Plutarch, Mulierum virtutes, Μίκκα καὶ Μεγιστώ

(플루타르코스, Mulierum virtutes, Μίκκα καὶ Μεγιστώ)

Ἀριστότιμοσ Ἠλείοισ ἐπαναστὰσ τύραννοσ ἴσχυε μὲν δι’ Ἀντιγόνου τοῦ βασιλέωσ, ἐχρῆτο δὲ τῇ δυνάμει πρὸσ οὐδὲν ἐπιεικὲσ οὐδὲ μέτριον καὶ γὰρ αὐτὸσ ἦν φύσει θηριώδησ, καὶ τοῖσ φυλάττουσι τὴν ἀρχὴν καὶ τὸ σῶμα βαρβάροισ μιγάσι δουλεύων ὑπὸ φόβου, πολλὰ μὲν ὑβριστικὰ πολλὰ δ’ ὠμὰ τοὺσ πολίτασ ὑπ’ αὐτῶν περιεώρα πάσχοντασ· οἱο͂ν ἦν καὶ τὸ Φιλοδήμου πάθοσ.

ἔχοντοσ γὰρ αὐτοῦ θυγατέρα καλὴν ὄνομα Μίκκαν ἐπεχείρησέ τισ τῶν περὶ τὸν τύραννον ξεναγῶν ὄνομα Λεύκιοσ ὕβρει μᾶλλον ἢ ἔρωτι συγγενέσθαι· καὶ πέμψασ ἐκάλει τὴν παρθένον. οἱ μὲν οὖν γονεῖσ τὴν ἀνάγκην ὁρῶντεσ ἐκέλευον βαδίζειν· ἡ δὲ παῖσ οὖσα γενναία καὶ μεγαλόφρων ἐδεῖτο τοῦ πατρὸσ περιπλεκομένη καὶ καθικετεύουσα μᾶλλον αὐτὴν περιιδεῖν ἀποθανοῦσαν ἢ τὴν παρθενίαν αἰσχρῶσ καὶ παρανόμωσ ἀφαιρεθεῖσαν.

καὶ διατριβῆσ γενομένησ, σπαργῶν καὶ μεθύων ὁ Λεύκιοσ αὐτὸσ ἐξανέστη μεταξὺ πίνων πρὸσ ὀργήν καὶ τὴν Μίκκαν εὑρὼν ἐν τοῖσ γόνασι τοῦ πατρὸσ τὴν κεφαλὴν ἔχουσαν ἐκέλευσεν αὐτῷ συνακολουθεῖν οὐ βουλομένησ δὲ τὸ χιτώνιον περιρρήξασ ἐμαστίγου γυμνήν, αὐτὴν μὲν ἐγκαρτεροῦσαν σιωπῇ ταῖσ ἀλγηδόσιν· ὁ δὲ πατὴρ καὶ ἡ μήτηρ. ὡσ οὐδὲν ἀντιβολοῦντεσ καὶ δακρύοντεσ ἐπέραινον, ἐτράποντο πρὸσ θεῶν καὶ ἀνθρώπων ἀνάκλησιν ὡσ δεινὰ καὶ παράνομα πάσχοντεσ. ὁ δὲ βάρβαροσ ἐκμανεὶσ παντάπασιν ὑπὸ τοῦ θυμοῦ καὶ μέθησ ἀποσφάττει τὴν παρθένον, ὡσ ἔτυχεν ἐν τοῖσ κόλποισ τοῦ πατρὸσ ἔχουσα τὸ πρόσωπον.

ἀλλ’ οὐδὲ τούτοισ ὁ τύραννοσ ἐκάμπτετο, πολλοὺσ δ’ ἀνῄρει καὶ πλείονασ ἐφυγάδευεν ὀκτακόσιοι γοῦν λέγονται καταφυγεῖν εἰσ Αἰτωλοὺσ δεόμενοι τὰσ γυναῖκασ αὑτοῖσ καὶ τὰ νήπια τῶν τέκνων κομίσασθαι παρὰ τοῦ τυράννου. ὀλίγῳ δ’ ὕστερον αὐτὸσ ἐκήρυξε τὰσ βουλομένασ γυναῖκασ ἀπιέναι πρὸσ τοὺσ ἄνδρασ, ὅσον βούλονται τῶν γυναικείων χρημάτων ἐπιφερομένασ. ἐπεὶ δὲ πάσασ ᾔσθετο μεθ’ ἡδονῆσ τὸ κήρυγμα δεδεγμένασ ἐγένοντο γὰρ ὑπὲρ ἑξακοσίασ τὸ πλῆθοσ, ἐκέλευσεν ἀθρόασ ἡμέρᾳ ῥητῇ βαδίζειν, ὡσ τὴν ἀσφάλειαν αὐτὸσ παρέξων. ἐνστάσησ δὲ τῆσ ἡμέρασ, αἱ μὲν ἐπὶ τὰσ πύλασ ἠθροίζοντο τὰ χρήματα συσκευασάμεναι, καὶ τῶν τέκνων τὰ μὲν ἐν ταῖσ ἀγκάλαισ φέρουσαι τὰ δ’ ἐπὶ τῶν ἁμαξῶν ἔχουσαι, καὶ περιέμενον ἀλλήλασ·

ἄφνω δὲ πολλοὶ τῶν τοῦ τυράννου ἐπεφέροντο, μένειν βοῶντεσ ἔτι πόρρωθεν. ὡσ δ’ ἐγγὺσ ἐγένοντο, τὰσ μὲν γυναῖκασ ἐκέλευον ἀναχωρεῖν ὀπίσω, τὰ δὲ ζεύγη καὶ τὰσ ἁμάξασ ὑποστρέψαντεσ ἐώσαν εἰσ αὐτὰσ καὶ διὰ μέσων ἀφειδῶσ διήλαυνον, οὔτ’ ἀκολουθεῖν οὔτε μένειν ἐῶντεσ οὔτε τοῖσ νηπίοισ βοηθεῖν ἀπολλυμένοισ τὰ μὲν γὰρ ἐκπίπτοντα τῶν ἁμαξῶν τὰ δ’ ὑποπίπτοντα διεφθείροντο, βοῇ καὶ μάστιξιν ὥσπερ πρόβατα τῶν μισθοφόρων ἐπειγόντων ἀνατρεπομένασ ὑπ’ ἀλλήλων, ἑώσ εἰσ τὸ δεσμωτήριον ἐνέβαλον ἁπάσασ, τὰ δὲ χρήματα πρὸσ τὸν Ἀριστότιμον ἀπεκομίσθη. χαλεπῶσ δὲ τῶν Ἠλείων ἐπὶ τούτοισ ἐχόντων, αἱ περὶ τὸν Διόνυσον ἱεραὶ γυναῖκεσ, ἃσ ἑκκαίδεκα καλοῦσιν, ἱκετηρίασ καὶ στέμματα τῶν ἀπὸ τοῦ θεοῦ λαβοῦσαι περὶ τὴν ἀγορὰν ἀπήντησαν τῷ Ἀριστοτίμῳ, καὶ τῶν δορυφόρων ὑπ’ αἰδοῦσ διαστάντων, ἔστησαν τὸ πρῶτον σιωπῇ ὁσίωσ προϊσχόμεναι τὰσ ἱκετηρίασ.

ἐπεὶ δ’ ἐγένοντο φανεραὶ δεόμεναι καὶ παραιτούμεναι τὴν ὀργὴν ὑπὲρ τῶν γυναικῶν, παροξυνθεὶσ πρὸσ τοὺσ δορυφόρουσ καὶ κεκραγὼσ ὅτι προσελθεῖν εἰάσαν αὐτὰσ ἐποίησε τὰσ μὲν ὠθοῦντασ τὰσ δὲ τύπτοντασ ἐξελάσαι ἐκ τῆσ ἀγορᾶσ, ἑκάστην δὲ δυσὶ ταλάντοισ ἐζημίωσε.

