ’ ἐστὶ πεδίον ποταμοῖσ διάρρυτον, μεγίστῳ δὲ τῷ Κύρῳ, ὃσ τὴν ἀρχὴν ἔχων ἀπὸ τῆσ Ἀρμενίασ, εἰσβαλὼν εὐθὺσ εἰσ τὸ πεδίον τὸ λεχθέν, παραλαβὼν καὶ τὸν Ἄραγον ἐκ τοῦ Καυκάσου ῥέοντα καὶ ἄλλα ὕδατα διὰ στενῆσ ποταμίασ εἰσ τὴν Ἀλβανίαν ἐκπίπτει· μεταξὺ δὲ ταύτησ τε καὶ τῆσ Ἀρμενίασ ἐνεχθεὶσ πολὺσ διὰ πεδίων εὐβοτουμένων σφόδρα, δεξάμενοσ καὶ ἄλλουσ πλείουσ ποταμούσ, ὧν ἐστιν ὅ τε Ἀλαζόνιοσ καὶ ὁ Σανδοβάνησ καὶ ὁ Ῥοιτάκησ καὶ Χάνησ πλωτοὶ πάντεσ εἰσ τὴν Κασπίαν ἐμβάλλει θάλατταν. ἐκαλεῖτο δὲ πρότερον Κόροσ. τὸ μὲν οὖν πεδίον τῶν Ἰβήρων οἱ γεωργικώτεροι καὶ πρὸσ εἰρήνην νενευκότεσ οἰκοῦσιν ἀρμενιστί τε καὶ μηδιστὶ ἐσκευασμένοι, τὴν δ’ ὀρεινὴν οἱ πλείουσ καὶ μάχιμοι κατέχουσι Σκυθῶν δίκην ζῶντεσ καὶ Σαρματῶν, ὧνπερ καὶ ὅμοροι καὶ συγγενεῖσ εἰσιν·

ἅπτονται δ’ ὅμωσ καὶ γεωργίασ, πολλάσ τε μυριάδασ συνάγουσιν καὶ ἐξ ἑαυτῶν καὶ ἐξ ἐκείνων, ἐπειδάν τι συμπέσῃ θορυβῶδεσ. τέτταρεσ δ’ εἰσὶν εἰσ τὴν χώραν εἰσβολαί·

μία μὲν διὰ Σαραπανῶν φρουρίου Κολχικοῦ καὶ τῶν κατ’ αὐτὸ στενῶν, δι’ ὧν ὁ Φᾶσισ γεφύραισ ἑκατὸν καὶ εἴκοσι περατὸσ γινόμενοσ διὰ τὴν σκολιότητα καταρρεῖ τραχὺσ καὶ βίαιοσ εἰσ τὴν Κολχίδα, πολλοῖσ χειμάρροισ κατὰ τὰσ ἐπομβρίασ ἐκχαραδρουμένων τῶν τόπων. γεννᾶται δ’ ἐκ τῶν ὑπερκειμένων ὀρῶν πολλαῖσ συμπληρούμενοσ πηγαῖσ, ἐν δὲ τοῖσ πεδίοισ καὶ ἄλλουσ προσλαμβάνει ποταμούσ, ὧν ἐστιν ὅ τε Γλαῦκοσ καὶ ὁ Ἵπποσ· πληρωθεὶσ δὲ καὶ γενόμενοσ πλωτὸσ ἐξίησιν εἰσ τὸν Πόντον καὶ ἔχει πόλιν ὁμώνυμον ἐφ’ αὑτῷ καὶ λίμνην πλησίον. ἡ μὲν οὖν ἐκ τῆσ Κολχίδοσ εἰσ τὴν Ἰβηρίαν ἐμβολὴ τοιαύτη, πέτραισ καὶ ἐρύμασι καὶ ποταμοῖσ χαραδρώδεσι διακεκλεισμένη. ἐκ δὲ τῶν πρὸσ ἄρκτον νομάδων ἐπὶ τρεῖσ ἡμέρασ ἀνάβασισ χαλεπή, καὶ μετὰ ταύτην ποταμία στενὴ ἐπὶ τοῦ Ἀράγου ποταμοῦ τεττάρων ἡμερῶν ὁδὸν ἔχουσα ἐφ’ ἕνα, φρουρεῖ δὲ τὸ πέρασ τῆσ ὁδοῦ τεῖχοσ δύσμαχον·

ἀπὸ δὲ τῆσ Ἀλβανίασ διὰ πέτρασ πρῶτον λατομητὴ εἴσοδοσ, εἶτα διὰ τέλματοσ ὃ ποιεῖ ὁ ποταμὸσ Ἀλαζόνιοσ ἐκ τοῦ Καυκάσου καταπίπτων. ἀπὸ δὲ τῆσ Ἀρμενίασ τὰ ἐπὶ τῷ Κύρῳ στενὰ καὶ τὰ ἐπὶ τῷ Ἀράγῳ· πρὶν γὰρ εἰσ ἀλλήλουσ συμπεσεῖν, ἔχουσιν ἐπικειμένασ πόλεισ ἐρυμνὰσ ἐπὶ πέτραισ διεχούσαισ ἀλλήλων ὅσον ἑκκαίδεκα σταδίουσ, ἐπὶ μὲν τῷ Κύρῳ τὴν Ἁρμοζικὴν ἐπὶ δὲ θατέρῳ Σευσάμορα. ταύταισ δὲ ἐχρήσατο ταῖσ εἰσβολαῖσ πρότερον Πομπήιοσ ἐκ τῶν Ἀρμενίων ὁρμηθείσ, καὶ μετὰ ταῦτα Κανίδιοσ. τέτταρα δὲ καὶ γένη τῶν ἀνθρώπων οἰκεῖ τὴν χώραν·

ἓν μὲν καὶ πρῶτον ἐξ οὗ τοὺσ βασιλέασ καθιστᾶσι κατ’ ἀγχιστείαν τε καὶ ἡλικίαν τὸν πρεσβύτατον, ὁ δὲ δεύτεροσ δικαιοδοτεῖ καὶ στρατηλατεῖ. δεύτερον δὲ τὸ τῶν ἱερέων οἳ ἐπιμελοῦνται καὶ τῶν πρὸσ τοὺσ ὁμόρουσ δικαίων. τρίτον δὲ τὸ τῶν στρατευομένων καὶ γεωργούντων. τέταρτον δὲ τὸ τῶν λαῶν, οἳ βασιλικοὶ δοῦλοί εἰσι καὶ πάντα διακονοῦνται τὰ πρὸσ τὸν βίον. κοιναὶ δ’ εἰσὶν αὐτοῖσ αἱ κτήσεισ κατὰ συγγένειαν, ἄρχει δὲ καὶ ταμιεύει ἑκάστην ὁ πρεσβύτατοσ. τοιοῦτοι μὲν οἱ Ἴβηρεσ καὶ ἡ χώρα αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 11, chapter 3

(스트라본, 지리학, Book 11, chapter 3)

상위

목록

SEARCH

MENU NAVIGATION