헬라어 문장 검색 - ΣτραβόΓεογραπ́11́12́

(스트라본, 지리학, Book 11, chapter 12)

ἐπεὶ δὲ τὰ βόρεια μέρη τῆσ Ἀσίασ ποιεῖ ὁ Ταῦροσ, ἃ δὴ καὶ ἐντὸσ τοῦ Ταύρου καλοῦσιν, εἰπεῖν προειλόμεθα πρῶτον περὶ τούτων· τούτων δ’ ἐστὶ καὶ τὰ ἐν τοῖσ ὄρεσιν αὐτοῖσ ἢ ὅλα ἢ τὰ πλεῖστα. ὅσα μὲν οὖν τῶν Κασπίων πυλῶν ἑωθινώτερά ἐστιν, ἁπλουστέραν ἔχει τὴν περιήγησιν διὰ τὴν ἀγριότητα, οὐ πολύ τε ἂν διαφέροι τοῦδε ἢ τοῦδε τοῦ κλίματοσ συγκαταλεχθέντα· τὰ δ’ ἑσπέρια πάντα δίδωσιν εὐπορίαν τοῦ λέγειν περὶ αὐτῶν, ὥστε δεῖ προάγειν ἐπὶ τὰ παρακείμενα ταῖσ Κασπίαισ πύλαισ. παράκειται δὲ ἡ Μηδία πρὸσ δύσιν, χώρα καὶ πολλὴ καὶ δυναστεύσασά ποτε καὶ ἐν μέσῳ τῷ Ταύρῳ κειμένη, πολυσχιδεῖ κατὰ ταῦτα ὑπάρχοντι τὰ μέρη καὶ αὐλῶνασ ἐμπεριλαμβάνοντι μεγάλουσ, καθάπερ καὶ τῇ Ἀρμενίᾳ τοῦτο συμβέβηκε. τὸ γὰρ ὄροσ τοῦτο ἄρχεται μὲν ἀπὸ τῆσ Καρίασ καὶ Λυκίασ, ἀλλ’ ἐνταῦθα μὲν οὔτε πλάτοσ οὔτε ὕψοσ ἀξιόλογον δείκνυσιν·

ἐξαίρεται δὲ πολὺ πρῶτον κατὰ τὰσ Χελιδονίασ αὗται δ’ εἰσὶ νῆσοι κατὰ τὴν ἀρχὴν τῆσ Παμφύλων παραλίασ, ἐπὶ δὲ τὰσ ἀνατολὰσ ἐκτεινόμενον αὐλῶνασ μακροὺσ ἀπολαμβάνει τοὺσ τῶν Κιλίκων· εἶτα τῇ μὲν τὸ Ἀμανὸν ἀπ’ αὐτοῦ σχίζεται τῇ δὲ ὁ Ἀντίταυροσ, ἐν ᾧ τὰ Κόμανα ἵδρυται τὰ ἐν τοῖσ ἄνω λεγομένοισ Καππάδοξιν. οὗτοσ μὲν οὖν ἐν τῇ Καταονίᾳ τελευτᾷ, τὸ δὲ Ἀμανὸν ὄροσ μέχρι τοῦ Εὐφράτου καὶ τῆσ Μελιτηνῆσ πρόεισι, καθ’ ἣν ἡ Κομμαγηνὴ τῇ Καππαδοκίᾳ παράκειται· ἐκδέχεται δὲ τὰ πέραν τοῦ Εὐφράτου ὄρη, συνεχῆ μὲν τοῖσ προειρημένοισ πλὴν ὅσον διακόπτει ῥέων διὰ μέσων ὁ ποταμόσ, πολλὴν δ’ ἐπίδοσιν λαμβάνει εἰσ τὸ ὕψοσ καὶ τὸ πλάτοσ καὶ τὸ πολυσχιδέσ. τὸ δ’ οὖν νοτιώτατον μάλιστά ἐστιν ὁ Ταῦροσ ὁρίζων τὴν Ἀρμενίαν ἀπὸ τῆσ Μεσοποταμίασ. ἐντεῦθεν δὲ ἀμφότεροι ῥέουσιν οἱ τὴν Μεσοποταμίαν ἐγκυκλούμενοι ποταμοὶ καὶ συνάπτοντεσ ἀλλήλοισ ἐγγὺσ κατὰ τὴν Βαβυλωνίαν, εἶτα ἐκδιδόντεσ εἰσ τὴν κατὰ Πέρσασ θάλατταν, ὅ τε Εὐφράτησ καὶ Τίγρισ.

ἔστι δὲ καὶ μείζων ὁ Εὐφράτησ καὶ πλείω διέξεισι χώραν σκολιῷ τῷ ῥείθρῳ, τὰσ πηγὰσ ἔχων ἐν τῷ προσβορείῳ μέρει τοῦ Ταύρου, ῥέων δ’ ἐπὶ δύσιν διὰ τῆσ Ἀρμενίασ τῆσ μεγάλησ καλουμένησ μέχρι τῆσ μικρᾶσ, ἐν δεξιᾷ ἔχων ταύτην ἐν ἀριστερᾷ δὲ τὴν Ἀκιλισηνήν· εἶτ’ ἐπιστρέφει πρὸσ νότον, συνάπτει δὲ κατὰ τὴν ἐπιστροφὴν τοῖσ Καππαδόκων ὁρίοισ· δεξιᾷ δὲ ταῦτα ἀφεὶσ καὶ τὰ τῶν Κομμαγηνῶν, ἀριστερᾷ δὲ τὴν Ἀκιλισηνὴν καὶ Σωφηνὴν τῆσ μεγάλησ Ἀρμενίασ πρόεισιν ἐπὶ τὴν Συρίαν καὶ λαμβάνει πάλιν ἄλλην ἐπιστροφὴν εἰσ τὴν Βαβυλωνίαν καὶ τὸν Περσικὸν κόλπον. ὁ δὲ Τίγρισ ἐκ τοῦ νοτίου μέρουσ τοῦ αὐτοῦ ὄρουσ ἐνεχθεὶσ ἐπὶ τὴν Σελεύκειαν συνάπτει τῷ Εὐφράτῃ πλησίον καὶ ποιεῖ τὴν Μεσοποταμίαν πρὸσ αὐτόν, εἶτ’ ἐκδίδωσι καὶ αὐτὸσ εἰσ τὸν αὐτὸν κόλπον. διέχουσι δὲ ἀλλήλων αἱ πηγαὶ τοῦ τε Εὐφράτου καὶ τοῦ Τίγριοσ περὶ δισχιλίουσ καὶ πεντακοσίουσ σταδίουσ. ἀπὸ δ’ οὖν τοῦ Ταύρου πρὸσ ἄρκτον ἀποσχίδεσ πολλαὶ γεγόνασι, μία μὲν ἡ τοῦ καλουμένου Ἀντιταύρου·

καὶ γὰρ ἐνταῦθα οὕτωσ ὠνομάζετο ὁ τὴν Σωφηνὴν ἀπολαμβάνων ἐν αὐλῶνι μεταξὺ κειμένῳ αὐτοῦ τε καὶ τοῦ Ταύρου. πέραν δὲ τοῦ Εὐφράτου κατὰ τὴν μικρὰν Ἀρμενίαν ἐφεξῆσ τῷ Ἀντιταύρῳ πρὸσ ἄρκτον ἐπεκτείνεται μέγα ὄροσ καὶ πολυσχιδέσ· καλοῦσι δὲ τὸ μὲν αὐτοῦ Παρυάδρην τὸ δὲ Μοσχικὰ ὄρη τὸ δ’ ἄλλοισ ὀνόμασι· ταῦτα δ’ ἀπολαμβάνει τὴν Ἀρμενίαν ὅλην μέχρι Ἰβήρων καὶ Ἀλβανῶν. εἶτ’ ἄλλ’ ἐπανίσταται πρὸσ ἑώ, τὰ ὑπερκείμενα τῆσ Κασπίασ θαλάττησ μέχρι Μηδίασ τῆσ τε Ἀτροπατίου καὶ τῆσ μεγάλησ· καλοῦσι δὲ καὶ ταῦτα τὰ μέρη πάντα τῶν ὀρῶν Παραχοάθραν καὶ τὰ μέχρι τῶν Κασπίων πυλῶν καὶ ἐπέκεινα ἔτι πρὸσ ταῖσ ἀνατολαῖσ τὰ συνάπτοντα τῇ Ἀρίᾳ. τὰ μὲν δὴ πρόσβορρα ὄρη οὕτω καλοῦσι, τὰ δὲ νότια τὰ πέραν τοῦ Εὐφράτου τῆσ Καππαδοκίασ καὶ τῆσ Κομμαγηνῆσ πρὸσ ἑώ τείνοντα κατ’ ἀρχὰσ μὲν αὐτὸ τοῦτο καλεῖται Ταῦροσ, διορίζων τὴν Σωφηνὴν καὶ τὴν ἄλλην Ἀρμενίαν ἀπὸ τῆσ Μεσοποταμίασ· τινὲσ δὲ Γορδυαῖα ὄρη καλοῦσιν. ἐν δὲ τούτοισ ἐστὶ καὶ τὸ Μάσιον, τὸ ὑπερκείμενον τῆσ Νισίβιοσ ὄροσ καὶ τῶν Τιγρανοκέρτων. ἔπειτα ἐξαίρεται πλέον καὶ καλεῖται Νιφάτησ· ἐνταῦθα δέ που καὶ τοῦ Τίγριοσ πηγαὶ κατὰ τὸ νότιον τῆσ ὀρεινῆσ πλευρόν· εἶτ’ ἀπὸ τοῦ Νιφάτου μᾶλλον ἔτι καὶ μᾶλλον ἡ ῥάχισ ἐκτεινομένη τὸ Ζάγριον ὄροσ ποιεῖ τὸ διορίζον τὴν Μηδίαν καὶ τὴν Βαβυλωνίαν· μετὰ δὲ τὸ Ζάγριον ἐκδέχεται ὑπὲρ μὲν τῆσ Βαβυλωνίασ ἥ τε τῶν Ἐλυμαίων ὀρεινὴ καὶ ἡ τῶν Παραιτακηνῶν, ὑπὲρ δὲ τῆσ Μηδίασ ἡ τῶν Κοσσαίων· ἐν μέσῳ δ’ ἐστὶν ἡ Μηδία καὶ ἡ Ἀρμενία, πολλὰ μὲν ὄρη περιλαμβάνουσα πολλὰ δὲ ὀροπέδια, ὡσαύτωσ δὲ πεδία καὶ αὐλῶνασ μεγάλουσ, συχνὰ δὲ καὶ ἔθνη τὰ περιοικοῦντα, μικρὰ ὀρεινὰ καὶ λῃστρικὰ τὰ πλείω. οὕτω μὲν τοίνυν τίθεμεν ἐντὸσ τοῦ Ταύρου τήν τε Μηδίαν, ἧσ εἰσι καὶ αἱ Κάσπιοι πύλαι, καὶ τὴν Ἀρμενίαν. καθ’ ἡμᾶσ μὲν τοίνυν προσάρκτια ἂν εἰή τὰ ἔθνη ταῦτα, ἐπειδὴ καὶ ἐντὸσ τοῦ Ταύρου, Ἐρατοσθένησ δὲ πεποιημένοσ τὴν διαίρεσιν εἰσ τὰ νότια μέρη καὶ τὰ προσάρκτια καὶ τὰσ ὑπ’ αὐτοῦ λεγομένασ σφραγῖδασ, τὰσ μὲν βορείουσ καλῶν τὰσ δὲ νοτίουσ, ὁρ́ια ἀποφαίνει τῶν κλιμάτων ἀμφοῖν τὰσ Κασπίουσ πύλασ·

εἰκότωσ οὖν τὰ νοτιώτερα τῶν Κασπίων πυλῶν νότια ἂν ἀποφαίνοι, ὧν ἐστι καὶ ἡ Μηδία καὶ ἡ Ἀρμενία, τὰ δὲ βορειότερα πρόσβορρα, κατ’ ἄλλην καὶ ἄλλην διάταξιν τούτου συμβαίνοντοσ. τάχα δὲ οὐκ ἐπέβαλε τούτῳ, διότι ἔξω τοῦ Ταύρου πρὸσ νότον οὐδέν ἐστιν οὔτε τῆσ Ἀρμενίασ μέροσ οὔτε τῆσ Μηδίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 11, chapter 12

(스트라본, 지리학, Book 11, chapter 12)

상위

목록

SEARCH

MENU NAVIGATION