γενομένων δὲ τούτων, ἐν μὲν τῇ πόλει συνέστησε πρᾶξιν ἐπὶ τὸν τύραννον Ἑλλάνικοσ, ἀνὴρ διὰ γῆρασ ἤδη καὶ δύο τέκνων θάνατον ὡσ οὐδὲν ἂν πράξασ ὑπὸ τοῦ τυράννου περιορώμενοσ. ἐκ δ’ Αἰτωλίασ διαπεράσαντεσ οἱ φυγάδεσ καταλαμβάνουσι τῆσ χώρασ ἐπιτήδειον ἐμπολεμεῖν ἔρυμα τὴν Ἀμυμώνην, καὶ συχνοὺσ προσεδέχοντο τῶν πολιτῶν ἐκ τῆσ Ἤλιδοσ ἀποδιδράσκοντασ.

ταῦτα δὲ δείσασ ὁ Ἀριστότιμοσ εἰσῆλθε πρὸσ τὰσ γυναῖκασ, καὶ νομίζων φόβῳ μᾶλλον ἢ χάριτι διαπράξεσθαι προσέταττε πέμπειν καὶ γράφειν αὐτὰσ τοῖσ ἀνδράσιν ὅπωσ ἀπίωσιν ἐκ τῆσ χώρασ· εἰ δὲ μή, κατασφάξειν ἠπείλει πάσασ αἰκισάμενοσ καὶ προανελὼν τοὺσ παῖδασ. αἱ μὲν οὖν ἄλλαι, πολὺν χρόνον ἐφεστῶτοσ καὶ κελεύοντοσ εἰπεῖν εἴ τι πράξουσι τούτων, οὐδὲν ἀπεκρίναντο πρὸσ ἐκεῖνον, ἀλλὰ προσέβλεψαν ἀλλήλαισ σιωπῇ καὶ διένευσαν, ἀνθομολογούμεναι τὸ μὴ δεδιέναι μηδ’ ἐκπεπλῆχθαι τὴν ἀπειλήν.

Μεγιστὼ δ’ ἡ Τιμολέοντοσ γυνὴ καὶ διὰ τὸν ἄνδρα καὶ τὴν ἀρετὴν ἡγεμονικὴν ἔχουσα τάξιν, διαναστῆναι μὲν οὐκ ἠξίωσεν οὐδ’ εἰάσε τὰσ ἄλλασ· "εἰ μὲν ἦσ ἀνὴρ φρόνιμοσ, οὐκ ἂν διελέγου γυναιξὶ περὶ ἀνδρῶν, ἀλλὰ πρὸσ ἐκείνουσ ἂν ὡσ κυρίουσ ἡμῶν ἔπεμπεσ, ἀμείνονασ λόγουσ εὑρὼν ἢ δι’ ὧν ἡμᾶσ ἐξηπάτησασ· "εἰ δ’ αὐτὸσ ἐκείνουσ πεῖσαι ἀπεγνωκὼσ δι’ ἡμῶν ἐπιχειρεῖσ παραλογίζεσθαι, μήθ’ ἡμᾶσ ἔλπιζε πάλιν ἐξαπατήσειν μήτ’ ἐκεῖνοι κακῶσ οὕτω φρονήσειαν, ὥστε φειδόμενοι παιδαρίων καὶ γυναικῶν ἐγκαταλιπεῖν τὴν τῆσ πατρίδοσ ἐλευθερίαν· "οὐ γὰρ τοσοῦτο κακὸν αὐτοῖσ ἡμᾶσ ἀπολέσαι μηδὲ νῦν ἔχοντασ, ὅσον ἀγαθὸν ἐξελέσθαι τῆσ σῆσ ὠμότητοσ καὶ ὕβρεωσ τοὺσ πολίτασ. ταῦτα τῆσ Μεγιστοῦσ λεγούσησ, οὐκ ἀνασχόμενοσ ὁ Ἀριστότιμοσ ἐκέλευσε τὸ παιδίον αὐτῆσ ὡσ ἀποκτενῶν ἐν ὄψει κομισθῆναι.

