Plutarch, Galba, chapter 22

(플루타르코스, Galba, chapter 22)

ὅσοι δὲ μὴ προσέθεντο Οὐΐνδικι κολαζομένουσ, ᾧ μόνῳ τὸν Γάλβαν χάριν εἰδέναι καὶ τιμᾶν τεθνηκότα καὶ γεραίρειν δημοσίοισ ἐναγισμοῖσ, ὡσ ὑπ’ ἐκείνου Ῥωμαίων ἀποδεδειγμένον αὐτοκράτορα, τοιούτων ἀναφανδὸν ἤδη λόγων ἐν τῷ στρατοπέδῳ περιφερομένων ἐπῆλθεν ἡ νουμηνία τοῦ πρώτου μηνόσ, ἣν καλάνδασ Ιἀνουαρίασ καλοῦσι · τοῦ δὲ Φλάκκου συναγαγόντοσ αὐτοὺσ ἐπὶ τὸν ὁρ́κον ὃν ἔθοσ ἐστὶν ὀμνύειν ὑπὲρ τοῦ αὐτοκράτοροσ, τὰσ μὲν εἰκόνασ τοῦ Γάλβα προσελθόντεσ ἀνέτρεψαν καὶ κατέσπασαν, αὐτοὶ δὲ ὀμόσαντεσ ὑπὲρ συγκλήτου καὶ δήμου Ῥωμαίων διελύθησαν.

εἶτα τοῖσ ἡγεμονικοῖσ παρίστατο δεδοικέναι τὴν ἀναρχίαν ὡσ ἀπόστασιν.

λέγει δέ τισ ἐν αὐτοῖσ· "τί πάσχομεν, ὦ συστρατιῶται, μήτ’ ἄλλον ἡγεμόνα ποιούμενοι μήτε τὸν νῦν ὄντα φυλάττοντεσ, ὥσπερ οὐ Γάλβαν, ἀλλ’ ὅλωσ ἄρχοντα καὶ τὸ ἄρχεσθαι φεύγοντεσ ; "Φλάκκον μὲν οὖν Ὁρδεώνιον οὐδὲν ἄλλο ἢ σκιὰν ὄντα Γάλβα καὶ εἴδωλον ἐατέον, ἡμέρασ δὲ μιᾶσ ὁδὸν ἀφέστηκεν ἡμῶν Οὐϊτέλλιοσ, ὁ τῆσ ἑτέρασ Γερμανίασ ἡγούμενοσ, πατρόσ τε τιμητοῦ καὶ τρὶσ ὑπάτου γενομένου καὶ Κλαυδίῳ Καίσαρι τρόπον τινὰ συνάρξαντοσ, αὐτόσ τε τὴν λοιδορουμένην ὑπ’ ἐνίων πενίαν δεῖγμα λαμπρὸν ἔχων χρηστότητοσ καὶ μεγαλοφροσύνησ, φέρε, τοῦτον ἑλόμενοι δείξωμεν ἀνθρώποισ πᾶσιν ὡσ Ἰβήρων καὶ Λυσιτανῶν ἀμείνουσ ἐσμὲν αὐτοκράτορα αἱρεῖσθαι. ταῦτα τῶν μὲν ἤδη προσιεμένων, τῶν δ’ οὐ προσιεμένων, εἷσ ὑπεξελθὼν σημαιοφόροσ ἀπήγγειλε τῷ Οὐϊτελλίῳ νυκτόσ, ἑστιωμένων πολλῶν παρ’ αὐτῷ.

τοῦ δὲ λόγου διαπεσόντοσ εἷσ τὰ στρατεύματα πρῶτοσ Φάβιοσ Οὐάλησ, ἡγεμὼν ἑνὸσ τάγματοσ, τῇ ὑστεραίᾳ μετὰ ἱππέων συχνῶν ἐλάσασ αὐτοκράτορα τὸν Οὐϊτέλλιον προσεῖπεν. ὁ δὲ τὰσ μὲν ἔμπροσθεν ἡμέρασ ἐδόκει διωθεῖσθαι καὶ ἀναδύεσθαι, τὸ μέγεθοσ τῆσ ἀρχῆσ φοβούμενοσ, τότε δέ φασιν οἴνου διάπλεων καὶ τροφῆσ ὄντα μεσημβρινῆσ προελθεῖν καὶ ὑπακοῦσαι Γερμανικὸν ὄνομα θεμένων αὐτῷ, τὸ δὲ Καίσαροσ οὐ προσδεξάμενον.

εὐθὺσ δὲ καὶ τὸ μετὰ Φλάκκου στράτευμα τοὺσ καλοὺσ ἐκείνουσ καὶ δημοκρατικοὺσ εἷσ σύγκλητον ὁρ́κουσ ἀφέντεσ ὤμοσαν Οὐϊτελλίῳ τῷ αὐτοκράτορι ποιήσειν τὸ προστασσόμενον.

일치하는 문장이 없습니다.

SEARCH

MENU NAVIGATION