Plutarch, Mulierum virtutes, γυναικῶν ἀρετά 5:

καὶ φρόνησισ Ὀδυσσέωσ οὐχ ὁμοία τῇ Νέστοροσ οὐδὲ δίκαιοσ ὡσαύτωσ Κάτων καὶ Ἀγησίλαοσ, οὐδὲ Εἰρήνη φίλανδροσ ὡσ Ἄλκηστισ οὐδὲ Κορνηλία μεγαλόφρων ὡσ Ὀλυμπιάσ. ἀλλὰ μὴ παρὰ τοῦτο πολλὰσ καὶ διαφόρουσ ποιῶμεν ἀνδρείασ καὶ φρονήσεισ καὶ δικαιοσύνασ, ἂν μόνον τοῦ λόγου τοῦ οἰκείου μηδεμίαν αἱ καθ’ ἕκαστον ἀνομοιότητεσ ἐκβιβάζωσι. τὰ μὲν οὖν ἄγαν περιβόητα καὶ ὅσων οἶμαί σε βεβαίωσ βιβλίοισ ἐντυχοῦσαν ἱστορίαν ἔχειν καὶ γνῶσιν ἤδη παρήσω· πλὴν εἰ μή τινα τοὺσ τὰ κοινὰ καὶ δεδημευμένα πρὸ ἡμῶν ἱστορήσαντασ ἀκοῆσ ἄξια διαπέφευγεν.