Plutarch, Quaestiones Convivales, book 7, Τίσι μάλιστα χρηστέον ἀκροάμασι παρὰ δεῖπνον.

(플루타르코스, Quaestiones Convivales, book 7, Τίσι μάλιστα χρηστέον ἀκροάμασι παρὰ δεῖπνον.)

"σκέψαιτ’ ἄν τισ, ὦ· "Διογενιανέ, πολλῶν ἀκροαμάτων ὄντων ποῖον ἂν μάλιστα γένοσ εἰσ πότον ἐναρμόσειε, καὶ παρακαλῶμεν ἐπικρῖναι τουτονὶ τὸν σοφόν· καὶ ἡμεῖσ, οὐδὲν μελλήσασ ἐκεῖνοσ ἔφη τἄλλα μὲν ἐπὶ τὴν θυμέλην καὶ τὴν ὀρχήστραν ἐξελαύνειν, εἰσάγειν δὲ τὸ νεωστὶ μὲν ἐν Ῥώμῃ παρεισηγμένον εἰσ τὰ συμπόσια, μήπω δ’ ἀναλάμπον ἐν τοῖσ πολλοῖσ.

"ὅτι τῶν Πλάτωνοσ διαλόγων διηγηματικοὶ τινὲσ εἰσιν οἱ δὲ δραματικοί·

"τούτων οὖν τῶν δραματικῶν τοὺσ ἐλαφροτάτουσ ἐκδιδάσκονται παῖδεσ, ὥστ’ ἀπὸ στόματοσ λέγειν πρόσεστι δ’ ὑπόκρισισ πρέπουσα τῷ ἤθει τῶν ὑποκειμένων προσώπων καὶ φωνῆσ πλάσμα καὶ σχῆμα καὶ διαθέσεισ ἑπόμεναι τοῖσ λεγομένοισ. "ταῦθ’ οἱ μὲν αὐστηροὶ καὶ χαρίεντεσ ἠγάπησαν ὑπερφυῶσ, οἱ δ’ ἄνανδροι καὶ διατεθρυμμένοι τὰ ὦτα δι’ ἀμουσίαν καὶ ἀπειροκαλίαν, οὕσ φησιν Ἀριστόξενοσ χολὴν ἐμεῖν, ὅταν ἐναρμονίου ἀκούσωσιν, ἐξέβαλον· "καὶ οὐ θαυμάσαιμ’ ἄν, εἰ τὸ πάμπαν ἐκβάλλουσιν· "ὦ τᾶν, καὶ παραβάλλου λοιδορῶν ἡμᾶσ·

"ἡμεῖσ γάρ ἐσμεν οἱ πρῶτοι τοῦ πράγματοσ εἰσαγομένου δυσχεράναντεσ ἐν Ῥώμῃ καὶ καθαψάμενοι τῶν ἀξιούντων Πλάτωνα διαγωγὴν ἐν οἴνῳ ποιεῖσθαι, καὶ τῶν Πλάτωνοσ διαλόγων ἐπὶ τραγήμασι καὶ μύροισ ἀκούειν διαπίνοντασ· "ὅτε, καὶ Σαπφοῦσ ἀναλεγομένησ καὶ τῶν Ἀνακρέοντοσ, ἐγὼ μοι δοκῶ καταθέσθαι τὸ ποτήριον αἰδούμενοσ. "πολλὰ δ’ εἰπεῖν ἐπιόν μοι δέδια μὴ μετὰ σπουδῆσ τινοσ οὐ παιδιᾶσ διαλέγεσθαι πρόσ σε δόξω· "ὅθεν, ὡσ ὁρᾷσ, ποτίμῳ λόγῳ ἁλμυρὰν ἀκοὴν κατακλύσαι τῷ φίλῳ Διογενιανῷ μετὰ τῆσ κύλικοσ δίδωμι. "νήφοντασ ἀκούω λόγουσ·

