Plutarch, Galba, chapter 26 1:

βουλευομένου δὲ τοῦ Γάλβᾳ προελθεῖν, καὶ Οὐινίου μὲν οὐκ ἐῶντοσ, Κέλσου δὲ καὶ Λάκωνοσ παρορμώντων καὶ σφοδρότερον τοῦ Οὐινίου καθαπτομένων, θροῦσ διῆλθε πολὺσ ὡσ ἀνῃρημένου τοῦ Ὄθωνοσ ἐν τῷ στρατοπέδῳ· καὶ μετὰ μικρὸν ὤφθη Ιοὔλιοσ Ἄττικοσ τῶν οὐκ ἀσήμων ἐν τοῖσ δορυφόροισ στρατευόμενοσ γυμνῷ τῷ ξίφει προσφερόμενοσ καὶ βοῶν ἀνῃρηκέναι τὸν Καίσαροσ πολέμιον ὠσάμενοσ δὲ διὰ τῶν προεστώτων ἔδειξε τῷ Γάλβᾳ τὸ ξίφοσ ᾑμαγμένον.