Plutarch, Galba, chapter 27

(플루타르코스, Galba, chapter 27)

τὸν δέ Γάλβαν, ἀποκλιθέντοσ τοῦ φορείου περὶ τὸν Κουρτίου καλούμενον λάκκον, ἐκκυλισθέντα τεθωρακισμένον ἔτυπτον ἐπιδραμόντεσ. "εἰ τοῦτο τῷ δήμῳ Ῥωμαίων ἄμεινόν ἐστι. πολλὰσ μὲν οὖν ἔλαβε πληγὰσ εἴσ τε τὰ σκέλη καὶ τοὺσ βραχίονασ, ἀπέσφαξε δὲ αὐτόν, ὡσ οἱ πλεῖστοι λέγουσι, Καμούριόσ τισ ἐκ τοῦ πεντεκαιδεκάτου τάγματοσ, ἔνιοι δὲ Τερέντιον, οἱ δὲ Λεκάνιον ἱστοροῦσιν, οἱ δὲ Φάβιον Φάβουλον, ὃν καί φασιν ἀποκόψαντα τὴν κεφαλὴν κομίζειν τῷ ἱματίῳ συλλαβόντα, διὰ τὴν ψιλότητα δυσπερίληπτον οὖσαν ἔπειτα τῶν σὺν αὐτῷ κρύπτειν οὐκ ἐώντων, ἀλλ’ ἐκφανῆ πᾶσι ποιεῖν τὴν ἀνδραγαθίαν, περιπείραντα περὶ λόγχην καί ἀναπήλαντα πρεσβύτου πρόσωπον, ἄρχοντόσ τε κοσμίου καί ἀρχιερέωσ καί ὑπάτου, δρόμῳ χωρεῖν, ὥσπερ αἱ βάκχαι, πολλάκισ μεταστρεφόμενον, καί κραδαίνοντα τὴν λόγχην αἵματι καταρρεομένην.

"οὐδέν ἐστι τοῦτο, ὦ συστρατιῶται, τὴν Πείσωνόσ μοι κεφαλὴν δείξατε.

μετ’ ὀλίγον δὲ ἧκε κομιζομένη τρωθεὶσ γὰρ ἔφευγεν ὁ νεανίσκοσ, καί καταδιωχθεὶσ ὑπὸ Μούρκου τινὸσ ἀπεσφάγη πρὸσ τῷ ἱερῷ τῆσ Ἑστίασ, ἀπεσφάττετο δὲ καί Οὐίνιοσ ὁμολογῶν κοινωνὸσ γεγονέναι τῆσ ἐπὶ τὸν Γάλβαν συνωμοσίασ·

ἐβόα γὰρ ἀποθνήσκειν παρὰ τὴν Ὄθωνοσ γνώμην. ἀλλὰ γὰρ καί τούτου τὴν κεφαλὴν ἀποτεμόντεσ καί Λάκωνοσ ἐκόμισαν πρὸσ τὸν Ὄθωνα δωρεὰσ αἰτοῦντεσ. ὡσ δέ φησιν Ἀρχίλοχοσ, ἑπτὰ γὰρ νεκρῶν πεσόντων, οὓσ ἐμάρψαμεν ποσίν, χίλιοι φονῆεσ ἐσμέν, οὕτωσ τότε πολλοὶ τοῦ φόνου μὴ συνεφαψάμενοι, χεῖρασ δὲ καί ξίφη καθαιμάσσοντεσ ἐπεδείκνυντο καὶ δωρεὰσ ᾔτουν βιβλία διδόντεσ τῷ Ὄθωνι.

εἴκοσι γοῦν καί ἑκατὸν εὑρέθησαν ὕστερον ἐκ τῶν γραμματίων, οὓσ ὁ Οὐϊτέλλιοσ ἀναζητήσασ ἅπαντασ ἀπέκτεινεν. ἧκε δὲ καί Μάριοσ Κέλσοσ εἰσ τὴν παρεμβολήν.

καί πολλῶν αὐτοῦ κατηγορούντων ὅτι τοὺσ στρατιώτασ ἔπειθε τῷ Γάλβᾳ βοηθεῖν, καί τοῦ πλήθουσ ἀποκτιννύειν βοῶντοσ, Ὄθων οὐκ ἐβούλετο· φοβούμενοσ δὲ ἀντιλέγειν οὐχ οὕτωσ ἔφη ταχέωσ ἀποκτενεῖν αὐτόν· εἶναι γὰρ ἃ δεῖ πρότερον ἐκπυθέσθαι παρὰ τοῦ ἀνδρόσ, ἐκέλευσεν οὖν δήσαντασ φυλάττειν, καί παρέδωκε τοῖσ μάλιστα πιστευομένοισ.

일치하는 문장이 없습니다.

SEARCH

MENU NAVIGATION