헬라어 문장 검색 - Πλυταρ́Θυαεστι

(플루타르코스, Quaestiones Convivales, book 7, Τίσ ὁ παρὰ τῷ Πλάτωνι κερασβόλοσ, καὶ διὰ τί τῶν σπερμάτων ἀτεράμονα γίγνεται τὰ προσπίπτοντα τοῖσ κέρασι τῶν βοῶν. 11:)

"φάρμακον, ᾧ πρὸσ τὸν λόγον ἐφ’ ἡμᾶσ προσάξεισ τουτονί, ἐὰν καὶ σὺ διαλύσῃσ ἔνια τῶν ἐκκειμένων. "δοκεῖ δή μοι ἡ ψυχρότησ· "τὸ ἀτέραμον ἐμποιεῖν τοῖσ τε πυροῖσ καὶ τοῖσ χέδροψι, πιέζουσα καὶ πηγνύουσα τὴν ἕξιν ἄχρι σκληρότητοσ· "ἡ δὲ θερμότησ εὐδιάλυτον καὶ μαλακόν; "ὅθεν οὐκ ὀρθῶσ οἱ λέγοντεσ ἔτοσ φέρει οὔτισ ἄρουρα τὰ καθ’ Ὁμήρου λέγουσι· "τὰ γὰρ ἔνθερμα φύσει χωρία, κρᾶσιν εὐμενῆ τοῦ ἀέροσ ἐνδιδόντοσ, ἐκφέρει μαλακωτέρουσ τοὺσ· "καρπούσ. ὅσα τοίνυν ἐκ τῆσ χειρὸσ εὐθὺσ εἰσ τὴν γῆν ἀφιέμενα ἐμπίπτει τῶν σπερμάτων, ἐνδυόμενα καὶ λοχευόμενα τῇ κρύψει μᾶλλον ἀπολαύει τῆσ ἐν τῇ γῇ θερμότητοσ καὶ ὑγρότητοσ· "τὰ δὲ προσκρούοντα τοῖσ κέρασι τῶν βοῶν οὐ τυγχάνει τῆσ ἀρίστησ καθ’ Ἡσίοδον εὐθημοσύνησ, ἀλλὰ σφαλλόμενα καὶ παρολισθαίνοντα ῥιπτομένοισ μᾶλλον ἢ σπειρομένοισ προσέοικεν ὅθεν ἢ φθείρουσιν αὐτὰ παντάπασιν αἱ ψυχρότητεσ, ἢ δύστηκτα καὶ ἄχυμα καὶ ξυλώδη τοῖσ χιτῶσι γυμνοῖσ ἐπισκήπτουσαι ποιοῦσιν. "ὁρᾷσ γὰρ ὅτι καὶ τῶν λίθων τὰ ἔγγαια καὶ ζῳόφυτα μέρη μαλακώτερα τῶν ἐπιπολῆσ ἡ ἀλέα φυλάττει· "διὸ καὶ κατορύττουσιν οἱ τεχνῖται τοὺσ ἐργασίμουσ λίθουσ, ὥσπερ ἐκπεπαινομένουσ ὑπὸ τῆσ θερμότητοσ· "οἱ δ’ ὕπαιθροι καὶ γυμνοὶ διὰ ψῦχοσ ἀντίτυποι καὶ δυσμετάβλητοι καὶ ἀτεράμονεσ ἀπαντῶσι τοῖσ ἔργοισ. "τοὺσ δὲ καρπούσ, κἂν ἐπὶ τῆσ ἅλω διαμείνωσι πλείω χρόνον ὑπαίθριοι καὶ γυμνοί, μᾶλλον ἀτεράμονασ γίγνεσθαι λέγουσι τῶν εὐθὺσ αἰρομένων. "ἐνιαχοῦ δὲ καὶ πνεῦμα λικμωμένοισ ἐπιγιγνόμενον ἀτεράμονασ ποιεῖ διὰ τὸ ψῦχοσ, ὥσπερ ἐν Φιλίπποισ τῆσ Μακεδονίασ ἱστοροῦσι· "τοῖσ δ’ ἀποκειμένοισ βοηθεῖ τὸ ἄχυρον. "οὐ δεῖ δὲ θαυμάζειν ἀκούοντασ τῶν γεωργῶν, ὅτι καὶ δυεῖν αὐλάκων παραλλήλων ἡ μὲν ἀτεράμονασ, ἡ δὲ τεράμονασ ἐκφέρει τοὺσ καρπούσ· "καὶ ὃ μέγιστόν ἐστι, τοῦ κυάμου τῶν λοβῶν οἱ μὲν τοίουσ οἱ δὲ τοίουσ, δηλονότι τοῖσ μὲν ἧττον τοῖσ δὲ μᾶλλον ἢ πνεύματοσ ψυχροῦ προσπεσόντοσ ἢ ὕδατοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 7, Τίσ ὁ παρὰ τῷ Πλάτωνι κερασβόλοσ, καὶ διὰ τί τῶν σπερμάτων ἀτεράμονα γίγνεται τὰ προσπίπτοντα τοῖσ κέρασι τῶν βοῶν. 11:

상위

목록

SEARCH

MENU NAVIGATION