Plutarch, Quaestiones Convivales, book 7, ὅτι βουλεύεσθαι παρὰ πότον οὐχ ἧττον ἦν Ἑλληνικὸν ἢ Περσικόν.

(플루타르코스, Quaestiones Convivales, book 7, ὅτι βουλεύεσθαι παρὰ πότον οὐχ ἧττον ἦν Ἑλληνικὸν ἢ Περσικόν.)

περὶ ὧν ἔμελλον ἐκκλησιάζειν Ἀθηναῖοι λόγοσ ἦν παρὰ τὸ δεῖπνον, ἑστιῶντοσ ἡμᾶσ Νικοστράτου· "Περσικὸν πρᾶγμα ποιοῦμεν, ὦ ἄνδρεσ, βουλευόμενοι παρ’ οἶνον· "ἢ Ἑλληνικόν;

"οἱ δὲ πάμπαν ἀρχαῖοι ὡσ οὐδὲ τοῦ Ἑρμοῦ δεόμενον τὸν Διόνυσον αὐτὸν Εὐβουλῆ καὶ τὴν νύκτα δι’ ἐκεῖνον εὐφρόνην προσεῖπον. "Ἕλλην μὲν γὰρ ἦν ὁ εἰπών γαστρὸσ ἀπὸ πλείησ βουλὴ καὶ μῆτισ ἀμείνων· "Ἕλληνεσ δὲ σὺν Ἀγαμέμνονι Τροίαν ἐπολιόρκουν, οἷσ φαγοῦσι καὶ πιοῦσιν ὁ γέρων πάμπρωτον ὑφαίνειν ἤρχετο μῆτιν; "ἐπ’ αὐτὸ τοῦτο τῆσ κλήσεωσ καὶ τῶν ἀρίστων εἰσηγητὴσ τῷ βασιλεῖ γενόμενοσ, δαίνυ δαῖτα γέρουσι, πολλῶν γάρ τοι φησίν " ἀγρομένων τῷ πείσεαι, ὅσ κεν ἀρίστην βουλὴν βουλεύσῃ. διὸ καὶ τὰ πλείστῃ χρησάμενα τῆσ Ἑλλάδοσ εὐνομίᾳ γένη καὶ μάλιστα φιλοχωρήσαντα περὶ τοὺσ ἀρχαίουσ ἐθισμοὺσ,· "ἐν οἴνῳ τὰσ ἀρχὰσ συνεῖχε. "τὰ γὰρ παρὰ Κρησὶν Ἀνδρεῖα καλούμενα, παρὰ δὲ Σπαρτιάταισ Φιδίτια, βουλευτηρίων ἀπορρήτων καὶ συνεδρίων ἀριστοκρατικῶν τάξιν εἶχεν, ὥσπερ οἶμαι καὶ τὸ ἐνθάδε Πρυτανεῖον καὶ Θεσμοθετεῖον οὐ πόρρω δὲ τούτων ὁ νυκτερινὸσ σύλλογοσ παρὰ Πλάτωνι τῶν ἀρίστων καὶ πολιτικωτάτων ἀνδρῶν ἐστιν, ἐφ’ ὃν ἀναπέμπεται τὰ μέγιστα καὶ πλείστησ ἄξια φροντίδοσ. "οἱ δὲ τῷ Ἑρμῇ πυμάτῳ σπένδοντεσ, ὅτε μνησαίατο κοίτου, ἆρ’ οὐκ εἰσ ταὐτὸ συνάγουσι τῷ οἴνῳ τὸν λόγον; "ὡσ γοῦν παρόντι καὶ συνεπισκοποῦντι τῷ φρονιμωτάτῳ θεῷ, πρῶτον ἀπαλλαττόμενοι προσεύχονται.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION