헬라어 문장 검색 - ΣτραβόΓεογραπ́11́06́

(스트라본, 지리학, Book 11, chapter 6)

ἡ δὲ δευτέρα μερὶσ ἄρχεται μὲν ἀπὸ τῆσ Κασπίασ θαλάττησ, εἰσ ἣν κατέπαυεν ἡ προτέρα· καλεῖται δ’ ἡ αὐτὴ θάλαττα καὶ Ὑρκανία. δεῖ δὲ περὶ τῆσ θαλάττησ εἰπεῖν πρότερον ταύτησ καὶ τῶν προσοίκων ἐθνῶν. ἔστι δ’ ὁ κόλποσ ἀνέχων ἐκ τοῦ ὠκεανοῦ πρὸσ μεσημβρίαν κατ’ ἀρχὰσ μὲν ἱκανῶσ στενόσ, ἐνδοτέρω δὲ πλατύνεται προϊών, καὶ μάλιστα κατὰ τὸν μυχὸν ἐπὶ σταδίουσ που καὶ πεντακισχιλίουσ· ὁ δ’ εἴσπλουσ μέχρι τοῦ μυχοῦ μικρῷ πλειόνων ἂν εἰή συνάπτων πωσ ἤδη τῇ ἀοικήτῳ. φησὶ δ’ Ἐρατοσθένησ τὸν ὑπὸ τῶν Ἑλλήνων γνωριζόμενον περίπλουν τῆσ θαλάττησ ταύτησ τὸν μὲν παρὰ τοὺσ Ἀλβανοὺσ καὶ τοὺσ Καδουσίουσ εἶναι πεντακισχιλίων καὶ τετρακοσίων, τὸν δὲ παρὰ τὴν Ἀναριακῶν καὶ Μάρδων καὶ Ὑρκανῶν μέχρι τοῦ στόματοσ τοῦ Ὤξου ποταμοῦ τετρακισχιλίων καὶ ὀκτακοσίων· ἔνθεν δ’ ἐπὶ τοῦ Ιἀξάρτου δισχιλίων τετρακοσίων. δεῖ δὲ περὶ τῶν ἐν τῇ μερίδι ταύτῃ καὶ τοῖσ ἐπὶ τοσοῦτον ἐκτετοπισμένοισ ἁπλούστερον ἀκούειν, καὶ μάλιστα περὶ τῶν διαστημάτων. εἰσπλέοντι δ’ ἐν δεξιᾷ μὲν τοῖσ Εὐρωπαίοισ οἱ συνεχεῖσ Σκύθαι νέμονται καὶ Σαρμάται οἱ μεταξὺ τοῦ Τανάιδοσ καὶ τῆσ θαλάττησ ταύτησ, νομάδεσ οἱ πλείουσ, περὶ ὧν εἰρήκαμεν·

ἐν ἀριστερᾷ δ’ οἱ πρὸσ ἑώ Σκύθαι, νομάδεσ καὶ οὗτοι, μέχρι τῆσ ἑῴασ θαλάττησ καὶ τῆσ Ἰνδικῆσ παρατείνοντεσ. ἅπαντασ μὲν δὴ τοὺσ προσβόρρουσ κοινῶσ οἱ παλαιοὶ τῶν Ἑλλήνων συγγραφεῖσ Σκύθασ καὶ Κελτοσκύθασ ἐκάλουν· οἱ δ’ ἔτι πρότερον διελόντεσ τοὺσ μὲν ὑπὲρ τοῦ Εὐξείνου καὶ Ἴστρου καὶ τοῦ Ἀδρίου κατοικοῦντασ Ὑπερβορέουσ ἔλεγον καὶ Σαυρομάτασ καὶ Ἀριμασπούσ, τοὺσ δὲ πέραν τῆσ Κασπίασ θαλάττησ τοὺσ μὲν Σάκασ τοὺσ δὲ Μασσαγέτασ ἐκάλουν, οὐκ ἔχοντεσ ἀκριβὲσ λέγειν περὶ αὐτῶν οὐδέν, καίπερ πρὸσ Μασσαγέτασ τοῦ Κύρου πόλεμον ἱστοροῦντεσ. ἀλλ’ οὔτε περὶ τούτων οὐδὲν ἠκρίβωτο πρὸσ ἀλήθειαν, οὔτε τὰ παλαιὰ τῶν Περσικῶν οὔτε τῶν Μηδικῶν ἢ Συριακῶν ἐσ πίστιν ἀφικνεῖτο μεγάλην διὰ τὴν τῶν συγγραφέων ἁπλότητα καὶ τὴν φιλομυθίαν. ὁρῶντεσ γὰρ τοὺσ φανερῶσ μυθογράφουσ εὐδοκιμοῦντασ ᾠήθησαν καὶ αὐτοὶ παρέξεσθαι τὴν γραφὴν ἡδεῖαν, ἐὰν ἐν ἱστορίασ σχήματι λέγωσιν ἃ μηδέποτε μήτε εἶδον μήτε ἤκουσαν ἢ οὐ παρά γε ἰδόντων, σκοποῦντεσ δὲ αὐτὸ μόνον τοῦτο ὅ τι ἀκρόασιν ἡδεῖαν ἔχει καὶ θαυμαστήν.

ῥᾷον δ’ ἄν τισ Ἡσιόδῳ καὶ Ὁμήρῳ πιστεύσειεν ἡρωολογοῦσι καὶ τοῖσ τραγικοῖσ ποιηταῖσ ἢ Κτησίᾳ τε καὶ Ἡροδότῳ καὶ Ἑλλανίκῳ καὶ ἄλλοισ τοιούτοισ. οὐδὲ τοῖσ περὶ Ἀλεξάνδρου δὲ συγγράψασιν ῥᾴδιον πιστεύειν τοῖσ πολλοῖσ·

καὶ γὰρ οὗτοι ῥᾳδιουργοῦσι διά τε τὴν δόξαν τὴν Ἀλεξάνδρου καὶ διὰ τὸ τὴν στρατείαν πρὸσ τὰσ ἐσχατιὰσ γεγονέναι τῆσ Ἀσίασ πόρρω ἀφ’ ἡμῶν· τὸ δὲ πόρρω δυσέλεγκτον. ἡ δὲ τῶν Ῥωμαίων ἐπικράτεια καὶ ἡ τῶν Παρθυαίων πλεῖόν τι προσεκκαλύπτει τῶν παραδεδομένων πρότερον· οἱ γὰρ περὶ ἐκείνων συγγράφοντεσ καὶ τὰ χωρία καὶ τὰ ἔθνη, ἐν οἷσ αἱ πράξεισ, πιστότερον λέγουσιν ἢ οἱ πρὸ αὐτῶν· μᾶλλον γὰρ κατωπτεύκασι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 11, chapter 6

(스트라본, 지리학, Book 11, chapter 6)

상위

목록

SEARCH

MENU NAVIGATION