Plutarch, Galba, chapter 20

(플루타르코스, Galba, chapter 20)

Σενέκαν δὲ εἶχεν εὔνουν κἀκείνου τὸν Νέρωνα πείσαντοσ καὶ παραινέσαντοσ ἐξεπέμφθη Λυσιτανῶν στρατηγὸσ ἐπὶ τὸν Ὠκεανόν. καὶ παρέσχεν ἑαυτὸν οὐκ ἄχαριν οὐδὲ ἐπαχθῆ τοῖσ ὑπηκόοισ, εἰδὼσ φυγῆσ ὑποκόρισμα καὶ παρακάλυμμα τὴν ἀρχὴν αὐτῷ δεδομένην. ἀποστάντοσ δὲ Γάλβα πρῶτοσ αὐτῷ προσεχώρησε τῶν ἡγεμόνων, καὶ φέρων ὅσον εἶχεν ἐν ἐκπώμασι καὶ τραπέζαισ ἄργυρον καὶ χρυσὸν ἔδωκε κατακόψαι ποιουμένῳ νόμισμα, καὶ τῶν οἰκετῶν ἐδωρήσατο τοὺσ εἰθισμένουσ περὶ δίαιταν ἡγεμόνι ἐμμελῶσ ὑπουργεῖν.

καὶ τὰ ἄλλα πιστὸσ ἦν αὐτῷ, καὶ διδοὺσ πεῖραν οὐδενὸσ ἧττον ἐδόκει πραγμάτων ἔμπειροσ εἶναι· καὶ βαδίζοντι τὴν ὁδὸν ἅπασαν ἐφ’ ἡμέρασ πολλὰσ συνοχούμενοσ διετέλεσεν. ἐν δὲ τῇ συνοδίᾳ καὶ τῇ συνηθείᾳ τὸν Οὐίνιον ἐξεθεράπευσεν ὁμιλίᾳ καὶ δώροισ, μάλιστα δὲ τῶν πρωτείων ὑφιέμενοσ αὐτῷ τό γε μετ’ ἐκεῖνον δύνασθαι δι’ ἐκεῖνον εἶχε βεβαίωσ, τῷ δὲ ἀνεπιφθόνῳ περιῆν, προῖκα συμπράττων πάντα τοῖσ δεομένοισ, καὶ παρέχων ἑαυτὸν εὐπροσήγορον καὶ φιλάνθρωπον ἅπασι.

τὰ δὲ τὸν Οὐίνιον καὶ τοὺσ ἀπελευθέρουσ παρακαλῶν Ἴκελον καὶ Ἀσιατικόν οὗτοι γὰρ ἦσαν ἐν δυνάμει μάλιστα τῶν περὶ τὴν αὐλήν.

ὁσάκισ δὲ τὸν Γάλβαν εἱστία, τὴν παραφυλάττουσαν ἀεὶ σπεῖραν ἐδέκαζε χρυσοῦν ἑκάστῳ διανέμων, οἷσ τιμᾶν αὐτὸν ἐδόκει καταπολιτευόμενοσ καὶ δημαγωγῶν τὸ στρατιωτικόν.

일치하는 문장이 없습니다.

SEARCH

MENU NAVIGATION