"ὥσθ’ ὁ οἶνοσ ἡμᾶσ ἀδικεῖν οὐκ ἐοίκεν οὐδὲ κρατεῖν. δέδια δὴ μὴ καὶ αὐτὸσ εὐθύνασ ὑπόσχω· "καίτοι τὰ πολλὰ περικοπτέα τῶν ἀκροαμάτων ἐστί· "πρώτην τραγῳδίαν, ὡσ οὐ πάνυ τι συμποτικὸν ἀλλὰ σεμνότερον βοῶσαν καὶ σκευωρουμένην πραγμάτων ὑποκρίσεισ πάθοσ ἐχόντων καὶ οἶκτον. "ἀποπέμπω δὲ τῆσ ὀρχήσεωσ τὴν Πυλάδειον, ὀγκώδη καὶ παθητικὴν καὶ πολυπρόσωπον οὖσαν· "αἰδοῖ δὲ τῶν ἐγκωμίων ἐκείνων, ἃ Σωκράτησ περὶ ὀρχήσεωσ διῆλθε, δέχομαι τὴν Βαθύλλειον αὐτόθεν πέζαν τοῦ κόρδακοσ ἁπτομένην, Ἠχοῦσ ἤ τινοσ Πανὸσ ἢ Σατύρου σὺν Ἔρωτι κωμάζοντοσ ὑπόρχημά τι διατιθεμένην. "τῶν δὲ κωμῳδιῶν ἡ μὲν ἀρχαία διὰ τὴν ἀνωμαλίαν ἀνάρμοστοσ ἀνθρώποισ πίνουσιν· "ἥ τε γὰρ ἐν ταῖσ λεγομέναισ παραβάσεσιν αὐτῶν σπουδὴ καὶ παρρησία λίαν ἄκρατόσ ἐστι καὶ σύντονοσ, ἥ τε πρὸσ τὰ σκώμματα καὶ βωμολοχίασ εὐχέρεια δεινῶσ κατάκοροσ καὶ ἀναπεπταμένη καὶ γέμουσα ῥημάτων ἀκόσμων καὶ ἀκολάστων ὀνομάτων· "ἔτι δ’ ὥσπερ ἐν τοῖσ ἡγεμονικοῖσ δείπνοισ ἑκάστῳ παρέστηκε τῶν κατακειμένων οἰνοχόοσ, οὕτω δεήσει γραμματικὸν ἑκάστῳ τὸ καθ’ ἕκαστον ἐξηγεῖσθαι, τίσ ὁ Λαισποδίασ παρ’ Εὐπόλιδι καὶ ὁ Κινησίασ παρὰ Πλάτωνι καὶ ὁ Λάμπων παρὰ Κρατίνῳ, καὶ τῶν κωμῳδουμένων ἕκαστοσ· "ὥστε γραμματοδιδασκαλεῖον ἡμῖν γενέσθαι τὸ συμπόσιον ἢ κωφὰ καὶ ἄσημα τὰ σκώμματα διαφέρεσθαι. "περὶ δὲ τῆσ νέασ κωμῳδίασ τί ἂν ἀντιλέγοι τισ; "οὕτω γὰρ ἐγκέκραται τοῖσ συμποσίοισ, ὡσ μᾶλλον ἂν οἴνου χωρὶσ ἢ Μενάνδρου διακυβερνῆσαι τὸν πότον. "ἥ τε γὰρ λέξισ ἡδεῖα καὶ πεζὴ κατέσπαρται τῶν πραγμάτων, ὡσ μήθ’ ὑπὸ νηφόντων καταφρονεῖσθαι μήτ’ οἰνωμένουσ ἀνιᾶν· "γνωμολογίαι τε χρησταὶ καὶ ἀφελεῖσ ὑπορρέουσαι καὶ τὰ σκληρότατα τῶν ἠθῶν ὥσπερ ἐν πυρὶ τῷ οἴνῳ μαλάττουσι καὶ κάμπτουσι πρὸσ τὸ ἐπιεικέστερον· "ἥ τε τῆσ σπουδῆσ πρὸσ τὴν παιδιὰν ἀνάκρασισ ἐπ’ οὐδὲν ἂν πεποιῆσθαι δόξειεν ἀλλ’ ἢ πεπωκότων καὶ διακεχυμένων ἡδονὴν ὁμοῦ καὶ ὠφέλειαν. "ἔχει δὲ καὶ τὰ ἐρωτικὰ παρ’ αὐτῷ καιρὸν πεπωκόσιν ἀνθρώποισ, καὶ ἀναπαυσομένοισ μετὰ μικρὸν ἀπιοῦσι παρὰ τὰσ ἑαυτῶν γυναῖκασ· "οὔτε παιδὸσ ἔρωσ ἄρρενόσ ἐστιν ἐν τοσούτοισ δράμασιν, αἵ τε φθοραὶ τῶν παρθένων εἰσ γάμον ἐπιεικῶσ καταστρέφουσι· "τὰ δὲ πρὸσ ἑταίρασ, ἂν μὲν ὦσιν ἰταμαὶ καὶ θρασεῖαι, διακόπτεται σωφρονισμοῖσ τισιν ἢ μετανοίαισ τῶν νέων· "ταῖσ δὲ χρησταῖσ καὶ ἀντερώσαισ ἢ πατήρ τισ ἀνευρίσκεται γνήσιοσ, ἢ χρόνοσ τισ ἐπιμετρεῖται τῷ ἔρωτι, συμπεριφορὰν αἰδοῦσ· "ἔχων φιλάνθρωπον. "ταῦτα δ’ ἀνθρώποισ ἄλλο μὲν τι πράττουσιν ἴσωσ οὐδεμιᾶσ σπουδῆσ ἄξιά ἐστίν· "ἐν δὲ τῷ πίνειν οὐ θαυμάσαιμ’ ἄν, εἰ τὸ τερπνὸν αὐτῶν καὶ γλαφυρὸν ἅμα καὶ πλάσιν τινὰ καὶ κατακόσμησιν ἐπιφέρει, συνεξομοιοῦσαν τὰ ἤθη τοῖσ ἐπιεικέσι καὶ φιλανθρώποισ. "τὴν ἐπιθυμίαν ἐμπέπληκε, τὸν ἥδιστον αὐτῷ Μένανδρον ἐπαινέσασ, καὶ τῶν ἄλλων οὐδὲν ἔτι φροντίζειν ἐοίκε.

