Plutarch, Mulierum virtutes, Ἀρεταφίλα

(플루타르코스, Mulierum virtutes, Ἀρεταφίλα)

Ἀρεταφίλα δ’ ἡ Κυρηναία παλαιὰ μὲν οὐ γέγονεν ἀλλ’ ἐν τοῖσ Μιθριδατικοῖσ καιροῖσ, ἀρετὴν δὲ καὶ πρᾶξιν ἐνάμιλλον τῇ βουλῇ τῶν ἡρωίδων παρέσχεν. ἦν δὲ θυγάτηρ μὲν Αἰγλάτοροσ Φαιδίμου δὲ γυνή, γνωρίμων ἀνδρῶν· καλὴ δὲ τὴν ὄψιν οὖσα, καὶ τὸ φρονεῖν ἐδόκει περιττή τισ εἶναι καὶ πολιτικῆσ δεινότητοσ οὐκ ἄμοιροσ· ἐπιφανῆ δ’ αὐτὴν αἱ κοιναὶ τύχαι τῆσ πατρίδοσ ἐποίησαν. Νικοκράτησ γὰρ ἐπαναστὰσ Κυρηναίοισ τύραννοσ ἄλλουσ τε πολλοὺσ ἐφόνευε τῶν πολιτῶν καὶ τὸν ἱερέα τοῦ Ἀπόλλωνοσ αὐτόχειρ ἀνελὼν Μελάνιππον, ἔσχε τὴν ἱερωσύνην ἀνεῖλε δὲ καὶ Φαίδιμον τὸν τῆσ Ἀρεταφίλασ ἄνδρα καὶ τὴν Ἀρεταφίλαν ἔγημεν ἄκουσαν.

πρὸσ δὲ μυρίοισ ἄλλοισ παρανομήμασι φύλακασ ἐπὶ τῶν πυλῶν κατέστησεν, οἳ τοὺσ ἐκφερομένουσ νεκροὺσ ἐλυμαίνοντο νύττοντεσ ξιφιδίοισ καὶ καυτήρια προσβάλλοντεσ ὑπὲρ τοῦ μηδένα τῶν πολιτῶν ὡσ νεκρὸν λαθεῖν ἐκκομιζόμενον. δύσφορα μὲν οὖν καὶ τῇ Ἀρεταφίλᾳ τὰ οἰκεῖα κακά, καίπερ ἐνδιδόντοσ αὐτῇ δι’ ἔρωτα τοῦ τυράννου πλεῖστον ἀπολαύειν τῆσ δυνάμεωσ ἥττητο γὰρ ἐκείνησ καὶ μόνῃ χειροήθη παρεῖχεν αὑτὸν ἄτεγκτοσ ὢν τἄλλα καὶ θηριώδησ· ἠνία δὲ μᾶλλον αὐτὴν ἡ πατρὶσ οἰκτρὰ πάσχουσα παρ’ ἀξίαν.

ἄλλοσ γὰρ ἐπ’ ἄλλῳ τῶν πολιτῶν ἐσφάττετο, τιμωρία δ’ ἀπ’ οὐδενὸσ ἠλπίζετο· καὶ γὰρ οἱ φυγάδεσ, ἀσθενεῖσ παντάπασιν ὄντεσ καὶ περίφοβοι, διεσπάρησαν. αὑτὴν οὖν ἡ Ἀρεταφίλα ὑποθεῖσα μόνην τοῖσ κοινοῖσ ἐλπίδα, καὶ τὰ Θήβησ ζηλώσασα τῆσ Φεραίασ καλὰ καὶ περιβόητα τολμήματα, συμμάχων δὲ πιστῶν καὶ οἰκείων, οἱούσ ἐκείνῃ τὰ πράγματα παρέσχεν, ἔρημοσ οὖσα, φαρμάκοισ ἐπεχείρησε διεργάσασθαι τὸν ἄνδρα. παρασκευαζομένη δὲ καὶ πορίζουσα καὶ διαπειρωμένη πολλῶν δυνάμεων οὐκ ἔλαθεν ἀλλ’ ἐμηνύθη·

καὶ γενομένων ἐλέγχων, Καλβία μὲν ἡ τοῦ Νικοκράτουσ μήτηρ, φύσει φονικὴ γυνὴ καὶ ἀπαραίτητοσ, εὐθὺσ ᾤετο δεῖν ἀναιρεῖν αἰκισαμένην τὴν Ἀρεταφίλαν τοῦ δὲ Νικοκράτουσ μέλλησιν ἐνεποίει τῇ ὀργῇ καὶ ἀσθένειαν ὁ ἔρωσ, καὶ τὸ τὴν Ἀρεταφίλαν ἐρρωμένωσ ὁμόσε χωρεῖν ταῖσ κατηγορίαισ ἀμύνουσαν ἑαυτῇ πρόφασίν τινα τῷ πάθει παρεῖχεν. "ὦ ἄνερ, ἀγωνίζομαι, τῆσ σῆσ εὐνοίασ πρὸσ ἐμὲ καὶ δόξησ καὶ δυνάμεωσ, ἣν διὰ σὲ καρποῦμαι πολλαῖσ ἐπίφθονοσ οὖσα κακαῖσ γυναιξὶν ὧν φάρμακα δεδοικυῖα καὶ μηχανὰσ ἐπείσθην ἀντιμηχανήσασθαι, μωρὰ μὲν ἴσωσ καὶ γυναικεῖα, θανάτου δ’ οὐκ ἄξια·

"πλὴν εἰ κριτῇ σοι δόξειε φίλτρων ἕνεκα καὶ γοητείασ κτεῖναι γυναῖκα, πλεῖον ἢ σὺ βούλει φιλεῖσθαι δεομένην. τοιαῦτα τὴν Ἀρεταφίλαν ἀπολογουμένην ἔδοξε τῷ Νικοκράτει βασανίσαι καὶ τῆσ Καλβίασ ἐφεστώσησ ἀτέγκτου καὶ ἀπαραιτήτου, ταῖσ βασάνοισ ἀνέκρινε·

καὶ διεφύλαττεν αὑτὴν ἀήττητον ἐν ταῖσ ἀνάγκαισ ἄχρι καὶ τὴν Καλβίαν ἀποκαμεῖν ἄκουσαν. ὁ δὲ Νικοκράτησ ἀφῆκε πεισθεὶσ καὶ μετενόει βασανίσασ· καὶ χρόνον οὐ πολὺν διαλιπὼν αὖθισ ἧκεν ὑπὸ τοῦ πάθουσ εἰσ αὐτὴν φερόμενοσ, καὶ συνῆν αὖθισ ἀναλαμβάνων τιμαῖσ καὶ φιλοφροσύναισ τὴν εὔνοιαν. ἡ δ’ οὐκ ἔμελλε χάριτοσ ἡττᾶσθαι κρατήσασα βασάνων καὶ πόνων, ἀλλὰ τῷ φιλοκάλῳ φιλονικίασ προσγενομένησ ἑτέρασ ἥπτετο μηχανῆσ. ἦν γὰρ αὐτῇ θυγάτηρ ἀνδρὸσ ὡρ́αν ἔχουσα καὶ τὴν ὄψιν ἱκανή·

ταύτην ὑφῆκε τἀδελφῷ τοῦ τυράννου δέλεαρ, ὄντι μειρακίῳ πρὸσ ἡδονὰσ εὐαλώτῳ. πολὺσ δὲ λόγοσ ἐστὶ χρησαμένην γοητείᾳ καὶ φαρμάκοισ ἐπὶ τῇ κόρῃ τὴν Ἀρεταφίλαν, χειρώσασθαι καὶ διαφθεῖραι τοῦ νεανίσκου τὸν λογισμόν· ἐκαλεῖτο δὲ Λέανδροσ. ἐπεὶ δ’ ἡλώκει καὶ λιπαρήσασ τὸν ἀδελφὸν ἔτυχε τοῦ γάμου, τὰ μὲν ἡ κόρη παρῆγεν αὐτὸν ὑπὸ τῆσ μητρὸσ διδασκομένη καὶ ἀνέπειθεν ἐλευθεροῦν τὴν πόλιν, ὡσ μηδ’ αὐτὸν ἐλεύθερον ἐν τυραννίδι ζῶντα μηδὲ τοῦ λαβεῖν γάμον ἢ φυλάξαι κύριον ὄντα, τὰ δ’ οἱ φίλοι τῇ Ἀρεταφίλᾳ χαριζόμενοι διαβολάσ τινασ ἀεὶ καὶ ὑπονοίασ κατεσκεύαζον αὐτῷ πρὸσ τὸν ἀδελφόν. ὡσ δ’ ᾔσθετο καὶ τὴν Ἀρεταφίλαν τὰ αὐτὰ βουλευομένην καὶ σπουδάζουσαν, ἐπεχείρει τὸ ἔργον, καὶ Δάφνιν οἰκέτην παρορμήσασ ἀπέκτεινε δι’ ἐκείνου τὸν Νικοκράτην. τὰ λοιπὰ δ’ οὐκέτι τῇ Ἀρεταφίλᾳ προσεῖχεν, ἀλλ’ εὐθὺσ ἔδειξε τοῖσ ἔργοισ ἀδελφοκτόνοσ οὐ τυραννοκτόνοσ γεγονώσ·

ἦρχε γὰρ ἐμπλήκτωσ καὶ ἀνοήτωσ.

