헬라어 문장 검색 - Πλυταρ́Μυλιερύ10́

(플루타르코스, Mulierum virtutes, Λύκιαι)

τὸ δ’ ἐν Λυκίᾳ γενέσθαι λεγόμενον μυθῶδεσ μέν ἐστιν, ἔχει δέ τινα φήμην ὁμοῦ μαρτυροῦσαν. Ἀμισώδαροσ γάρ, ὥσ φασιν, ὃν Ἰσάραν Λύκιοι καλοῦσιν, ἧκεν ἐκ τῆσ περὶ Ζέλειαν ἀποικίασ Λυκίων, λῃστρίδασ ἄγων ναῦσ, ὧν Χίμαρροσ ἡγεῖτο, πολεμιστὴσ μὲν ἀνὴρ ὠμὸσ δὲ καὶ θηριώδησ. ἔπλει δὲ πλοίῳ λέοντα μὲν ἔχοντι πρῴραθεν ἐπίσημον, ἐκ δὲ πρύμνησ δράκοντα, καὶ πολλὰ κακὰ τοὺσ Λυκίουσ ἐποίει, καὶ πλεῦσαι τὴν θάλατταν οὐκ ἦν οὐδὲ τὰσ ἐγγὺσ θαλάττησ πόλεισ οἰκεῖν.

τοῦτον οὖν ἀποκτείνασ ὁ Βελλεροφόντησ φεύγοντα τῷ Πηγάσῳ διώξασ, ἐκβαλὼν δὲ καὶ τὰσ Ἀμαζόνασ, οὐδενὸσ ἐτύγχανε τῶν δικαίων, ἀλλ’ ἦν ἀδικώτατοσ περὶ αὐτὸν Ιὀβάτησ· ὅθεν εἰσ τὴν θάλατταν ἐμβὰσ εὔξατο κατ’ αὐτοῦ τῷ Ποσειδῶνι τὴν χώραν ἄκαρπον γενέσθαι καὶ ἀνόνητον. εἶθ’ ὁ μὲν ἀπῄει κατευξάμενοσ, κῦμα δὲ διαρθὲν ἐπέκλυζε τὴν γῆν· καὶ θέαμα δεινὸν ἦν, ἑπομένησ μετεώρου τῆσ θαλάττησ καὶ ἀποκρυπτούσησ τὸ πεδίον. ἐπεὶ δέ, τῶν ἀνδρῶν δεομένων τὸν Βελλεροφόντην ἐπισχεῖν, οὐδὲν ἔπειθον, αἱ γυναῖκεσ ἀνασυράμεναι τοὺσ χιτωνίσκουσ ἀπήντησαν αὐτῷ·

πάλιν οὖν ὑπ’ αἰσχύνησ ἀναχωροῦντοσ ὀπίσω καὶ τὸ κῦμα λέγεται συνυποχωρῆσαι. τινὲσ δὲ τοῦ λόγου τούτου παραμυθούμενοι τὸ μυθῶδεσ οὔ φασι κατάραισ ὑπαγαγέσθαι τὴν θάλατταν αὐτόν, ἀλλὰ τοῦ πεδίου τὸ πιότατον ὑποκεῖσθαι τῇ θαλάττῃ ταπεινότερον· ἐκρῆξαι τὸν Βελλεροφόντην, καὶ βίᾳ τοῦ πελάγουσ ἐπιφερομένου καὶ κατακλύζοντοσ τὸ πεδίον, τοὺσ μὲν ἄνδρασ οὐδὲν περαίνειν δεομένουσ αὐτοῦ, τὰσ δὲ γυναῖκασ ἀθρόασ περιχυθείσασ αἰδοῦσ τυχεῖν καὶ ἀποπαῦσαι τὴν ὀργήν.

οἱ δ’ ὅλωσ τὴν λεγομένην Χίμαιραν ὄροσ ἀντήλιον γεγονέναι φασὶ καὶ ποιεῖν ἀνακλάσεισ ἐν τῷ θέρει χαλεπὰσ καὶ πυρώδεισ, ὑφ’ ὧν ἀνὰ τὸ πεδίον σκεδαννυμένων μαραίνεσθαι τοὺσ καρπούσ. τὸν δὲ Βελλεροφόντην συμφρονήσαντα διακόψαι τοῦ κρημνοῦ τὸ λειότατον καὶ μάλιστα τὰσ ἀνακλάσεισ ἀνταποστέλλον ἐπεὶ δ’ οὐκ ἐτύγχανε χάριτοσ, ὀργῇ πρὸσ ἄμυναν τραπέσθαι τῶν Λυκίων, πεισθῆναι δ’ ὑπὸ τῶν γυναικῶν. ἣν δὲ Νύμφισ ἐν τῷ τετάρτῳ περὶ Ἡρακλείασ αἰτίαν εἴρηκεν, ἥκιστα μυθώδησ ἐστί·

λέγει γάρ, ὅτι σῦν ἄγριον ἐν τῇ Ξανθίων χώρᾳ καὶ ζῷα καὶ καρποὺσ λυμαινόμενον ἀνελὼν ὁ Βελλεροφόντησ οὐδεμιᾶσ ἐτύγχανεν ἀμοιβῆσ· καταρασαμένου δὲ τῶν Ξανθίων αὐτοῦ πρὸσ τὸν Ποσειδῶνα, πᾶν τὸ πεδίον ἐξήνθησεν ἁλμυρίδα καὶ διέφθαρτο παντάπασι, τῆσ γῆσ πικρᾶσ γενομένησ· μέχρι οὗ τὰσ γυναῖκασ αἰδεσθεὶσ δεομένασ εὔξατο τῷ Ποσειδῶνι τὴν ὀργὴν ἀφεῖναι. διὸ καὶ νόμοσ ἦν τοῖσ Ξανθίοισ μὴ πατρόθεν ἀλλ’ ἀπὸ μητέρων χρηματίζειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Λύκιαι

(플루타르코스, Mulierum virtutes, Λύκιαι)

상위

목록

SEARCH

MENU NAVIGATION