"λείπεται δὲ πολλὰ τῶν ἀκροαμάτων ἡμῖν ἀνεξέταστα, περὶ ὧν ἂν ἡδέωσ ἀκούσαιμί σου· "τὸν δὲ τῶν ζῳδιογλύφων ἀγῶνα βραβεύσομεν αὔριον, ἂν δοκῇ τῷ ξένῳ καὶ Διογενιανῷ, νήφοντεσ. "μῖμοί τινεσ εἰσιν, ὧν τοὺσ μὲν ὑποθέσεισ τοὺσ δὲ παίγνια καλοῦσιν·

"ἁρμόζειν δ’ οὐδέτερον οἶμαι συμποσίῳ γένοσ, τὰσ μὲν ὑποθέσεισ διὰ τὰ μήκη τῶν δραμάτων καὶ τὸ δυσχορήγητον τὰ δὲ παίγνια, πολλῆσ γέμοντα βωμολοχίασ καὶ σπερμολογίασ, οὐδὲ τοῖσ τὰ ὑποδήματα κομίζουσι παιδαρίοισ, ἄν γε δὴ δεσποτῶν σωφρονούντων, θεάσασθαι προσήκει. "οἱ δὲ πολλοί, καὶ γυναικῶν συγκατακειμένων καὶ παίδων ἀνήβων, ἐπιδείκνυνται μιμήματα πραγμάτων καὶ λόγων, ἃ πάσησ μέθησ ταραχωδέστερον τὰσ ψυχὰσ; "διατίθησιν. "ἀλλ’ ἥ γε κιθάρα πάλαι που καὶ καθ’ Ὅμηρον ἔτι τοῖσ χρόνοισ γνωρίμη τῆσ δαιτόσ ἐστι, καὶ μακρὰν οὕτω φιλίαν καὶ συνήθειαν οὐ πρέπει διαλύειν, ἀλλὰ δεῖσθαι τῶν κιθαρῳδῶν μόνον, ὅπωσ τὸν πολὺν θρῆνον καὶ γόον ἐξαιρῶσι τῶν ᾠδῶν, εὔφημα καὶ πρέποντα θαλιάζουσιν ἀνθρώποισ ᾄδοντεσ. "τὸν δ’ αὐλὸν οὐδὲ βουλομένοισ ἀπώσασθαι τῆσ τραπέζησ ἔστιν· "αἱ γὰρ σπονδαὶ ποθοῦσιν αὐτὸν ἅμα τῷ στεφάνῳ καὶ συνεπιφθέγγεται τῷ παιᾶνι τὸ θεῖον, εἶτ’ ἀπελίγανε καὶ διεξῆλθε τῶν ὤτων καταχεόμενοσ φωνὴν ἡδεῖαν ἄχρι τῆσ ψυχῆσ ποιοῦσαν γαλήνην· "ὥστ’, εἴ τι τῶν ἀσηρῶν καὶ πεφροντισμένων ὁ ἄκρατοσ οὐκ ἐξέσεισεν οὐδὲ διέλυσε, τοῦτο τῇ χάριτι καὶ πραότητι τοῦ μέλουσ ὑποκατακλινόμενον ἡσυχάζειν, ἄν γε δὴ καὶ αὐτὸσ τὸ μέτριον αὑ διαφυλάττῃ μὴ παθαινόμενοσ μηδ’ ἀνασοβῶν καὶ παρεξιστὰσ βόμβυξι καὶ πολυχορδίαισ τὴν