τιμὴ δέ τισ ὅμωσ ἦν τῆσ Ἀρεταφίλασ παρ’ αὐτῷ καὶ δύναμισ, οὐκ ἀπεχθανομένησ οὐδὲ πολεμούσησ ἄντικρυσ ἀλλ’ ἀδήλωσ διαταττούσησ τὰ πράγματα. πρῶτον μὲν γὰρ αὐτῷ Λιβυκὸν ὑπεκίνησε πόλεμον, Ἀνάβουν τινὰ πείσασα δυνάστην τὴν χώραν ἐπιδραμεῖν καὶ τῇ πόλει προσαγαγεῖν, ἔπειτα διέβαλε τοὺσ φίλουσ καὶ τοὺσ στρατηγοὺσ πρὸσ τὸν Λέανδρον, ὡσ πολεμεῖν οὐκ ὄντασ προθύμουσ, εἰρήνησ δὲ μᾶλλον δεομένουσ καὶ ἡσυχίασ, ἣν καὶ τὰ πράγματα ποθεῖν αὐτοῦ καὶ τὴν τυραννίδα, βουλομένου βεβαίωσ κρατεῖν τῶν πολιτῶν αὐτὴ δὲ πράξειν ἔφη τὰσ διαλύσεισ καὶ τὸν Ἀνάβουν εἰσ λόγουσ αὐτῷ συνάξειν, ἐὰν κελεύῃ, πρὶν ἀνήκεστόν τι τὸν πόλεμον ἐξεργάσασθαι. κελεύσαντοσ δὲ τοῦ Λεάνδρου, πρότερον αὐτὴ τῷ Λίβυι διελέχθη, συλλαβεῖν δεομένη τὸν τύραννον ἐπὶ δωρεαῖσ μεγάλαισ καὶ χρήμασιν, ὅταν εἰσ λόγουσ αὐτῷ παραγένηται.

πεισθέντοσ δὲ τοῦ Λίβυοσ, ὤκνει μὲν ὁ Λέανδροσ, αἰδεσθεὶσ δὲ τὴν Ἀρεταφίλαν αὐτὴν παρέσεσθαι φάσκουσαν, ἐξῆλθεν ἄνοπλοσ καὶ ἀφύλακτοσ. ὡσ δ’ ἐγγὺσ ἦλθε καὶ τὸν Ἀνάβουν εἶδεν, αὖθισ ἐδυσχέραινε καὶ περιμένειν ἐβούλετο τοὺσ δορυφόρουσ· ἡ δ’ Ἀρεταφίλα παροῦσα τὰ μὲν ἐθάρρυνεν αὐτὸν τὰ δ’ ἐκάκιζε·

τέλοσ δὲ γενομένησ διατριβῆσ, ἐφελκυσαμένη τῆσ χειρὸσ ἰταμῶσ πάνυ καὶ τεθαρρηκότωσ προσήγαγε τῷ βαρβάρῳ καὶ παρέδωκεν. εὐθὺσ οὖν ἀνήρπαστο καὶ συνείληπτο καὶ δεθεὶσ ὑπὸ τῶν Λιβύων ἐτηρεῖτο, ἄχρι οὗ τὰ χρήματα τῇ Ἀρεταφίλᾳ κομίζοντεσ οἱ φίλοι παρεγένοντο μετὰ τῶν ἄλλων πολιτῶν. πυθόμενοι γὰρ οἱ πλεῖστοι ἐξέδραμον ἐπὶ τὴν παράκλησιν ὡσ δ’ εἶδον τὴν Ἀρεταφίλαν, ὀλίγον ἐδέησαν ἐκλαθέσθαι τῆσ πρὸσ τὸν τύραννον ὀργῆσ, καὶ πάρεργον τὴν ἐκείνου τιμωρίαν ἐνόμιζον· ἔργον δὲ πρῶτον ἦν αὐτοῖσ καὶ ἀπόλαυσμα τῆσ ἐλευθερίασ ἐκείνην ἀσπάσασθαι μετὰ χαρᾶσ καὶ δακρύων, ὥσπερ ἀγάλματι θεοῦ προσπίπτοντασ.

ἄλλων δ’ ἐπ’ ἄλλοισ ἐπιρρεόντων, μόλισ ἑσπέρασ τὸν Λέανδρον παραλαβόντεσ ἐπανῆλθον εἰσ τὴν πόλιν. ἐπεὶ δὲ τῶν τιμῶν τῆσ Ἀρεταφίλασ καὶ τῶν ἐπαίνων ἐνεπλήσθησαν, οὕτω τραπόμενοι πρὸσ τοὺσ τυράννουσ τὴν μὲν Καλβίαν ζῶσαν κατέκαυσαν, τὸν δὲ Λέανδρον ἐνράψαντεσ εἰσ βύρσαν κατεπόντισαν. ἠξίουν δὲ τὴν Ἀρεταφίλαν συνάρχειν καὶ συνδιοικεῖν τοῖσ ἀρίστοισ ἀνδράσι τὴν πολιτείαν. ἡ δ’ ὡσ ποικίλον τι δρᾶμα καὶ πολυμερὲσ ἀγωνισαμένη μέχρι στεφάνου διαδόσεωσ, ὡσ ἐπεῖδε τὴν πόλιν ἐλευθέραν, εὐθὺσ εἰσ τὴν γυναικωνῖτιν ἐνεδύετο, καὶ τοῦ πολυπραγμονεῖν ὁτιοῦν παραβαλλομένη, τὸν λοιπὸν χρόνον ἐν ἱστοῖσ ἡσυχίαν ἄγουσα μετὰ τῶν φίλων καὶ οἰκείων διετέλεσεν.

일치하는 문장이 없습니다.

SEARCH

MENU NAVIGATION