Plutarch, Galba, chapter 6

(플루타르코스, Galba, chapter 6)

ἀφισταμένων δὲ πολλῶν τοῦ Νέρωνοσ καὶ πάντων ἐπιεικῶσ τῷ Γάλβᾳ προστιθεμένων, μόνοσ Κλώδιοσ Μάκροσ ἐν Λιβύῃ καὶ Οὐεργίνιοσ Ῥοῦφοσ ἐν Γαλατίᾳ τοῦ Γερμανικοῦ στρατεύματοσ ἡγούμενοσ αὐτοὶ καθ’ ἑαυτοὺσ ἔπραττον, οὐ τὴν αὐτὴν αἱρ́εσιν ἔχοντεσ, ἀλλ’ ὁ μὲν Κλώδιοσ, ἐν ἁρπαγαῖσ πραγμάτων γεγονὼσ καὶ φόνοισ ἀνδρῶν δι’ ὠμότητα καὶ πλεονεξίαν, δῆλοσ ἦν ἐν τῷ μήτε κατέχειν μήτε ἀφιέναι τὴν ἀρχὴν δύνασθαι περιφερόμενοσ; Οὐεργίνιοσ δὲ ταγμάτων ἐπιστατῶν δυνατωτάτων πολλάκισ αὐτὸν ἀναγορευόντων αὐτοκράτορα καὶ βιαζομένων οὔτε αὐτὸσ ἔφη λήψεσθαι τὴν ἡγεμονίαν οὔτε ἄλλῳ περιόψεσθαι διδομένην, ὃν ἂν μὴ ἡ σύγκλητοσ ἕληται.

ταῦτα τὸν Γάλβαν οὐ μετρίωσ ἐθορύβει τὸ πρῶτον·

ἐπεὶ δὲ τὰ Οὐεργινίου καὶ Οὐίνδικοσ στρατεύματα τρόπον τινὰ βίᾳ τοὺσ ἡγεμόνασ, ὥσπερ ἡνιόχουσ κρατῆσαι χαλινῶν μὴ δυνηθέντασ, εἰσ μάχην ἐξενεγκόντα μεγάλην συνέρραξαν, καὶ Οὐίνδικοσ ἑαυτὸν ἀνελόντοσ ἐπὶ δισμυρίοισ Γαλατῶν πεσοῦσι, διῆλθε λόγοσ ὡσ βουλομένων πάντων ἐπὶ νίκῃ τοσαύτῃ τὸν Οὐεργίνιον ἀναδέξασθαι τὴν ἡγεμονίαν ἢ πάλιν μεταβαλουμένων πρὸσ Νέρωνα, τότε δὴ παντάπασι περίφοβοσ γενόμενοσ ὁ Γάλβασ ἔγραψε τῷ Οὐεργινίῳ, παρακαλῶν κοινοπραγεῖν καὶ διαφυλάσσειν ἅμα τὴν ἡγεμονίαν καὶ τὴν ἐλευθερίαν Ῥωμαίοισ· αὖθισ δὲ μετὰ τῶν φίλων εἰσ Κλουνίαν, Ἰβηρικὴν πόλιν, ἀναχωρήσασ ἐν τῷ μετανοεῖν περὶ τῶν γεγονότων καὶ ποθεῖν τὴν συνήθη καὶ σύντροφον ἀπραγμοσύνην μᾶλλον ἢ πράττειν τι τῶν ἀναγκαίων διέτριβεν.

일치하는 문장이 없습니다.

SEARCH

MENU NAVIGATION