"τέκνον, πρὶν αἰσθέσθαι καὶ φρονεῖν ἀπαλλάγηθι τῆσ πικρᾶσ τυραννίδοσ·

"ὡσ ἐμοὶ βαρύτερόν ἐστι δουλεύοντὰ σε παρ’ ἀξίαν ἐφορᾶν ἢ ἀποθνήσκοντα. τοῦ δ’ Ἀριστοτίμου σπασαμένου τὴν μάχαιραν ἐπ’ αὐτὴν ἐκείνην καὶ μετ’ ὀργῆσ ἐπιφερομένου, τῶν συνήθων τισ αὐτῷ Κύλων ὄνομα πιστὸσ δοκῶν εἶναι, μισῶν δὲ καὶ μετέχων τῆσ συνωμοσίασ τοῖσ περὶ τὸν Ἑλλάνικον, ἀντέστη καὶ ἀπέστρεψε δεόμενοσ καὶ λέγων ἀγεννὲσ εἶναι καὶ γυναικῶδεσ οὐκ ἀνδρὸσ ἡγεμονικοῦ καὶ πράγμασι χρῆσθαι μεμαθηκότοσ τὸ ἔργον ὥστε μόλισ ἔννουν γενόμενον τὸν Ἀριστότιμον ἀπελθεῖν. γίγνεται δὲ σημεῖον αὐτῷ μέγα· μεσημβρία μὲν γὰρ ἦν καὶ μετὰ τῆσ γυναικὸσ ἀνεπαύετο παρασκευαζομένων δὲ τῶν περὶ τὸ δεῖπνον, ἀετὸσ μετέωροσ ὤφθη δινούμενοσ ὑπὲρ τῆσ οἰκίασ, εἶθ’ ὥσπερ ἐκ προνοίασ καὶ στοχασμοῦ λίθον ἀφῆκεν εὐμεγέθη κατ’ ἐκεῖνο τῆσ στέγησ τὸ μέροσ, οὗ τὸ δωμάτιον ἦν, ἐν ᾧ κατακείμενοσ ἐτύγχανεν ὁ Ἀριστότιμοσ.

ἅμα δ’ ἄνωθεν ψόφου μεγάλου καὶ κραυγῆσ ἔξωθεν ὑπὸ τῶν ἰδόντων τὸν ὄρνιν γενομένησ, ἐκπλαγεὶσ καὶ πυθόμενοσ τὸ γεγονὸσ μετεπέμψατο μάντιν, ᾧ χρώμενοσ διετέλει κατ’ ἀγοράν, καὶ διηρώτα περὶ τοῦ σημείου συντεταραγμένοσ. ὁ δ’ ἐκεῖνον μὲν παρεκάλει ὡσ τοῦ Διὸσ αὐτὸν ἐξεγείροντοσ καὶ βοηθοῦντοσ, οἷσ δ’ ἐπίστευε τῶν πολιτῶν ἔφρασεν ὅσον οὔπω τὴν δίκην αἰωρουμένην ὑπὲρ κεφαλῆσ ἐμπεσεῖσθαι τῷ τυράννῳ.

διὸ καὶ τοῖσ περὶ τὸν Ἑλλάνικον ἔδοξε μὴ μέλλειν, ἀλλ’ ἐπιτίθεσθαι τῇ ὑστεραίᾳ. "τί πέπονθασ, ὦ πάτερ, καθεύδων; "αὔριον δέ σε δεῖ τῆσ πόλεωσ στρατηγεῖν. οὗτόσ τε δὴ διὰ τὴν ὄψιν εὐθαρσὴσ γεγενημένοσ παρεκάλει τοὺσ ἑταίρουσ, ὃ τ̓ Ἀριστότιμοσ πυθόμενοσ Κρατερὸν αὐτῷ βοηθοῦντα μετὰ πολλῆσ δυνάμεωσ ἐν Ὀλυμπίᾳ καταστρατοπεδεύειν, οὕτωσ ἐξεθάρσησεν, ὥστ’ ἄνευ δορυφόρων εἰσ τὴν ἀγορὰν προελθεῖν μετὰ τοῦ Κύλωνοσ.

