헬라어 문장 검색 - Πλυταρ́Μυλιερύ08́

(플루타르코스, Mulierum virtutes, Μήλιαι)

Μήλιοι γῆσ χρῄζοντεσ ἀμφιλαφοῦσ Νυμφαῖον ἡγεμόνα τῆσ ἀποικίασ ἐποιήσαντο, νέον ἄνδρα καὶ κάλλει διαφέροντα· τοῦ δὲ θεοῦ πλεῖν κελεύσαντοσ αὐτούσ, ὅπου δ’ ἂν ἀποβάλωσι τοὺσ κομιστῆρασ, ἐκεῖ κατοικεῖν, συνέπεσε τῇ Καρίᾳ προσβαλοῦσιν αὐτοῖσ καὶ ἀποβᾶσι τὰσ ναῦσ ὑπὸ χειμῶνοσ διαφθαρῆναι. τῶν δὲ Καρῶν οἱ Κρύασσον οἰκοῦντεσ, εἴτε τὴν ἀπορίαν οἰκτίραντεσ εἴτε δείσαντεσ αὐτῶν τὴν τόλμαν, ἐκέλευον οἰκεῖν παρ’ αὐτοῖσ καὶ τῆσ χώρασ μετέδωκαν· εἶτα πολλὴν ἐν ὀλίγῳ χρόνῳ λαμβάνοντασ αὔξησιν ὁρῶντεσ, ἐπεβούλευον ἀνελεῖν εὐωχίαν τινὰ καὶ θοίνην παρασκευάσαντεσ.

ἔτυχε δὲ Καρίνη παρθένοσ ἐρῶσα τοῦ Νυμφαίου καὶ λανθάνουσα τοὺσ ἄλλουσ· ἐκαλεῖτο δὲ Καφένη· πραττομένων δὲ τούτων οὐ δυναμένη τὸν Νυμφαῖον περιορᾶν ἀπολλύμενον, ἐξήγγειλε τὴν διάνοιαν αὐτῷ τῶν πολιτῶν. ὡσ οὖν ἧκον οἱ Κρυασσεῖσ καλοῦντεσ αὐτούσ, οὐκ ἔφη νόμον ὁ Νυμφαῖοσ Ἕλλησιν εἶναι βαδίζειν ἐπὶ δεῖπνον ἄνευ γυναικῶν ἀκούσαντεσ δὲ οἱ Κᾶρεσ ἐκέλευον ἄγειν καὶ τὰσ γυναῖκασ. οὕτω δὴ φράσασ τὰ πεπραγμένα Μηλίοισ ἐκέλευσεν αὐτοὺσ μὲν ἀνόπλουσ ἐν ἱματίοισ βαδίζειν, τῶν δὲ γυναικῶν ἑκάστην ξίφοσ ἐν τῷ κόλπῳ κομίζειν καὶ καθέζεσθαι παρὰ τὸν αὑτῆσ.

ἐπεὶ δὲ τοῦ δείπνου μεσοῦντοσ ἐδόθη τὸ σύνθημα τοῖσ Καρσὶ καὶ συνῄσθοντο τὸν καιρὸν οἱ Ἕλληνεσ, αἱ μὲν γυναῖκεσ ἅμα πᾶσαι τοὺσ κόλπουσ διέσχον, οἱ δὲ τὰ ξίφη λαβόντεσ ἐπέθεντο τοῖσ βαρβάροισ καὶ διέφθειραν αὐτοὺσ ἅμα πάντασ· κτησάμενοι δὲ τὴν χώραν καὶ τὴν πόλιν ἐκείνην καταβαλόντεσ, ᾤκισαν ἑτέραν, ἣν Νέαν Κρύασσον ὠνόμασαν. ἡ δὲ Καφένη τῷ Νυμφαίῳ γαμηθεῖσα τιμὴν καὶ χάριν ἔσχε ταῖσ εὐεργεσίαισ πρέπουσαν.

ἄξιον οὖν ἄγασθαι τῶν γυναικῶν καὶ τὴν σιωπὴν καὶ τὸ θάρσοσ, καὶ τὸ μηδεμίαν ἐν πολλαῖσ μηδ’ ἄκουσαν ὑπὸ δειλίασ κακὴν γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Μήλιαι

(플루타르코스, Mulierum virtutes, Μήλιαι)

상위

목록

SEARCH

MENU NAVIGATION