διάνοιαν ὑγρὰν ὑπὸ τῆσ μέθησ καὶ ἀκροσφαλῆ γεγενημένην. "ὡσ · "γὰρ τὰ θρέμματα λόγου μὲν οὐ συνίησι διάνοιαν ἔχοντοσ, σιγμοῖσ δὲ καὶ ποππυσμοῖσ ἀμελέσιν ἢ σύριγξι καὶ στρόμβοισ ἐγείρουσι καὶ κατευνάζουσι πάλιν οἱ νέμοντεσ, οὕτωσ, ὅσον ἔνεστι τῇ ψυχῇ φορβαδικὸν καὶ ἀγελαῖον καὶ ἀξύνετον λόγου καὶ ἀνήκοον, μέλεσι καὶ ῥυθμοῖσ; "ἐπιψάλλοντεσ καὶ καταυλοῦντεσ εὖ τίθενται καὶ καταπραΰνουσιν. "οὐ μὴν ἀλλ’ εἰ δεῖ τὸ γ’ ἐμοὶ φαινόμενον εἰπεῖν, οὔτ’ ἂν αὐλοῦ ποτε καθ’ αὑτὸν οὔτε λύρασ μέλει χωρὶσ λόγου καὶ ᾠδῆσ ἐπιτρέψαιμι τὸ συμπόσιον, ὥσπερ ῥεύματι φέρειν ὑπολαμβάνοντι· "δεῖ γὰρ οὕτωσ ἐθίζειν καὶ σπουδάζοντασ καὶ παίζοντασ, ὥστε καὶ τὰσ ἡδονὰσ ἐκ λόγου λαμβάνειν καὶ τὰσ διατριβὰσ ἐν λόγῳ ποιεῖσθαι· "τὸ δὲ μέλοσ καὶ τὸν ῥυθμὸν ὥσπερ ὄψον ἐπὶ τῷ λόγῳ καὶ μὴ καθ’ αὑτὰ προσφέρεσθαι μηδὲ λιχνεύειν. "ὡσ γὰρ ἡδονὴν ἐν οἴνῳ καὶ ὄψῳ τῇ χρείᾳ τῆσ τροφῆσ συνεισιοῦσαν οὐδεὶσ ἀπωθεῖται, τὴν δ’ ἐπὶ τοῖσ μύροισ οὐκ ἀναγκαίαν καὶ περίεργον οὖσαν ὁ Σωκράτησ ἐπὶ κόρρησ ῥαπίζων ἐξέβαλλεν· "οὕτω ψαλτηρίου φωνῆσ καὶ αὐλοῦ, καθ’ ἑαυτὴν τὰ ὦτα κοπτούσησ, μὴ ὑπακούωμεν· "ἂν δ’ ἕπηται μετὰ λόγου καὶ ᾠδῆσ ἑστιῶσα καὶ τέρπουσα τὸν ἐν ἡμῖν λόγον, εἰσάγωμεν, οἰόμενοι καὶ τὸν Μαρσύαν ἐκεῖνον ὑπὸ τοῦ θεοῦ κολασθῆναι, ὅτι φορβειᾷ καὶ αὐλοῖσ ἐπιστομίσασ ἑαυτὸν ἐτόλμησε ψιλῷ μέλει διαγωνίζεσθαι πρὸσ ᾠδὴν καὶ κιθάραν. "σκοπῶμεν, ὅπωσ συμπόταισ διὰ λόγου καὶ φιλοσοφίασ ἀλλήλουσ εὐφραίνειν δυναμένοισ μηδὲν ἐπάξομεν τοιοῦτον θύραθεν, ὃ κώλυμα διαγωγῆσ μᾶλλον ἢ διαγωγή τισ ἔσται.

