헬라어 문장 검색 - Πλυταρ́Θυαεστι

(플루타르코스, Quaestiones Convivales, book 7, Εἰ δεῖ παρὰ πότον αὐλητρίσι χρῆσθαι. 8:)

"τοσαύτην ἐν τῷ διαλέγεσθαι χάριν ἔχοντεσ, ὅμωσ ἐχρῶντο τοῖσ ἐπεισοδίοισ καὶ διεποίκιλλον τὰ συμπόσια παιδιαῖσ τοιαύταισ· "ἡμεῖσ δὲ μεμιγμένοι πολιτικοῖσ καὶ ἀγοραίοισ ἀνδράσι, πολλοῖσ δ’, ὅταν οὕτω τύχωμεν, ἰδιώταισ καὶ ὑπαγροικοτέροισ ἐκβάλωμεν τὴν τοιαύτην χάριν καὶ διατριβὴν ἐκ τῶν συμποσίων ἢ ἀπίωμεν, ὥσπερ τὰσ Σειρῆνασ ἐπιούσασ φεύγοντεσ; ". ἀλλὰ Κλειτόμαχοσ μὲν ὁ ἀθλητὴσ ἐξανιστάμενοσ καὶ ἀπιών, εἴ τισ ἐμβάλοι λόγον ἐρωτικόν, ἐθαυμάζετο· "φιλόσοφοσ δ’ ἀνὴρ αὐλὸν ἐκ συμποσίου φεύγων καὶ ψαλτρίασ ἁρμοζομένησ ὑποδεῖσθαι βοῶν ταχὺ καὶ τὸν λυχνοῦχον ἅπτειν οὐ καταγέλαστόσ ἐστι, τὰσ ἀβλαβεστάτασ ἡδονάσ, ὥσπερ οἱ κάνθαροι τὰ μύρα, βδελυττόμενοσ; "εἰ γὰρ ἄλλοτε, μάλιστα δήπου παρὰ πότον, προσπαιστέον ἐστὶ τούτοισ καὶ δοτέον εἰσ ταῦτα τῷ θεῷ τὴν ψυχήν. ὡσ τὰ γ’ ἄλλα φίλοσ ὢν Εὐριπίδησ ἐμὲ γοῦν οὐ πέπεικε, περὶ μουσικῆσ νομοθετῶν, ὡσ ἐπὶ τὰ πένθη καὶ τὰσ βαρυφροσύνασ μετακομιστέασ οὔσησ· "ἐκεῖ μὲν γὰρ ὥσπερ ἰατρὸν ἐφιστάναι δεῖ νοσοῦσιν ἐσπουδακότα καὶ νήφοντα τὸν λόγον, τὰσ δὲ τοιαύτασ ἡδονὰσ τῷ Διονύσῳ καταμίξαντασ ἐν παιδιᾶσ μέρει τίθεσθαι. "χάριεν γάρ τοι τὸ τοῦ Λάκωνοσ, ὃσ, Ἀθήνησι καινῶν ἀγωνιζομένων τραγῳδῶν, θεώμενοσ τὰσ παρασκευὰσ τῶν χορηγῶν καὶ τὰσ σπουδὰσ τῶν διδασκάλων καὶ τὴν ἅμιλλαν οὐκ ἔφη σωφρονεῖν τὴν πόλιν μετὰ τοσαύτησ; "σπουδῆσ παίζουσαν· "τῷ γὰρ ὄντι παίζοντα δεῖ· "παίζειν καὶ μήτε δαπάνησ πολλῆσ μήτε τῶν πρὸσ ἄλλα χρησίμων καιρῶν ὠνεῖσθαι τὸ ῥᾳθυμεῖν, ἀλλ’ ἐν πότῳ καὶ ἀνέσει τῶν τοιούτων ἀπογεύεσθαι καὶ σκοπεῖν ἅμα τερπόμενον, εἴ τι χρήσιμον ἐξ αὐτῶν λαβεῖν ἔστιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 7, Εἰ δεῖ παρὰ πότον αὐλητρίσι χρῆσθαι. 8:

(플루타르코스, Quaestiones Convivales, book 7, Εἰ δεῖ παρὰ πότον αὐλητρίσι χρῆσθαι. 8:)

상위

목록

SEARCH

MENU NAVIGATION