"τί μέλλετε, ἄνδρεσ ἀγαθοί;

"καλὸν τὸ θέατρον ἐν μέσῳ τῆσ πατρίδοσ ἐναγωνίσασθαι. πρῶτοσ μὲν οὖν ὁ Κύλων σπασάμενοσ τὸ ξίφοσ παίει τινὰ τῶν ἑπομένων τῷ Ἀριστοτίμῳ Θρασυβούλου δὲ καὶ Λάμπιδοσ ἐξ ἐναντίασ ἐπιφερομένων, ἔφθη μὲν ὁ Ἀριστότιμοσ εἰσ τὸ τοῦ Διὸσ ἱερὸν καταφυγών ἐκεῖ δ’ ἀποκτείναντεσ αὐτὸν καὶ τὸ σῶμα προβαλόντεσ εἰσ τὴν ἀγορὰν ἐκάλουν τοὺσ πολίτασ ἐπὶ τὴν ἐλευθερίαν. οὐ μὴν ἔφθησάν γε πολὺ τὰσ γυναῖκασ· εὐθὺσ γὰρ ἐξέδραμον μετὰ χαρᾶσ καὶ ὀλολυγμοῦ, καὶ περιστᾶσαι τοὺσ ἄνδρασ ἀνέδουν καὶ κατέστεφον. εἶτα τοῦ πλήθουσ ἐπὶ τὴν οἰκίαν τοῦ τυράννου ῥυέντοσ, ἡ μὲν γυνὴ συγκλείσασα τὸν θάλαμον αὑτὴν ἀνήρτησε. δύο δ’ ἦσαν αὐτῷ θυγατέρεσ, παρθένοι μὲν ἔτι, κάλλισται δὲ τὴν ὄψιν, ἤδη γάμων ὡρ́αν ἔχουσαι ταύτασ συλλαβόντεσ εἷλκον ἔξω πάντωσ μὲν ἀνελεῖν, αἰκίσασθαι δὲ καὶ καθυβρίσαι πρότερον ἐγνωκότεσ.

ἀπαντήσασα δ’ ἡ Μεγιστὼ μετὰ τῶν ἄλλων ἐβόα δεινὰ ποιεῖν αὐτούσ, εἰ δῆμοσ ἀξιοῦντεσ εἶναι ταῦτα τολμῶσι καὶ ἀσελγαίνουσι τοῖσ τυράννοισ ὅμοια. ἐντρεπομένων δὲ πολλῶν τὸ ἀξίωμα τῆσ γυναικὸσ παρρησιαζομένησ καὶ δακρυούσησ, ἔδοξεν ἀφελεῖν τὴν ὕβριν, αὐτὰσ δ’ ἐᾶσαι δι’ αὑτῶν ἀποθανεῖν. "μὴ ταπεινῶσ μηδ’ ἀναξίωσ ἑαυτῶν καταστρέψωμεν.

"οὐδὲ ἓν ἤρνημαί σοι δεομένῃ καὶ ταύτην οὖν λαβὲ τὴν χάριν, ἐγὼ δ’ ὑπομενῶ καὶ τλήσομαι τοῦ θανάτου βαρύτερον, τὸ σέ, φιλτάτη, προτέραν ἰδεῖν ἀποθνήσκουσαν. ἐκ τούτου τὴν μὲν ἀδελφὴν αὐτὴ διδάξασα τῷ τραχήλῳ περιβαλέσθαι τὸν βρόχον, ὡσ ᾔσθετο τεθνηκυῖαν, καθεῖλε καὶ κατεκάλυψεν·

αὐτὴ δὲ τὴν Μεγιστὼ παρεκάλεσεν ἐπιμεληθῆναι, καὶ μὴ περιιδεῖν αἰσχρῶσ, ἐπειδὰν ἀποθάνῃ, τεθεῖσαν ὥστε μηδένα πικρὸν μηδὲ μισοτύραννον οὕτω γενέσθαι τῶν παρόντων, ὃσ οὐκ ἔκλαυσεν οὐδὲ κατηλέησε τὴν τῶν παρθένων εὐγένειαν. τῶν μὲν οὖν κοινῇ πεπραγμένων γυναιξὶ μυρίων ὄντων ἱκανὰ ταῦτα παραδείγματα· ἑκάστην ἀρετάσ, ὅπωσ ἂν ἐπίῃ, σποράδην ἀναγράψομεν, οὐδὲν οἰόμενοι τῆσ κατὰ χρόνον τάξεωσ δεῖσθαι τὴν ὑποκειμένην ἱστορίαν.

일치하는 문장이 없습니다.

SEARCH

MENU NAVIGATION