헬라어 문장 검색 - Πλυταρ́Γαλβά05́

(플루타르코스, Galba, chapter 5)

ἐκ τούτου προγράμματι μὲν ἐδήλωσεν ὁ Γάλβασ ἡμέραν ἐν ᾗ τὰσ κατά μέροσ ἐλευθερώσεισ ἀποδώσει τοῖσ δεομένοισ, λαλιὰ δὲ καὶ φήμη προεκπεσοῦσα πλῆθοσ ἀνθρώπων ἤθροισε προθύμων ἐπὶ τὸν νεωτερισμόν. οὐκ ἔφθη γοῦν φανερὸσ ἐπὶ τοῦ βήματοσ γενόμενοσ, καὶ πάντεσ αὐτὸν ὁμοφώνωσ αὐτοκράτορα προσεῖπον. ὁ δὲ ταύτην μὲν εὐθὺσ οὐ προσεδέξατο τὴν προσηγορίαν, κατηγορήσασ δὲ τοῦ Νέρωνοσ, καὶ τῶν ἀνῃρημένων ἀνδρῶν ὑπ’ αὐτοῦ τοὺσ ἐπιφανεστάτουσ ὀλοφυράμενοσ, ὡμολόγησεν ἐπιδώσειν τῇ πατρίδι τὴν ἑαυτοῦ πρόνοιαν, οὔτε Καῖσαρ οὔτε αὐτοκράτωρ, στρατηγὸσ δὲ συγκλήτου καὶ δήμου Ῥωμαίων ὀνομαζόμενοσ.

ὅτι δ’ ὀρθῶσ ὁ Οὐίνδιξ καὶ λελογισμένωσ ἐξεκαλεῖτο τὸν Γάλβαν ἐπὶ τὴν ἡγεμονίαν, ἐπιστώσατο μάρτυρι τῷ Νέρωνι.

προσποιούμενοσ γὰρ ἐκείνου καταφρονεῖν καὶ παρ’ οὐδὲν ἡγεῖσθαι τὰ Γαλατῶν, ἅμα τῷ πυθέσθαι τὰ περὶ Γάλβαν ἔτυχε δὲ λελουμένοσ καὶ ἀριστῶν ἀνέτρεψε τὴν τράπεζαν. οὐ μὴν ἀλλὰ συγκλήτου ψηφισαμένησ πολέμιον τὸν Γάλβαν αὐτόσ τε παίζειν καὶ θρασύνεσθαι πρὸσ τοὺσ φίλουσ βουλόμενοσ, οὐ φαύλην ἔφη πρόρρησιν ἐμπεπτωκέναι λογισμοῦ δεομένῳ χρημάτων αὐτῷ·

καὶ τὰ μὲν Γαλατῶν, ὅταν ὑποχείριοι γένωνται, λαφυραγωγήσεσθαι, ἡ δὲ Γάλβα πάρεστιν οὐσία χρῆσθαι καὶ πωλεῖν ἤδη πολεμίου πεφηνότοσ. οὗτόσ τε δὴ τὰ Γάλβα πιπράσκειν ἐκέλευε, καὶ Γάλβασ ἀκούσασ, ὅσα Νέρωνοσ ἦν ἐν Ἰβηρίᾳ κηρύττων εὑρ́ισκε πολλοὺσ προθυμοτέρουσ ὠνητάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Galba, chapter 5

(플루타르코스, Galba, chapter 5)

상위

목록

SEARCH

MENU NAVIGATION