Plutarch, Galba, chapter 18

(플루타르코스, Galba, chapter 18)

ἐκ δὲ τούτου καί τὰ μετρίωσ πραττόμενα διαβολὴν εἶχεν, ὡσ τὰ πρὸσ τοὺσ Γαλάτασ Οὐΐνδικι συναραμένουσ. ἐδόκουν γὰρ οὐ φιλανθρωπίᾳ τοῦ αὐτοκράτοροσ, ἀλλὰ ὠνούμενοι παρὰ Οὐινίου τυγχάνειν ἀνέσεώσ τε δασμῶν καί πολιτείασ, οἱ μὲν οὖν πολλοὶ διὰ ταῦτα πρὸσ τὴν ἡγεμονίαν ἀπηχθάνοντο, τοὺσ δὲ στρατιώτασ τὴν δωρεὰν μὴ κομιζομένουσ ἐν ἀρχῇ μὲν ἐλπὶσ παρῆγεν ὡσ, εἰ καί μὴ τοσοῦτον, ἀλλ’ ὅσον Νέρων ἔδωκεν, ἀποδώσοντοσ. ἐπεὶ δὲ μεμφομένουσ ἀκούσασ ἀφῆκε φωνὴν ἡγεμόνι μεγάλῳ πρέπουσαν, εἰπὼν εἰωθέναι καταλέγειν στρατιώτασ, οὐκ ἀγοράζειν, πυθομένοισ τοῦτο δεινὸν εἰσῆλθε μῖσοσ καί ἄγριον πρὸσ αὐτόν, ἐδόκει γὰρ οὐκ αὐτὸσ ἀποστερεῖν μόνοσ, ἀλλὰ νομοθετεῖν καί διδάσκειν τοὺσ μεθ’ αὑτὸν αὐτοκράτορασ.

ἀλλὰ τὸ μὲν ἐν Ῥώμῃ τυφλὸν ἦν ἔτι κίνημα, καί τισ αἰδὼσ ἅμα πρὸσ παρόντα τὸν Γάλβαν ἀμβλύτητα καί μέλλησιν ἐνεποίει τῷ νεωτερισμῷ, καί τὸ μηδεμίαν ἀρχὴν ἐμφανῆ μεταβολῆσ ὁρᾶσθαι συνέστελλε καί συνέκρυπτεν ἁμῶσ γέ πωσ τὴν δυσμένειαν αὐτῶν, οἱ δὲ πρότερον ὑπὸ Οὐεργινίῳ γενόμενοι, τότε δὲ ὄντεσ ὑπὸ Φλάκκῳ περὶ Γερμανίαν, μεγάλων μὲν ἀξιοῦντεσ αὑτοὺσ διὰ τὴν μάχην ἣν ἐμαχέσαντο πρὸσ Οὐΐνδικα, μηδενὸσ δὲ τυγχάνοντεσ, ἀπαρηγόρητοι τοῖσ ἄρχουσιν ἦσαν.

αὑτὸν δὲ τὸν Φλάκκον ὑπὸ συντόνου ποδάγρασ ἀδύνατον ὄντα τῷ σώματι καὶ πραγμάτων ἄπειρον ἐν οὐδενὶ λόγῳ τὸ παράπαν ἐποιοῦντο.

"εἰ ἄξιοσ.

일치하는 문장이 없습니다.

SEARCH

MENU NAVIGATION