"οὐ γὰρ μόνον ὅσοι τὴν σωτηρίαν οἴκοι καὶ παρ’ αὑτῶν ἔχοντεσ ἄλλην θέλουσιν εἰσαγώγιμον λαβεῖν, ὡσ Εὐριπίδησ εἶπεν, ἀβέλτεροὶ εἰσιν, ἀλλὰ καὶ ὅσοι, πολλῆσ ἐν αὐτοῖσ εὐφροσύνησ καὶ θυμηδίασ παρούσησ, ἔξωθεν ἐπάγειν τὰ τέρποντα φιλοτιμοῦνται. "καὶ γὰρ ἡ τοῦ μεγάλου βασιλέωσ μεγαλοφροσύνη πρὸσ Ἀνταλκίδαν τὸν Λάκωνα δεινῶσ ἀπειρόκαλοσ ἐφάνη καὶ ἀγροῖκοσ, ὁπηνίκα ῥόδων καὶ κρόκου μεμιγμένων στέφανον εἰσ μύρον βάψασ ἔπεμψεν αὐτῷ, τὸ σύμφυτον καὶ ἴδιον καλὸν ἀποσβέσασ καὶ καθυβρίσασ τοῖσ ἄνθεσιν. "ὅμοιον οὖν ἐστι τό, συμποσίου χάριν ἔχοντοσ ἐν ἑαυτῷ καὶ μοῦσαν ἰδίαν, καταυλεῖν καὶ καταψάλλειν ἔξωθεν, ἀφαιρούμενον τῷ ἀλλοτρίῳ τὸ οἰκεῖον. "μάλιστα γοῦν ἀκροαμάτων ἂν εἰή καιρὸσ ἐν συμποσίῳ κυμαίνοντι καὶ κορυσσομένῳ πρὸσ ἔριν ἢ φιλονεικίαν ὥστε λοιδορίαν τινὰ κατασβέσαι καὶ ζητήσεωσ εἰσ ἅμιλλαν ἀτερπῆ καὶ ἀγῶνα σοφιστικὸν ἐκφερομένησ ἐπιλαμβάνεσθαι, καὶ ἀγῶνασ ἐκκλησιαστικοὺσ καὶ ἀγοραίουσ ἐπισχεῖν, ἄχρι ἂν αὖθισ ἐξ ἀρχῆσ ἀθόρυβον καὶ ἀνήνεμον γένηται τὸ συμπόσιον.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION